2 Mizimbu 34:13 - Livulu lya Shukulu Kalunga

¹³ VaLevi vakwavo vakele na vipangi vyakututa vivala nakutwamenena vanu mu vipangi vyakuliseza-seza, co vakwavo vapwile vaka-kusoneka, vamo vapwile vaka-kunyunga ku vikolo.

2 Mizimbu 34:13 Iomraidhean Croise

2 Vimyene 7:10

Co vatundile mu cilombo ca vaSilya, velukile ku Samaliya, vasanene vaka-kunyunga ku vikolo vya nganda ngwavo, “Yetu tunaile ku cilombo ca vaSilya, oloni kutwamwene cuma cimo nambe kuziva munu, oloni tuvalu na vimulu kuvavazitwile, vimbalaka lalo vili ngeci muje muvavisezelele vaSilya.”

1 Mizimbu 15:18

Co vaangwile lalo vandolome vavo ngeci vavakwase mu cipangi eci, mazina avo, Zekaliya, na Njaziyele, na Shemilamote, na Njehiyele, na Uni, na Elyave, na Maseya, na Mbenaya, na Matitiya, na Elifelehu, na Mikeneya, na Ovende Endome, na Njeyele.

1 Mizimbu 16:38

Co Ovende Endome muna Njendutune na vanalume makumi atanu na limo va ku cikota cendi vakele nakuvakwasa. Co Hosa, na Ovende Endome vakele nakunyunga ku vikolo.

1 Mizimbu 16:42

Hemane, na Njendutune lalo vakele na moko ya malupembo, na vingenjo, na vyakwimbisa vikwavo vije vakele nakwimba omo vembile myaso yakulemesa. Co vanu vaka-cikota ca Njendutune vakele na moko yakunyunga ku vikolo.

1 Mizimbu 9:17

Vaka-kunyunga Njuvo ya Shukulu Kalunga vaje vakele mu Yelusalema mazina avo, Shalume, na Akumbe, Talemone, na Ahimane. Shalume ikeye wapwile ntwama yavo.

2 Mizimbu 19:11

Amaliya Muka-kukombelela Wakama ikeye akasompa vin̄anda vyoshe vya vuNjambi, co mwata wa mu Yunda Zevandiya muna Ishimela, nguvulu wa mu Yunda, ikeye akasompa vin̄anda vyoshe vya cisemwa. Co vaLevi vakevo vakamikwasa. Pweni vakusimpa, nyungeni vilongesa evi, co Shukulu Kalunga akale na vaje valinga vushunga!”

2 Mizimbu 2:10

Co a vyakulya vya vanu vove, njikakutumina vulemu vwakupwa 2,000 vwa tiliku na vulemu vwakupwa 2,000 vwa mbale ya maumwa, na malita akupwa 400,000 a vinyu na malita akupwa 400,000 a mazi a olive.”

2 Mizimbu 2:18

Co waangwile vanu vakupwa 70,000 ku vipangi vyakututa vivala, na vanu vakupwa 80,000 kushonga mamanya mu lifuti lya minkinda, co waangwile lalo vakwavo vakupwa 3,600 vaka-kutwamenena ngeci vipangi vyende mwamuvwa.

2 Mizimbu 8:10

Kwakele vamyata vakupwa 250 vaje vapangesele vanu vaje vapangele vipangi vyoshe vya Solomoni vyakutunga.

2 Mizimbu 8:14

Akukavangeya mashiko aje aakele ishe Ndaviti, wavwaesele vipangi vya vaka-kukombelela vya a litangwa na litangwa, na vya vaLevi vaje vakele nakulikwasa na vaka-kukombelela kwimba myaso amolika nakupanga vipangi vyavo. Co wemikile lalo vaka-kunyunga ku Njuvo ya Shukulu Kalunga ngeci vase kupanga vipangi vyavo vyakunyunga ku cikolo cimo na cimo a litangwa na litangwa ngwe ku mashiko a Ndaviti, munu wa Njambi.

Nehemiya 4:10

Vanu va Yunda vembile mwaso ngwavo, “Tunajuka kwambata vitele, vishati vinatumu manene. Vatijo twasa kutunga civumbe ku litangwa lya lelo?”

Njelemiya 8:8

Vatijo mwendeka ngweni munapu vaka-mana, co lalo muzivuka mashiko ange? Oloni valongisi vanatengulula mashiko ange kuwapwisa a makuli.

Mateo 26:3

Asinoni vakulunu va vaka-kukombelela na vakulunu va vaYunda valikungulwile amo mu lipela lya Kayafase Muka-kukombelelela Wakama.