2 Mizimbu 34:3 - Livulu lya Shukulu Kalunga

³ Mu mwaka wamucitanu na itatu wakushwana kwa Yosiya, omo wapwile mukwenje, washangumukile kulemesa Njambi ya kukulwila yendi Mwene Ndaviti. Co omo kwetile myaka iwana, washangumukile kusiwula mitambela vakele nakulemesela vaka-kujeneka kukulaela, na vifwa vya Ashela njambi wa munakazi, na tumponya tukwavo twoshe.

2 Mizimbu 34:3 Iomraidhean Croise

1 Vimyene 13:2

Co uje muka-kwimanena watambekele ngwendi Shukulu Kalunga nanjitumu kwendeka ku mutula ou ngwendi, “Ove mutula, Shukulu Kalunga nendeka ngwendi, ‘Kenga, mwana akasemuka ku naanga ya Ndaviti lizina lyendi Yosiya. Ikeye akatsiilao vaka-kukombelela vaje vakapanga ku mitula ya vaka-kujeneka kukulaela vaje vakakombelela vin̄ombelo a mutula ou, co akenyekelao vitsiya vya vanu.’ ”

2 Vimyene 10:27

Ngecivene, vanyongesele ije manda yakujela na njuvo ya kulemesela Mbale, co vatengulwile ije njuvo yakulemesela Mbale kuyipwisa mbushu kweta na ku litangwa lya lelo.

2 Vimyene 18:4

Watundisile mitambela ije vakele nakulemesela vaka-kujeneka kukulaela, wasiwile vimanda vya mamanya, co wavujwile vifwa vya Ashela njambi wa munakazi. Co lalo wapokwele mu vimbazuvwila linyoka wa vunengu uje yafulile Mosesa, ivatumbwile ngwavo Nehushetane. Kweta na ku simbu ije vanu va Isalele vakele nakwenyeka insense kusingimika uje linyoka.

2 Vimyene 20:5

“Iluka lalo kuli Hezekiya muka-kushwana vanu vange, co endeka kuli ikeye ngwove, ‘Yange Kalunga, Njambi ya kukulwila yove Ndaviti, njinazivi lilombelo lyove, co njamono misozi yove. Njikakukangwisa, omo kuneti matangwa atatu ukaya ku Njuvo yange.

2 Vimyene 23:14

Mwene Yosiya wasiwile vimanda vya mamanya mu vimbazuvwila, wasiwile vifwa vya Ashela njambi wa munakazi, co a livu aje vemanene wafwikileo vitsiya vya vanu.

2 Vimyene 23:4

Yosiya washikile Hilikiya Muka-kukombelela Wakama na vaka-kukombelela vendi vakumwata na vaka-kunyunga ku cikolo ca Njuvo ya Shukulu Kalunga kutuwisa mu Njuvo ya Shukulu vivala vyoshe vije vivapangesele mukulemesa Mbale na Ashela njambi wa munakazi na vingongonosi. Co mwene wenyekelele vivala vyoshe evi anja ya nganda kuyehi na Cana ca Kindelone, asinoni vatwalele lito lyavyo ku Mbetele.

1 Mizimbu 22:5

Ndaviti wayongwele ngwendi, “Njuvo ya Shukulu Kalunga ije yakatunga munange Solomoni, inapande kupwa yalutsimo na vumpau mu lifuti mwoshe. Oloni ikeye acili mukwenje kanda acikale na mana, ngecivene, njinapande kuvwaesela cimweja vyayo.” Ngecivene, Ndaviti wavwaeselele cimweja vyuma vyoshe vije vivakatonda simbu kanda atse.

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

1 Mizimbu 29:1

Mwene Ndaviti walekele mbunga yoshe ngwendi, “Munange Solomoni ikeye yanaangula Njambi, oloni ikeye acili mwanike, kesi na mana manene. Vipangi evi vilingiwa vinapu vyakama manene, omwo Njuvo eyi kesi ya vanu embwe, oloni inapu Njuvo ya Shukulu Kalunga Njambi.

2 Mizimbu 14:6

A simbu ije watungile vimpaka mu vinganda vya mu Yunda, co myaka yaingi yetile kukwakele nzita, omwo Shukulu Kalunga wamwanene kwoloka.

2 Mizimbu 15:2

co waile nakuliwana na Mwene Asa. Co watambekele ngwendi, “Njitolilile, yove Mwene Asa, neni vanu voshe va Yunda na Mbenjemani njitolilileni! Shukulu Kalunga ali amo neni, omo yeni muli amo nendi, nga mumushakezeka, mukamuwana, oloni nga mutunda kuli ikeye, co akamiseza.

2 Mizimbu 30:14

Vatundisile mitula yoshe mu Yelusalema ije vapangesele kukombelela vin̄ombelo nakwenyekelao insense, co vayumbilile mu Cana ca Kindelone.

2 Mizimbu 33:15

Co watundisile mu Njuvo ya Shukulu Kalunga vinjambi veka na cifwa cije caakelemo, na mitula ya vaka-kujeneka kukulaela ije yakele a malundu aje emanene Njuvo ya Shukulu Kalunga na mu mitambela ikwavo ya mu Yelusalema, watwalele vyuma vyoshe evi anja ya nganda, wavyumbilile kuti.

2 Mizimbu 33:17

Nameme vanu vakele nakukombelela vin̄ombelo ku mitambela ikwavo yakulemesela, oloni vavikombelelele lika kuli Shukulu Kalunga.

2 Mizimbu 33:22

Walingile vuvi ku mesho a Shukulu Kalunga ngwe mwalingile ishe Manase, co walemesele tumponya tuje twalemesele ishe.

2 Mizimbu 34:33

Co Mwene Yosiya wapujwile tumponya twoshe twa vunyengwe tuje twakele mu lifuti tuje twapwile twa vanu va Isalele, mukuyoya kwendi kwoshe, washakele vanu vapangele lika Shukulu Kalunga, Njambi ya vakukulwila vavo.

Myaso 119:9

Mukwenje asa kuyoya vatijo yoyesi yakujela? Mukwononoka mashiko ove Shukulu Kalunga.

Myaso 71:5

Shukulu Kalunga wa Akamwa ya Vyoshe, njaka cinyangavili cange muli yove, yange njakukulaela tunde ku simbu ya vwanike vwange.

Kutuuka 34:13

Oloni yeni mukasiwule mitula yavo, nakunyongesa vimanda vyavo vyakulemesela, co mukavujula vimweso vya Ashela njambi yavo wa munakazi.

Visimo 20:11

Vilinga vyavivwa nambe vilinga vyavivi vije vyalinga mwanike, visholola cifwa ca uje mwanike.

Visimo 8:17

Njizema vaje vanjizema, voshe vaje vanjishakezeka vasa kunjiwana.

Muka-kwambulula 12:1

Anuka Ishamatanga wove simbu ucili mukwenje, omo kanda matangwa a tuyando ete, na myaka ya tuyando yete omo ukendeka ngwove, “Kunjawanenemo kujolela mu mwonyo wange.”

VaLevi 26:30

Njikanyongesa myela yeni yakulemesela a malundu, nakusiwula mitula yeni ya insense, co njikombangela vivimbi vyeni a tumponya tweni twakuwa twa mwonyo. Co mukapwa va vunyengwe ku mesho ange.

Mika 1:5

Evi vyoshe vikalingiwa omwo vanu va mu Isalele vanalingi vuvi na kutengulukila Njambi. Iyajo ivavayesa akutengulukila kwa Isalele? Kuma kesi Samaliya ndi? Iyajo uje ali na mulonga wa vukwizi mu Yunda? Kuma kesi Yelusalema ndi?

Mateo 6:33

Oloni akulivanga shakezekeni Vumwene vwendi, na vushunga vwendi, co vyoshe evi akamiwezelelavyo.

2 Timateo 3:15

co wazivuka ngwove tunde ku vwanike vwove, unazivuka Visoneka Vyakujela, vije vyasa kukwana mana mukukutwamenena kukwovoka kwakukulaela muli Kilistu Yesu.