2 Mizimbu 35:3 - Livulu lya Shukulu Kalunga

³ Co lalo washikile vaLevi, valongisi va Isalele voshe, vaje vavakundikile kuli Shukulu Kalunga ngwendi, “Akeni Cikasa ca Cikumiiyo cakujela mu Njuvo ya Shukulu Kalunga ije yatungile Mwene Solomoni, muna Ndaviti, kumukacambata lalo a vitsili vyeni kutunda ku mutambela umo nakuya ku mutambela ukwavo embwe, oloni mukapangela lika Shukulu Kalunga Njambi yeni na vanu vendi va Isalele.

2 Mizimbu 35:3 Iomraidhean Croise

1 Mizimbu 23:26

Ngecivene, vaLevi kuvapandele lalo kwambata Mbalaka Mwakuliwanena, na vyuma vyoshe vyakupangesa mukulemesa.”

2 Mizimbu 17:7

Mu mwaka wamucitatu wakushwana kwendi, Njosefati watumine vamyata vaje vaile nakulongesa mu vinganda vya mu Yunda vapwile, Mbenehaile, na Ovandiya, na Zekaliya, na Netanela, na Mikaya.

2 Mizimbu 30:22

Co Hezekiya washangazalele vaLevi a mana avo akupangela mwamuvwa Shukulu Kalunga. Omo kuneti matangwa atanu na avali vakombelelele vin̄ombelo nakushangazala Shukulu Kalunga, Njambi ya vakukulwila vavo,

2 Mizimbu 34:14

Omo vakele nakutundisa vimbongo mu njuvo yakuvitulikila, Hilikiya wawanene livulu lya Mashiko a Shukulu Kalunga, Mashiko aje aanene Njambi kuli Mosesa.

2 Mizimbu 5:7

Asinoni vaka-kukombelela vambatele Cikasa ca Cikumiiyo nakucaka mu Njuvo ya Shukulu Kalunga, co vacitumbikile mu Mwela Wakujela Manene, mwisi ya vakelumbi va mambava.

2 Mizimbu 8:11

Solomoni wajalwisile munakazi wendi, uje wapwile muna mwene wa ku Ingito, wamutundisile mu Nganda ya Ndaviti, co wamutwalele ku njuvo ije yamutungilile. Wendekele ngwendi, “Munakazi wange kapandele kukala mu lipela lya Mwene Ndaviti wa Isalele embwe, omwo mwela woshe kuje kunakala Cikasa ca Cikumiiyo unapu wakujela.”

Kutuuka 32:29

Co Mosesa wendekele kuli vaLevi ngwendi, “Lelo munalijelesa yeni vavenya kupwa vaka-kukombelela kuli Njambi akupangela Shukulu Kalunga akutsiya vana veni va vanalume, na vandolome veni, co Shukulu Kalunga namivezikisa litangwa lya lelo.”

Malakiya 2:7

Cinapu cipangi ca vaka-kukombelela kulongesa mana a Njambi. Ngeci vanu vanapande kuya kuli vakevo mukulilongesa cizango cange, omwo vakevo vapwa miluwa va Shukulu Kalunga Muka-nzili yoshe.

Kulava 8:19

Ngecivene, njinaana vaLevi kuli Alone na vana vendi kupwa vwana, akati ka vanu va Isalele nakupanga vipangi mu Mbalaka Mwakuliwanena na mukwambesa vanu va Isalele ngeci kesi kukale mushongo wakulitambwisa akati kavo, omo vanu vashwenya kuyehi na Mwela Wakujela.”

2 Kolinte 4:5

Omwo kesi ngwe yetu tulyambulula yetu vavenya embwe, oloni tulinakwambulula Yesu Kilistu ikeye Mwene, co netu tunapu tu vangamba veni a lizina lya Yesu.

Kwituluka mu Mashiko 33:10

Vakevo vakalongesa vanu vove, kwononoka mashiko ove, vakakombelela vin̄ombelo a mutula wove.