2 Mizimbu 35:24 - Livulu lya Shukulu Kalunga

²⁴ Co vangamba vendi vamutundisile mu litemba lyendi, vamwakele mu litemba lyamucivali lyakele nalyo kuje, co vamutwalele ku Yelusalema. Wakatsililile kuje vene, co vamutsindile mu vimbumbo vya vumwene. Co vanu voshe va mu Yunda na mu Yelusalema vamulilile.

2 Mizimbu 35:24 Iomraidhean Croise

Kushangumuka 41:43

Wamwanene likalu lyamucivali lya vumwene ngeci endelemo, na vaka-kumunyunga va kasingimiko vaile kulutwe nakuleka vanu ngwavo, “Mutsikameneni! Mutsikameneni!” Co Yosefa wapwile mwata wakama mu lifuti lyoshe lya Ingito.

2 Vimyene 23:30

Co vamyata vendi vaakele muvila wendi mu litemba vawilwisile ku Yelusalema, kuje vakamutsindile mu vimbumbo vya vumwene. Co vanu va mu Yunda vaangwile munendi Yowahaze, co vamuvwavesele mazi nakumupwisa mwene.

2 Mizimbu 32:33

Hezekiya watsile, co vamutsindile mu Yelusalema ku lilundu lya ku vimbumbo vya vumwene. Vanu voshe va mu Yunda na mu Yelusalema vasingimikile manene kutsa kwendi. Co munendi Manase wamushwanene kupwa mwene.

2 Mizimbu 34:28

co cihiso eci njinashakele kunena a Yelusalema kucikaija kuvanga munima ya kutsa kwove. Njikakutava ngeci ukatse mu kwoloka.” Co vaje vanu velwisile awa majwi kuli Mwene Yosiya.

2 Mizimbu 35:23

A simbu ya nzita, Mwene Yosiya vamwashele mikili kuli vaka-Ingito. Co washikile vangamba vendi ngwendi, “Njitwaleni, njavetwa mwamuvi manene!”

Myaso 36:6

Vushunga vwove vunapu ngwe minkinda yakama, kusompa kwove kwalova manene ngwe mema a kalunga. Yove Shukulu Kalunga wanyunga vanu na tusitu.

Muka-kwambulula 8:14

Oloni eci cinapu cangoco. Kenga vije vilinakulingiwa mu kaye, visimbu vimo vaka-vushunga vakawana cihiso cije capande vaka-vuvi, co vaka-vuvi vakatambula cikandelela cije capande vaka-vushunga. Co yange njendeka ngwange cuma eci cinapu cangoco.

Zakaliya 12:11

A litangwa lije kukakala kulila kwakama mu Yelusalema ngwe kulila kwakulilila Handandelimone mu cana ca Mengindo.