2 Mizimbu 35:17 - Livulu lya Shukulu Kalunga

¹⁷ Co a matangwa atanu na avali vanu voshe va Isalele vaje vakeleko valisambele Ciwano ca Pasovala na Ciwano ca Makende Akujeneka Musima.

2 Mizimbu 35:17 Iomraidhean Croise

2 Mizimbu 35:16

Ngecivene, vyuma vyoshe vavilingile a litangwa lije, vyakulemesa Shukulu Kalunga, vyakunyunga Ciwano ca Pasovala, nakukombelela vin̄ombelo vya kwenyeka a mutula ngwe muje mwashikile Mwene Yosiya.

Kutuuka 12:1

Shukulu Kalunga wendekele kuli Mosesa na Alone mu Ingito ngwendi,

Kutuuka 23:15

Mu ngonde ya Avive, ngonde ije mwatundile mu Ingito, lisambeni Ciwano ca Makende Akujeneka Musima mu ngila ije injamishikile vene. Kesi mulye makende akulinga na musima a simbu ije ya matangwa atanu na avali a ciwano eci. Co kesi mwije nakunjilemesa kujeneka mulambu.

Kutuuka 34:18

“Co nyungeni Ciwano ca Makende Akujeneka Musima, ngwe muje njamishikile. Lyeni makende akujeneka musima a matangwa atanu na avali mu ngonde ya Avive, omwo mu ngonde ije vene ikeyo mwatundile mu Ingito.

Kwituluka mu Mashiko 16:8

A matangwa atanu na limo mukalya makende akujeneka musima, co a litangwa lyamucitanu na avali mukalikungulula nakulemesa Shukulu Kalunga Njambi yeni. Co kesi mukapange vipangi a litangwa lije.