2 Mizimbu 34:31 - Livulu lya Shukulu Kalunga

³¹ Co mwene wemanene kumukulo wa manda ya vumwene, walikumiiye na Shukulu Kalunga cikumiiyo cakumwononoka, nakunyunga mashiko endi nakushika kwawo na mbunge yendi yoshe, na mwonyo wendi woshe, nakukavangeya majwi a cikumiiyo ngwe muje muvawasonekele mu livulu.

2 Mizimbu 34:31 Iomraidhean Croise

2 Vimyene 11:14

Co wamwene mwene wamuhwa nemana ku manda ku cikolo ca Njuvo ya Shukulu Kalunga, ngwe ku futisi yavo. Vamyata na vaka-kwimba malupembo vamuzengelekele, co vanu voshe vatambekele nakujolela nakwimba malupembo. Ataliya watavwile vuzalo vwendi mukuviilila, co watambekele ngwendi, “Vungungu! Vungungu!”

2 Vimyene 11:17

Yehoyanda wakolesele cikumiiyo akati ka Shukulu Kalunga na mwene amo na vanu ngeci vapwe vanu va Shukulu Kalunga, co lalo walikumiiye cikumiiyo akati ka mwene na vanu.

2 Vimyene 11:4

Oloni mu mwaka wamucitanu na ivali Yehoyanda muka-kukombelela wasanene vantwama vaje vanyungile mwene na vaje vanyungile lipela, wavalekele ngeci vaije ku Njuvo ya Shukulu Kalunga, co walikumiiye cikumiiyo navo nakuvasingisa mu Njuvo ya Shukulu Kalunga a vije vyayongwele kulinga. Co wavamwesele Yowashe muna Mwene Ahaziya,

2 Vimyene 23:3

Co mwene wemanene kumukulo wa manda ya vumwene, walikumiiye na Shukulu Kalunga cikumiiyo cakumwononoka, nakunyunga mashiko endi nakushika kwawo na mbunge yendi yoshe na mwonyo wendi woshe, nakukavangeya majwi a cikumiiyo ngwe muje muvawasonekele mu livulu. Co vanu voshe vakulaesele kunyunga cikumiiyo.

2 Mizimbu 15:12

Co valikumiiye cikumiiyo cakulemesa Shukulu Kalunga, Njambi ya vakukulwila vavo, na mbunge yavo yoshe na mwonyo wavo woshe.

2 Mizimbu 15:15

Vanu voshe va mu Yunda vajolelele omwo valikumiiye cikumiiyo eci na vimbunge vyavo vyoshe. Vavwaelelele akulemesa Shukulu Kalunga, co Shukulu Kalunga wavatambwile, co vakele mu kwoloka ku mitambela yoshe.

2 Mizimbu 23:16

Co Yehoyanda muka-kukombelela walikumiiye cikumiiyo na Mwene Yowashe amo na vanu voshe ngeci vapwe vanu va Shukulu Kalunga.

2 Mizimbu 29:10

“Co ololo njinayongola kulinga cikumiiyo na Shukulu Kalunga, Njambi ya Isalele, ngeci kesi atuluvalele lalo.

2 Mizimbu 30:16

Co vatumbamene mu myela yavo mu Njuvo ya Shukulu Kalunga ngwe ku vilongesa vya Lishiko lya Mosesa, munu wa Njambi. VaLevi vaanene maninga kuli vaka-kukombelela, co vawashamwinine a mutula.

2 Mizimbu 31:21

Vipangi vyoshe vyapangele vya ku Njuvo ya Shukulu Kalunga na vije vyalingile ngwe ku Mashiko na vizilika, mukushaka Njambi yendi, wavilingile na mbunge yendi yoshe, co wavezikile.

2 Mizimbu 34:32

Walingisile vanu va Mbenjemani na vanu voshe vakele mu Yelusalema kunyunga cikumiiyo. Ngecivene, vanu va mu Yelusalema vononokele cikumiiyo cije valingile na Njambi ya vakukulwila vavo.

2 Mizimbu 6:13

(Solomoni watungile mutula wa vunengu wawakele mukati ka cipango. Wapwile mamita 2.2 mu vwihi, na mamita 1.3 mu vulaja. Co walondele aje a mutula, watsikamene kuje vanu voshe vasele kumumona, wolwele mavoko endi mwilu.)

Ezela 10:3

Co ololo tunapande kulinga cikulaeso na Njambi yetu ngeci tukakondola vanakazi ava na vana vavo vavanakiti. Tukalinga vije viwunatunangula yove na veka vaje vasingimika mashiko a Njambi. Co tukalinga ngwe muwashaka Mashiko a Njambi.

Nehemiya 10:29

tunalipandakana na vantwama vetu nakulisinga cisingo mukukava Mashiko a Njambi, aje avaanene ali ngamba yendi Mosesa, nakwononoka Mashiko oshe, na vilongesa vya Shukulu Kalunga, Shukulu yetu.

Nehemiya 10:30

Tukulaesa ngeci kutukalyambatela na vaka-kwija ava vali mu lifuti lyetu.

Nehemiya 9:38

Omwo a evi vyoshe vije vinalingiwa, yetu vanu va Isalele, tulinakulinga lizivasano lyakukola lyakusoneka, co vantwama vetu, na vaLevi vetu, na vaka-kukombelela vetu vasateleo visateso vyavo.

Myaso 119:106

Njinalisingi cisingo nakucikolesa, ngeci njikakavangeya mashiko ove a vushunga.

Myaso 31:24

Yeni voshe muli na cinyangavili muli Shukulu Kalunga koleseni nakusimpa.

Njelemiya 50:5

Vakehula ngila yakuya ku Siyone, co vakaya ku mutambela uje vene. Vakalikumiiya nange cikumiiyo ca ku myaka yoshe, co kucikapokoka.

Ezekiyele 46:2

Mwene uje alinakushwana akatunde mu cipango ca mbanja ya anja nakuya mu mulili wakama, co akemane kumukulo wa vimanda vya ku cikolo, simbu vaka-kukombelela valinakwenyeka n̄ombelo yendi yamutunu nakulambula milambu yendi ya kulitombola. Co kuje ku cikolo napande kulemesa, asinoni atuuke anja. Cikolo kuvapandele kucishoka kuvanga noo cingwezi.

Kwituluka mu Mashiko 13:4

Mukakavangeya Shukulu Kalunga Njambi yeni nakumukomoka, nakunyunga mashiko endi oshe, nakwononoka ku lijwi lyendi, co mukamupangela nakumukakateya.

Kwituluka mu Mashiko 13:5

Oloni mukatsiye muka-kunungulula vinjozi nambe muka-kwimanena, uje akamileka kutengulukila Shukulu Kalunga Njambi yeni, uje wamitundisile mu lifuti lya Ingito nakumipatula ku vunzinda. Munu wa cifwa cangacije akamitangula ku ngila ije yamishikile Shukulu Kalunga Njambi yeni kwendamo. Munapande kumutsiya, ngeci mukatundise vuvi vuje vuli akati keni.

Kwituluka mu Mashiko 29:1

Awa akewo majwi a cikumiiyo cije cashikile Shukulu Kalunga Mosesa kulinga na vana va Isalele mu lifuti lya Mowavi, mukuwezelela ku cikumiiyo cije calikumiiye Shukulu Kalunga na vakevo a Munkinda wa Sinai.

Kwituluka mu Mashiko 6:5

Zemeni Shukulu Kalunga Njambi yeni na vimbunge vyeni vyoshe, na mwonyo weni woshe, na nzili yeni yoshe.

Yoshwa 24:25

Ngecivene, Yoshwa walikumiiye cikumiiyo na vanu va Isalele a litangwa lije, co kuje vene ku Shekeme wavaanene vilongesa na mashiko ngeci vaakave.