2 Mizimbu 34:12 - Livulu lya Shukulu Kalunga

¹² Ava vanu vapangele cipangi eci na vimbunge vyavo vyoshe. Vavatwamenenene kuli vaLevi vawana mazina avo, Njahate na Ovandiya va ku cikota ca Melali, Zekaliya na Meshulame va ku cikota ca Kohate. (Co vaLevi voshe vapwile vaka-kusungika kukwimba.)

2 Mizimbu 34:12 Iomraidhean Croise

Kushangumuka 46:11

Vana va Levi va vanalume mazina avo, Ngeleshone, na Kohate, na Melali.

2 Vimyene 12:15

Vantwama vaje va vipangi vapwile va kulongwa, ngecivene, naumo wai wavehwile vukaleo vwa mavulu muvasonekele vimbongo.

2 Vimyene 22:7

Vantwama va vipangi vanapu va kulongwa, ngecivene, naumo wai lalo akalava mavulu avo avakasoneka vimbongo.”

1 Mizimbu 16:41

Amo navo, kwakele Hemane, na Njendutune, na vakwavo vaje vavaangwilile kwimba nakulemesa Shukulu Kalunga a cizemo cendi cije kucesi kuhwa.

1 Mizimbu 23:5

co ava 4,000 vapwile vaka-kunyunga ku vikolo, co vanu vakupwa 4,000 vapwile vaka-kushangazala Shukulu Kalunga na visanzi vije vyaanene Ndaviti ngeci vavipangese.

2 Mizimbu 31:12

co vaakelemo vwana vwoshe na cavulikumi ngeci vavinyungilemo. Co vaangwile kaLevi umo lizina lyendi Konaniya ikeye wapwile mukulunu wakuvinyunga, co ndolome yendi Shimei wapwile wakumwata.

Ezela 3:9

Co kaLevi umo lizina lyendi Njeshuwa na vana vendi na vavushoko vwendi, na Kandimyele na vana vendi va ku cikota ca Hondaviya ikeye Yunda valipandakanene amo mukwendesa vipangi vyakutungulula Njuvo ya Shukulu Kalunga. Vavakwasele kuli vaLevi va ku cikota ca Henandande.

Nehemiya 7:2

Cooni njaakele vanu vavali vaka-kupangesa nakwendesa nganda ya Yelusalema, ndolome yange Hanani na Hananiya, mwata wa mashwalale va cimpaka ca vutewelo. Hanani wapwile munu wamuvwa muka-kukomoka Njambi, kukwesi umo walyesekele nendi wai.

Visimo 28:20

Njambi avezikisa vaka-kulongwa, oloni anyanyamesa voshe vaje vashaka kufuka vwasi.

Kulava 3:27

Co ku cikota ca Kohate kwatundile naanga ya Amelame, na Izehale, na Hevelone, na Uziyele. Eci cikeco cikota ca Kohate.

1 Kolinte 4:2

Cuma cishakiwako kuli vangamba vangacije cinapu eci, vakevo vanapande kupwa va kulongwa kuli shukulu yavo.