2 Mizimbu 33:6 - Livulu lya Shukulu Kalunga

⁶ Ikeye wakombelelele vana vendi va vanalume mu Cana ca Hinome kupwa n̄ombelo ya kwenyeka. Co wataele vingombo na manseno nakwihula vaka-kulukiya na vaje vaka-kwendeka na vakulu. Ngecivene, walingile vuvi vwakama manene ku mesho a Shukulu Kalunga, co washangumwine vukalu vwendi.

2 Mizimbu 33:6 Iomraidhean Croise

1 Vimyene 16:33

Co lalo wapangele cifwa ca Ashela njambi wa munakazi. Co watwaleleo kulinga vyuma vyavivi nakushangumuna vukalu vwa Shukulu Kalunga, Njambi ya Isalele, kutuvakana vimyene voshe vakulivanga mu Isalele.

2 Vimyene 17:17

Vakombelelele vana vavo va vanalume na ava va vanakazi kupwa vin̄ombelo vyakwenyekela ku vinjambi va vaka-kujeneka kukulaela, co vakele nakwihula kuli vaka-kwendeka na vakulu na kuli vaka-kulukiya, valikundikile vakevo vavenya nakulinga vije vya vunyengwe ku mesho a Shukulu Kalunga, co vashangumwine vukalu vwendi.

2 Vimyene 21:6

Ikeye wakombelelele munendi wa munalume kupwa n̄ombelo ya kwenyeka. Co wataele vingombo na manseno nakwihula vaka-kulukiya na vaje vaka-kwendeka na vakulu. Ngecivene, walingile vuvi vwakama manene ku mesho a Shukulu Kalunga, co washangumwine vukalu vwendi.

2 Vimyene 23:10

Mwene Yosiya wasiwile lalo Tofete, mutambela vakele nakulemesela vaka-kujeneka kukulaela, mu Cana ca Hinome, ngeci naumo wai akakombelele munendi wa munalume nambe wa munakazi kumupwisa n̄ombelo ya kwenyeka kuli njambi Moleki.

2 Vimyene 23:24

Akukolesa mashiko aje avasonekele mu livulu lije lyawanene Hilikiya Muka-kukombelela Wakama mu Njuvo ya Shukulu Kalunga, Mwene Yosiya watundisile mu Yelusalema na mu Yunda vanu voshe vaka-kwendeka na vakulu na vaka-kulukiya na vinjambi voshe va mu vinjuvo na tumponya na vivala vyoshe vije vivalemeselele vaje vaka-kujeneka kukulaela.

1 Mizimbu 10:13

Saulu watsile omwo kakulaelele kuli Shukulu Kalunga. Ikeye kononokele kushika kwa Shukulu Kalunga, ikeye wesekele kuwana kunangula akwihula ku minzinzime ya vaka-kutsa,

2 Mizimbu 28:3

co wenyekelele insense mu Cana ca Hinome, wakombelelele vana vendi va vanalume kupwa vin̄ombelo vyakwenyekela ku tumponya, mukutembunwina vilinga vya vunyengwe vivalingile vanu vaje vaashekele Shukulu Kalunga mu lifuti omo vaIsalele vakele nakuya kulutwe.

Isaya 19:3

Njikatanganesa matumbe na viyongola vya vaka-Ingito, Vakehula tumponya twavo ngeci vavakwase, vakaya nakwihula kuli vaka-kwendeka na vakulu, nakwihula lalo ku minzinzime ya vatsi ngeci ivanangule.

Isaya 8:19

Oloni vanu vakamileka kwihula majwi kuli vaka-kulukiya na kuli vaka-kwendeka na vakulu, na vaka-kuningita. Vakendeka ngwavo, “Vanu vanapandele kwihula majwi akutunda ku minzinzime nakwihula vatsi kwimanenako vaka-kuyoya.”

Njelemiya 32:35

Vanatungu mitula ya Mbale mu Cana ca Hinome, mukukombelela vana vavo va vanalume, na ava va vanakazi kuli njambi Moleki. Kunjavashikile kulinga evi embwe, kuvyakovelele mu mbunge yange, ngeci valinge cuma ca cifwa cangacije nakulingisa vanu va mu Yunda vuvi.”

Ezekiyele 23:37

Vanalingi vupangala nakutsiya, vanalingi vupangala akulemesa tumponya, nakutsiya vana vaje njakitile navo. Vanakombelela vana vaje vanjakitile navo kupwa vin̄ombelo vyakwenyekela ku tumponya.

Ezekiyele 23:39

A litangwa lije vene vatsiile vana vange nakuvakombelela ku tumponya, likelyo litangwa vezile ku Njuvo yange nakuyijwalesa!

VaLevi 18:21

Kesi ukatavese umo wa vana veni kumupangesa mukulemesa njambi Moleki, omwo ngila eyi ikashawisa lizina lya Njambi yeni, yange njapwa Kalunga.

VaLevi 19:26

“Kesi mukalye situ na maninga ayo. Kesi mukaye ku vaka-kutaa nambe vaka-manseno.

VaLevi 19:31

“Kesi mukaye kuli vanu vaje valinakwendeka na minzinzime ya vatsi. Nga mulingamo, co mukalijwalesa yeni vavenya. Yange njapwa Kalunga Njambi yeni.

VaLevi 20:2

“Leka vanu vaIsalele ngwove, munu woshe akati keni, nambe umo muka-kwija uje alinakukala akati keni, uje akana umo munendi ngeci vamupangese akulemesa njambi Moleki, co mbunga yoshe ikamutsiye na mamanya.

VaLevi 20:27

“Munalume woshe-iwoshe nambe munakazi uje akendeka na minzinzime ya vatsi nambe kutaa vakamutsiye na mamanya. Omwo kutsa kwendi kwakulishakela ikeye vavenya.”

VaLevi 20:6

“Nga munu umo aya mukwihula kuli vanu vaje vakendeka na minzinzime ya vatsi, njikamukengesa nima, co kunjikamulava lalo kupwa munu wange.

Ngalatiya 5:20

mukulemesa tumponya na mu vulozi. Co vanu vakapwa vitozi, vakalwa, co vakapwa vaka-cipululu, vaka-matoto, na vaka-kulyaka ku vukama. Co vakalyangunuka mu vimbunga na mu vimunga,

Kwituluka mu Mashiko 12:31

Kesi mukalemese Shukulu Kalunga Njambi yeni mu cifwa cije vakalemesa naco vinjambi vavo embwe. Omwo valemesa vinjambi vavo, vakalingi vyuma vya vunyengwe vije vyazinda Shukulu Kalunga. Vakevo vakakombelela mu tuhya kuli vinjambi vavo nameme vana vavo va vanalume nambe vana vavo va vanakazi.

1 Samwele 15:23

Kumutengulukila kunapu ngwe vulozi, co kulyalesa kunapu ngwe vuvi vwakulemesa vinjambi veka. Omwo unavyana lishiko lya Shukulu Kalunga, co nendi lalo nakuvyana kupwa mwene wa mu Isalele.”