2 Mizimbu 34:8 - Livulu lya Shukulu Kalunga

⁸ Mu mwaka wamulikumi na itanu na itatu wakushwana kwendi, omo wamanesele kujelesa lifuti na Njuvo ya Shukulu Kalunga, Mwene Yosiya watumine vanalume vatatu vakavwaese Njuvo ya Shukulu Kalunga Njambi, mazina avo, Shafane muna Azaliya na Maseya nguvulu wa mu Yelusalema, na mwata wakama Njowa muna Yowahaze.

2 Mizimbu 34:8 Iomraidhean Croise

2 Samwele 20:24

Andonilame wapwile mukulunu wa vaka-kupanga vipangi vya mavoko, Njosefati muna Ahilunde wapwile mukulunu wa vaka-kusoneka mizimbu,

2 Samwele 8:16

Yowave, muna Zeluya, wapwile muka-kushika mashwalale, co Njosefati muna Ahilunde ikeye wapwile muka-kusoneka mizimbu,

1 Mizimbu 18:15

Yowave ndolome ya Avishai wapwile muka-kushika mashwalale, Njosefati muna Ahilunde ikeye wapwile muka-kusoneka mizimbu,

2 Mizimbu 18:25

Co Mwene Ahave washikile umo wa ali vamyata wendi ngwendi, “Kwateni Mikaya mumutwale kuli Amoni, nguvulu wa nganda, na kuli Yowashe muna mwene.

2 Mizimbu 24:12

Mwene na Yehoyanda vaanene vije vimbongo kuli vaje vakele nakuvwaesa ku Njuvo ya Shukulu Kalunga, co vakumwine vaka-kutavula mamanya, na vaka-kupandeka vinjuvo, na vaka-vipangi vyakufula vutale ngeci vavwaese Njuvo ya Shukulu Kalunga.

2 Mizimbu 24:5

Co wasanene vaka-kukombelela na vaLevi wavalekele ngeci vaye ku vinganda vya mu Yunda nakutambula vimbongo vya a mwaka na mwaka kuli vaIsalele vyakutungulwisa Njuvo ya Shukulu Kalunga. Co wavalekele ngeci vazambule kulinga cuma eci, oloni vaLevi veshwalele,

Njelemiya 21:1

Mwene Zendekiya wa mu Yunda watumine Pashehule muna Malekiya kuli yange, na Zefaniya muka-kukombelela muna Maseya nakunjihula ngwendi,

Njelemiya 25:3

“A myaka makumi avali na itatu, kutunda ku mwaka wamulikumi na itatu uje Yosiya muna Amoni wapwile mwene wa mu Yunda kweta ku litangwa lya lelo, Shukulu Kalunga nendeka kuli yange, co kunjajukile kumileka vije vyendekele. Oloni kumwombileko mbunge embwe.

Njelemiya 26:24

Oloni Ahikame muna Shafane, waamenene Njelemiya. Ngecivene, Njelemiya kuvamwanene kuli vanu ngeci vamutsiye.

Njelemiya 29:21

Shukulu Kalunga Muka-nzili yoshe, Njambi ya Isalele, nendeka ali Ahave muna Kolaya na Zendekiya muna Maseya, vaje valinakumileka makuli mu lizina lyendi. Nendeka ngwendi akavaka mu mavoko a Mwene Nevukaneza wa Mbambilone, uje akavatsiya oku munakengeko.

Njelemiya 29:25

Shukulu Kalunga Muka-nzili yoshe, Njambi ya Isalele alinakwendeka ngwendi, “Unatumu mikanda mu lizina lyove ku vanu voshe va mu Yelusalema, na kuli Zefaniya muna Maseya muka-kukombelela, na kuli vaka-kukombelela veka. Co wendekele kuli Zefaniya ngwove,

Njelemiya 29:3

Njaanene mukanda kuli Elasa muna Shafane, na kuli Ngemaliya muna Hilikiya, vaje vaatumine Mwene Zendekiya wa mu Yunda kuli Mwene Nevukaneza wa Mbambilone. Majwi akele mu mukanda ngwavo,

Njelemiya 36:10

Ngecivene, simbu vanu voshe vakele nakutolilila, co Mbaluke walavele mu livulu vyuma vyoshe vije vinjendekele kuli ikeye. Walingilile evi mu Njuvo ya Shukulu Kalunga, mu mulili wa Ngemaliya muna Shafane, muka-kusoneka wa mu mbanja. Mulili wendi wakele akamwa ya mbanja kuyehi na vukovelelo vwa Cikolo Caciha ca ku Njuvo ya Shukulu Kalunga.

Njelemiya 39:14

vakanjishakele ku cipango ca vaka-kunyunga lipela. Co vanjikundikile kuli Ngendaliya muna Ahikame mutekulu wa Shafane ngeci anjinyunge nakunjetesa kwimbo mwamuvwa, ngecivene, njakakele kuje amolika na vanu va Yunda vaje vasaleleo.

Njelemiya 40:11

A simbu imo, vaIsalele voshe vaje vakele mu Mowavi, na Amoni, na Endome, na mafuti eka, vazivile ngwavo mwene wa Mbambilone natava vaIsalele vamo kukala mu Yunda, co napwisa Ngendaliya nguvulu wavo.

Ezekiyele 8:11

Vantwama va vaIsalele makumi atanu na vavali vakele kuje, amo na Njazaniya muna Shafane. Munu na munu wakwatele cikango cakwenyekela insense, co vwisi vwa insense vwakele nakukakumuka.