2 Mizimbu 35:8 - Livulu lya Shukulu Kalunga

⁸ Co vamyata vendi lalo vaanene milambu kuli vanu, na kuli vaka-kukombelela, na kuli vaLevi ngeci valikwase nayo. Co lalo vamyata vaje vapwile vakulunu va ku Njuvo ya Shukulu Kalunga mazina avo, Hilikiya Muka-kukombelela Wakama na Zekaliya na Njehiyele, vaanene kuli vaka-kukombelela vana va vimanga na vana va vimembe vakupwa 2,600, na vingombe va nkomba vakupwa 300 vakukombelela a simbu ya ciwano.

2 Mizimbu 35:8 Iomraidhean Croise

1 Mizimbu 29:17

Njazivuka ngeci yove Njambi yange ukeseka mbunge ya munu na munu, co ukazivi kuvwaa na vanu vaje vaka-vushunga. Yange njinaana vyoshe evi kuli yove na cizango, co yange njinamono vanu vove ava vanakunguluka kuno vanaana nakuvwaelela kuli yove.

1 Mizimbu 9:20

Co Finehase muna Elyazale, wapwile ntwama yavo a simbu ije, omo Shukulu Kalunga wakele amo nendi.

2 Mizimbu 30:24

Co Mwene Hezekiya waanene vanu vingombe va nkomba vakupwa 1,000 na vimanga vakupwa 7,000 ngeci vanu vatsiye valye, co vamyata vaanene vingombe va nkomba vakupwa 1,000 na vimanga vakupwa 10,000. Co mbunga yakama ya vaka-kukombelela valijelesele.

2 Mizimbu 31:13

Co vaangwile vaLevi likumi ngeci vavakwase, mazina avo, Njehiyele, na Azaziya, na Nahate, na Ashahele, na Njelimote, na Yozavande, na Elyele, na Isemakiya, na Mahate, na Mbenaya. Co vyoshe evi vyalingiwile mu nzili ya Mwene Hezekiya na Azaliya Muka-kukombelela Wakama.

2 Mizimbu 34:9

Co vimbongo vije vivakungulwile vaLevi vaka-kunyunga ku vikolo vavyanene kuli Hilikiya Muka-kukombelela Wakama. (Vimbongo evi vavitambwile kuli vanu va ku Efalime na Manase, na ku vanu va ku Vumwene vwa ku Kunto, na ku vanu va mu Yunda na Mbenjemani na ku vanu va mu Yelusalema.)

2 Mizimbu 35:7

Mwene Yosiya waanene vanu vyakuvakwasa ku Ciwano ca Pasovala, wavanene vimanga na vana va vimanga na vana va vimembe vakupwa 30,000, na vingombe va nkomba vakupwa 3,000 va ku matanga endi na ku malimba endi.

Ezela 1:6

Vandambo vavo voshe vavakwasele, co vavaanene vyuma vyavingi, malonga a siliva, na ngolinde, na vivala, na vimuna vakwambata vivala, na vyuma vikwavo lalo vya seo, na vin̄ombelo vya mu Njuvo ya Shukulu Kalunga.

Ezela 7:16

Co lalo unapande kwambata siliva na ngolinde yoshe ije imunalambula mu lifuti lya Mbambilone na milambu ije ivakana vanu va Isalele na vaka-kukombelela vavo ku Njuvo ya Shukulu Kalunga Njambi yavo mu Yelusalema.

Myaso 45:12

Vanu va ku lifuti lya Tile vakakunenela vwana, co vanu vaka-kufuka vakakushangazala.

Kulava 7:2

Asinoni vantwama, vaje vapwile va miyati ya Isalele, vakevo vanu vamolika vaje vakele na moko ya vaje vavalavele,

Vilinga vya Miluwa 4:1

Co Petulu na Yowano omo vakele nakwendeka na vanu omo vaka-kukombelela vamo, na mukulunu wa vaka-kunyunga Njuvo ya Shukulu Kalunga, na vaSanduki vamo vezile.

Vilinga vya Miluwa 5:26

Ngecivene, uje mukulunu wa vaka-kunyunga Njuvo ya Shukulu Kalunga waile na vanu vendi wakashakele miluwa. Kuvakapangesele nzili omwo vazivile lyova ngwavo amo vanu vavasha mamanya.

2 Kolinte 8:12

Omwo nga yeni muli na cizango cakwana, co Njambi akatambula vwana vweni ali vije mulinavyo kuvihana, oloni kesi ali vije kumwesi navyo.

2 Kolinte 9:7

Ngecivene, umo na umo napande kwana ngwe mwanayongwela, kesi ngwe kuvyana na vusiwa nambe ngwe akusindiya, omwo Njambi azema uje ana nakujolela.