2 Mizimbu 36:10 - Livulu lya Shukulu Kalunga

¹⁰ Omo simbu ya nyangao yetele, Mwene Nevukaneza watwalele Yehoyakine ku Mbambilone nakumupwisa cinzinda, co wambatele vufuko vwa mu Njuvo ya Shukulu Kalunga. Asinoni Nevukaneza wapwisile Zendekiya inanu ya Yehoyakine mwene wa mu Yunda na mu Yelusalema.

2 Mizimbu 36:10 Iomraidhean Croise

2 Samwele 11:1

Kukuhwa kwa mwaka, simbu ije vimyene vakele nakuya nakulwa nzita, Ndaviti watumine Yowave na vamyata vendi na mbunga ya mashwalale vaIsalele, vafungulwile vaMowavi nakuzengeleka nganda ya Lamba. Oloni Ndaviti wasalele mu Yelusalema.

2 Vimyene 20:17

simbu ilinakwija omo vyuma vyoshe vya mu lipela lyove, na vyuma vyoshe vije vakukulwila vove vatulikile kweta ku litangwa lya lelo, vakavitwala ku Mbambilone. Nacimo cai cikasalao.

2 Mizimbu 36:18

Co Mwene wa Mbambilone wapukwile Njuvo ya Shukulu Kalunga, na vufuko vwamwo, na vufuko vwa mwene na vamyata vendi, watwalele vyuma vyoshe ku Mbambilone.

2 Mizimbu 36:7

Nevukaneza wambatele vufuko vwa mu Njuvo ya Shukulu Kalunga, co wakavwakele mu lipela lyendi mu Mbambilone.

Esita 2:6

Omo Mwene Nevukaneza wa ku Mbambilone watwalele Mwene Yehoyakine wa mu Yunda ku vunzinda kutunda mu Yelusalema, amolika na munga ya vinzinda, co na Molendekai wakele akati kavo.

Isaya 39:7

Vatekulwila vove vamo va a mbunge vakavatwala, co vakavapwisa vayunuke ngeci vakapange mu lipela lya mwene wa ku Mbambilone.”

Njelemiya 20:5

Njikecela vitozi vavo vakapukule vufuko vwoshe vwa mu nganda eyi, nakwambata vufuko vwamwo na vivala, na vitulikilo vya vimyene va mu Yunda, co vakatwala vyuma vyoshe ku Mbambilone.

Njelemiya 22:25

nakukwana ku vanu vaje vawatewa, vaje vashaka kukutsiya. Njikakwana kuli Mwene Nevukaneza wa ku Mbambilone na mashwalale vendi.

Njelemiya 24:1

Shukulu Kalunga wanjimwesele mitonga ivali ya vushuka vwa mikuyu ije vatumbikile kulutwe lwa Njuvo ya Shukulu Kalunga. (Eci calingiwile omo Mwene Nevukaneza wa Mbambilone natwala laja Mwene Yehoyakine wa mu Yunda muna Yehoyakime kutunda ku Yelusalema nakuya ku Mbambilone kupwa cinzinda, amolika na vantwama va mu Yunda, na vatongwe vaka-kushonga, na vatongwe vaka-kufula.)

Njelemiya 27:16

Asinoni njalekele vaka-kukombelela na vanu ngwange Shukulu Kalunga nendeka ngwendi, “Kesi mutolilile kuli vaka-kwimanena vaje vendeka ngwavo vufuko vwa mu Njuvo ya Shukulu Kalunga ololo vakavwilwisa lalo kutunda ku Mbambilone. Valinakumikwisa.

Njelemiya 28:3

Mu myaka ivali lika njikelwisa vufuko vwoshe vwa mu Njuvo yange ku mwela uno vuje vwatwalele Mwene Nevukaneza ku Mbambilone.

Njelemiya 37:1

Mwene Nevukaneza wa Mbambilone wengisile Zendekiya muna Yosiya mwene wa mu Yunda mu mwela wa Yehoyakine muna Yehoyakime.

Ezekiyele 1:2

(Wapwile mwaka wamucitanu tunde aje Mwene Yehoyakine wa mu Yunda vamutwalele mu vunzinda.)

Ezekiyele 17:12

“Ihula ava vaka-kutengulukila nga vazivuka muje mucinalumbunukila eci cisimo. Valeke ngwove mwene wa Mbambilone wezile ku Yelusalema nakukwata mwene na vamyata vendi nakuvatwala ku Mbambilone.

Ezekiyele 17:6

Co kaje kamuti kamenene nakupwa nsina yakutalavala, nakujanjavala kupwa mukolovozi wa vushuka vwa vinyu. Minango yakolele nakujanjavalela ku ngonga, co mizi yakovelele manene mu livu. Co mukolovozi wa vushuka vwa vinyu walifwikile na minango na maputa.

Ndanyele 5:2

Omo vakele nakunwa, co Mbeleshazale washikile ngeci vanene vinganja vya ngolinde na siliva na malonga aje akambatele ishe Nevukaneza mu Njuvo ya Shukulu Kalunga mu Yelusalema. Mwene watumine ngeci vakavishake, anwilemo ikeye na vanu vendi va vulemu na mashano vendi na mashano vendi va mbanja.

Ndanyele 5:23

Walingile mwamuvi ku mesho a Shukulu Kalunga wa mwilu akunena vinganja na malonga vya mu Njuvo ya Shukulu Kalunga. Yove, na vanu vove va vulemu, na mashano vove, na mashano vove va mbanja mwanwilililemo vinyu nakushangazala tumponya vakupanga na ngolinde, na siliva, na vunengu, na vutale, na viti, na mamanya, na tumponya vaje kuvesi kumona nambe kuziva, nambe kuzivuka cuma cimo. Oloni kuwasingimikile Njambi uje wanyunga mwonyo wove na vyuma vyoshe vije viwukalingi.

Hambakuke 1:10

Vakevo vayengula vimyene, nakujola vamyata vakama. Nganda ya cimpaka naimo yahi kuvasa kukovela. Valundika livu ku vivumbe vya cimpaka, co vafungulula nganda.