2 Mizimbu 34:27 - Livulu lya Shukulu Kalunga

²⁷ co watengulukile na kulikeesa ku mesho ange, watavwile vuzalo vwove nakulila, omo wazivile muje njalishungwiiye kunyanyamesa Yelusalema na vanu vamwo. Njinazivile lilombelo lyove,

2 Mizimbu 34:27 Iomraidhean Croise

2 Samwele 1:11

Ndaviti watavwile vuzalo vwendi mukuviilila, co vanu vendi lalo voshe vatavozwele vuzalo vwavo.

2 Mizimbu 12:7

Omwo Shukulu Kalunga wamwene ngeci vanalitavela vuvi vwavo, co wendekele lalo kuli Shemaya ngwendi, “Omwo vanalitavela vuvi vwavo, kunjikavanyongesa embwe. Oloni omo Shishake akavalwisa, vakovoka kamandondo lika. Vukalu vwange kuvukakala a Yelusalema,

2 Mizimbu 32:26

Oloni akukotoka, Hezekiya na vanu vaje vakele mu Yelusalema valikeesele, co vukalu vwa Shukulu Kalunga kuvwezile ali vakevo noo Hezekiya watsile.

2 Mizimbu 33:12

Co omo wakele nakuyanda, walambelelele Shukulu Kalunga Njambi yendi, co walikeesele ku mesho a Shukulu Kalunga Njambi ya vakukulwila vendi ngeci amukwase.

2 Mizimbu 33:13

Co Njambi watavele lilombelo lya Manase, wamutavele eluke lalo ku Yelusalema nakushwana. Co aje vene Manase wazivukile ngeci kuma Shukulu Kalunga ikeye Njambi.

2 Mizimbu 33:19

Lilombelo lya mwene nakukumbulula kwa Njambi, vuvi vuje vwalingile omo kanda atenguluke, na vyuma vyavivi vije vyalingile, na mitambela ije vakele nakulemesela vaka-kujeneka kukulaela, na vifwa vya Ashela njambi wa munakazi vije vyalingile, na tumponya tuje twalemesele, vyoshe vavisoneka mu Livulu lya Mizimbu ya Vaka-kwimanena.

2 Mizimbu 34:19

Omo mwene wazivile vije valavele mu livulu lya Mashiko, watavwile vuzalo vwendi mukuviilila,

2 Mizimbu 34:26

Nameme vene ali mwene, Shukulu Kalunga Njambi ya Isalele nendeka ngwendi wazivi mwamuvwa vije vivanasoneka mu livulu,

2 Mizimbu 34:28

co cihiso eci njinashakele kunena a Yelusalema kucikaija kuvanga munima ya kutsa kwove. Njikakutava ngeci ukatse mu kwoloka.” Co vaje vanu velwisile awa majwi kuli Mwene Yosiya.

Myaso 10:17

Yove Shukulu Kalunga, ukatolilila ku malombelo a vaka-kulikeesa, co ukavatakamesa.

Myaso 34:18

Shukulu Kalunga ali muyehi na vaje vanazeye mu vimbunge, ikeye amena vaje vanajeneka cinyangavili.

Myaso 51:17

Yove Njambi, n̄ombelo yange inapu munzinzime wa kulikeesa, kuwesi kuvyana mbunge ya kulikeesa na mbunge yakutenguluka.

Myaso 6:9

Shukulu Kalunga nazivi lilombelo lyange, na mutambi wange ngeci anjikwase.

Kutuuka 10:3

Ngecivene, Mosesa na Alone vaile kuli mwene vendekele kuli ikeye ngwavo, “Shukulu Kalunga Njambi ya vaHevelu nendeka ngwendi, ‘Visimbu vingaijo ukavyana kulikeesa ku mesho ange? Ecela vanu vange vaye ngeci vakanjilemese.

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 65:24

Njikakumbulula malombelo avo simbu kanda vacimanese kulombela.

Isaya 66:2

Yange vene njatangele vyuma vyoshe! Njivwaelela na vaje valilumbilisa nakutengulukila kuli yange, vaje vanjikomoka nakunjononoka.

Isaya 66:5

Tolilileni vije vyalinakwendeka Shukulu Kalunga, yeni vaka-kumukomoka nakumwononoka ngwendi, “Vandolome veni vamizinda nakumivyana omwo munapu vaka-kulongwa kuli yange. Vamishendumuna nakwendeka ngwavo, ‘Shukulu Kalunga amwese nzili yendi nakumyamena, ngeci tumone kujolela kweni.’ Oloni ava vendeka vyuma evi vakaziva shwamwa yakama!

Ezekiyele 36:26

Njikamyana vimbunge vyaviha na mana amaha. Njikatundisa vimbunge vyeni vyakukaluwa vya mamanya nakumyana vimbunge vyakwononoka.

Ezekiyele 9:4

“Ya wite mu nganda yoshe ya Yelusalema, nakwaka cizivukiso a luholo lwa munu na munu uje alinyenga, co ali na vusiwa, omwo a vyuma vya vunyengwe vije vilinakulingiwa mu nganda.”