2 Mizimbu 35:25 - Livulu lya Shukulu Kalunga

²⁵ Co Njelemiya muka-kwimanena wasonekele mbimbi yakulila ali Mwene Yosiya. Eci capwile cilika mu Isalele kuli vaka-kwimba, vanalume na vanakazi, vembile ou mwaso wa mbimbi omo vamulilile. Co mwaso ou wa mbimbi vausoneka muLivulu lya Mbimbi.

2 Mizimbu 35:25 Iomraidhean Croise

2 Samwele 1:17

Ndaviti wembile mwaso ou wakulila Saulu na munendi Yonatana,

2 Samwele 3:33

Asinoni Ndaviti wembile mwaso wakulila Avinele ngwendi, “Omwo vikajo Avinele natsi ngwe cilema?

2 Mizimbu 35:26

Vyuma vyoshe vije vyalingile Mwene Yosiya, vyakulikundika kuli Shukulu Kalunga, nakwononoka kwendi ku Mashiko,

Ezela 2:65

Co vangamba vavo va vanalume na ava va vanakazi vapwile 7,337. Vanalume na vanakazi vaka-kwimba vapwile 200.

Yombi 3:8

Leka vimbanda vasinge lije litangwa, vimbanda vaje vasa kwononwesa Levyatane.

Muka-kwambulula 12:5

Ukaziva lyova lya mitambela ya malundu, co kwenda kukapwa vushonde kuli yove. Vin̄ambu vyove vikakala na vwele kuukasa kwendangana, co lishungu lyoshe likahwa. Tulinakuya ku mutambela wetu wa mamaneselelo wakuhwimina, co kukakala kulila mu vitapalo.

Njelemiya 1:1

Livulu eli lyapwa lya vin̄anda vije vyendekele Njelemiya, umo wa vaka-kukombelela va mu nganda ya Anatote mu lifuti lya Mbenjemani. Njelemiya wapwile muna Hilikiya.

Njelemiya 22:10

Yeni vanu va mu Yunda, kesi mulile Mwene Yosiya nambe mulinyenge a kutsa kwendi. Oloni lileni manene munendi Yowahaze, valinakumutwala kulyala kakeluka lalo embwe, nambe kumona lifuti lyendi lya cisemwa.

Njelemiya 22:20

Vanu va mu Yelusalema, yeni ku Lembanone nakutambeka, yeni ku lifuti lya Mbashane nakutambeka, tambekeni oku muli a minkinda ya Mowavi, omwo vasamba veni voshe vaka-kumikwasa kulwa nzita vanavafungulula.

Mbimbi 4:20

Co vafungulwile nsina yakuyoya kwetu, ikeyo mwene uje yaangwile Shukulu Kalunga, uje itwakulaelele ngwetu akatunyunga kuli voshe vatukovelela nakutulwisa.

Ezekiyele 32:16

Majwi awa akunangula akemuka mwaso wakulila. Vanakazi va miyati yeka vakawimba nakulilila Ingito na vanu vamwo voshe. Munjinendeka yange Kalunga wa Akamwa ya Vyoshe.”

Amose 5:16

Ngecivene, Shukulu Kalunga wa Akamwa ya Vyoshe Muka-nzili yoshe alinakwendeka ngwendi, “Kukakala kulila mbimbi-mitwe mu vitapalo vya mu nganda. Na vandimi navo vakavaleka ngeci valile na vaje voshe vavakafwete vimbongo ngeci valile.

Mateo 9:23

Co omo Yesu wezile ku njuvo ya uje mukulunu, co wamwene vanu vakele nakulila, co vanu vavangi vakele nakulinyenga,

Maako 11:39

Munima ya vingonde vivali, welukile kuli ishe. Co ishe walingile vije vyakulaesele Shukulu Kalunga. Co watsile acili mumbanda kanda alimone na munalume. Eci cikeco capwile vushangumukilo vwa cilika mu Isalele,

Maako 11:40

ngeci a mwaka na mwaka a matangwa awana, vambanda vaile mukulila muna Njefeta wa ku Ngilyande.