2 Mizimbu 35:6 - Livulu lya Shukulu Kalunga

⁶ Munapande kutsiya vana va vimanga na vimembe va a Ciwano ca Pasovala. Lijeleseni nakuvwaesa vyakukombelela ngeci vavushoko vweni vaIsalele vakakave vilongesa vije vyaanene Shukulu Kalunga kuli Mosesa.”

2 Mizimbu 35:6 Iomraidhean Croise

Kushangumuka 35:2

Ngecivene, Yakomba wendekele ku naanga yendi na kuli voshe vaje wakele navo amo ngwendi, “Tundiseni vinjambi veka vaje vali akati keni. Lijeleseni nakuzala vuzalo vwakujela.

1 Mizimbu 15:12

Co wendekele kuli vaLevi ngwendi, “Yeni munapu mu vantwama va cikota ca vaLevi. Lijeleseni yeni vavenya nakujelesa lalo vakweni vaLevi, ngeci mukashake Cikasa ca Cikumiiyo ca Shukulu Kalunga Njambi ya Isalele nakucinena ku mwela kuje kunjacivwaesela.

2 Mizimbu 29:15

Vanalume ava vakungulwile vavushoko vwavo vaLevi, co voshe valijelesele. Asinoni, ngwe mwavashikile mwene, vashangumukile kujelesa Njuvo ya Shukulu Kalunga ngwe ku lishiko lya Shukulu Kalunga.

2 Mizimbu 29:34

Vaka-kukombelela vapwile vavandondo ngeci vatsiye vimuna voshe ava, co vaLevi vavakwasele noo vamanesele vipangi. Co a simbu ije vaka-kukombelela vavangi valijelesele. (VaLevi vapwile va kulongwa mu vimbunge mukulijelesa kutuvakana vaka-kukombelela.)

2 Mizimbu 29:5

wendekele kuli vakevo ngwendi, “Yeni vaLevi munapande kulijelesa ngeci mujelese Njuvo ya Shukulu Kalunga, Njambi ya vakukulwila veni. Tundiseni vyuma vyoshe vije vijwalesa ku Njuvo ya Shukulu Kalunga.

2 Mizimbu 30:3

Kuvasele kulisamba Ciwano eci a simbu ije omwo vaka-kukombelela te kanda valijelese, na vanu lalo te kanda valikungulwile ku Yelusalema.

2 Mizimbu 35:1

Mwene Yosiya walisambele Ciwano ca Pasovala mu Yelusalema kusingimika Shukulu Kalunga, co a litangwa lyamulikumi na awana ku ngonde yakulivanga, vatsiile vimuna va a ciwano.

2 Mizimbu 35:11

Omo vamanesele kutsiya vana va vimanga na vimembe, co vaLevi vavajuvile, co vaka-kukombelela vashamwinine maninga a mutula.

2 Mizimbu 35:7

Mwene Yosiya waanene vanu vyakuvakwasa ku Ciwano ca Pasovala, wavanene vimanga na vana va vimanga na vana va vimembe vakupwa 30,000, na vingombe va nkomba vakupwa 3,000 va ku matanga endi na ku malimba endi.

2 Mizimbu 5:11

Vaka-kukombelela voshe vaje vakeleko valijelesele, nambe vakundamene ku munga ika nambe ika.

Yombi 1:5

Ku mutondo omo ciwano cinahu, Yombi wakele nakwinduka mutondo-tondo nakukombelela vin̄ombelo vya kwenyeka kupwisa ku umo na umo wa vana vendi mukuvajelesa. Ikeye wakele nakulinga eci simbu yoshe omwo wayongwele ngeci amo umo wa vana vendi nalingi vuvi nakushaula Njambi kwakujeneka kucizivuka.

Myaso 51:7

Tundisa vuvi vwange, co njikajela, njijwelese, co njikatoka too ngwe mema akukonda.

Kutuuka 12:6

Ngecivene, mukavanyunga noo a litangwa lyamulikumi na awana ku ngonde, co ku cingwezi mbunga yoshe ya Isalele vakatsiye vaje vimuna.

Kutuuka 19:10

co Shukulu Kalunga wendekele kuli ikeye ngwendi, “Ya kuli vanu ukavaleke ngeci valivwaese lelo na imene. Vanapande kulijelesa nakulemesa. Co vanapande kukusha vuzalo vwavo

Kutuuka 19:15

co Mosesa wendekele kuli vakevo ngwendi, “Livwaeseleni cimweja ku litangwa lya indele, umo kesi akalimone na munakazi a simbu eyi.”

Njwele 2:16

Kungulwileni vanu amolika, vakungulwileni ku cikungulukilo cakujela, neneni tukulukazi, kungululeni vanike na vimbututu lalo. Nameme vaje vanashomboka ololo vaseze vinjuvo vyavo vaije.