2 Mizimbu 35:23 - Livulu lya Shukulu Kalunga

²³ A simbu ya nzita, Mwene Yosiya vamwashele mikili kuli vaka-Ingito. Co washikile vangamba vendi ngwendi, “Njitwaleni, njavetwa mwamuvi manene!”

2 Mizimbu 35:23 Iomraidhean Croise

Kushangumuka 49:23

Vitozi vendi vakamulwisa na vukalu nakumusheka na mata avo a lusipa na mikili.

1 Vimyene 22:34

Nameme ngoco, akuvezika, lishwalale umo wa vaSilya washele mukili wendi, co wakwatele Mwene Ahave mukati ka mutongo wa vuzalo vwendi vwa nzita. Co Ahave walekele muka-kwendesa litemba lyendi ngwendi, “Njinavetwa! Tenguluka nakutundisa litemba mu nzita!”

2 Vimyene 8:29

Co welukile ku nganda ya Njezelele ngeci akakanguke ku vimbandu vyendi vije vyavetwele, Ahaziya waileko nakukamumona.

2 Vimyene 9:24

Aje vene Yehu wananele manene vuta vwendi vwa lusipa na nzili yendi yoshe, co washele mukili mukati ka vitsili vya Njolame, co uje mukili wamutivile ku mbunge. Co Njolame wawililile mu litemba lyendi watsile.

2 Mizimbu 18:33

Nameme ngoco, lishwalale umo wa vaSilya washele mukili wendi mu vuta vwa lusipa, co mukili wakwatele Mwene Ahave mukati ka mutongo wa vuzalo vwendi vwa nzita. Co Ahave watambekele kuli muka-kwendesa litemba lyendi ngwendi, “Njinavetwa! Tenguluka nakutundisa litemba mu nzita.”

2 Mizimbu 35:22

Oloni nameme ngoco Yosiya washakele manene kulwa. Wavyanene kutolilila ku vije vyendekele Njambi muli Mwene Neko, co walimwisile mweka, wakovelele nakulwa nzita mu cana ca Mengindo.

2 Mizimbu 35:24

Co vangamba vendi vamutundisile mu litemba lyendi, vamwakele mu litemba lyamucivali lyakele nalyo kuje, co vamutwalele ku Yelusalema. Wakatsililile kuje vene, co vamutsindile mu vimbumbo vya vumwene. Co vanu voshe va mu Yunda na mu Yelusalema vamulilile.

Mbimbi 3:13

Washele manene mikili yendi a muvila wange nakuyikovelesa manene.