2 Mizimbu 33:3 - Livulu lya Shukulu Kalunga

³ Ikeye watungulwile mitambela ije vakele nakulemesela vaka-kujeneka kukulaela ije yanyongesele ishe Hezekiya. Watungile mitula yakulemesela Mbale, co walingile vifwa vya Ashela njambi wa munakazi, co walemesele vingongonosi.

2 Mizimbu 33:3 Iomraidhean Croise

1 Vimyene 14:23

Co vatungile myela yakulemesela vinjambi vangoco, vemikile vimanda vya mamanya na vimweso vya Ashela mukuvilemesa akamwa ya malundu, na mwisi ya minzinze ya miti.

2 Vimyene 18:4

Watundisile mitambela ije vakele nakulemesela vaka-kujeneka kukulaela, wasiwile vimanda vya mamanya, co wavujwile vifwa vya Ashela njambi wa munakazi. Co lalo wapokwele mu vimbazuvwila linyoka wa vunengu uje yafulile Mosesa, ivatumbwile ngwavo Nehushetane. Kweta na ku simbu ije vanu va Isalele vakele nakwenyeka insense kusingimika uje linyoka.

2 Vimyene 21:3

Ikeye watungulwile mitambela ije vakele nakulemesela vaka-kujeneka kukulaela ije yanyongesele ishe Hezekiya, watungile mitula yakulemesela Mbale, co walingile cifwa ca Ashela njambi wa munakazi, ngwe mwalingile Mwene Ahave wa mu Isalele. Co lalo walemesele vingongonosi.

2 Vimyene 23:11

Co watundisile lalo tuvalu tuje tuvakundikile vimyene va mu Yunda mukulemesa litangwa, co wenyekele matemba aje avapangesele mukulemesa. (Evi vavinyungilile mu mwela wa mbanja, kuyehi na cikolo ca Njuvo ya Shukulu Kalunga, kuyehi na kuje kwakele mwata wakama Natane Meleke.)

2 Vimyene 23:4

Yosiya washikile Hilikiya Muka-kukombelela Wakama na vaka-kukombelela vendi vakumwata na vaka-kunyunga ku cikolo ca Njuvo ya Shukulu Kalunga kutuwisa mu Njuvo ya Shukulu vivala vyoshe vije vivapangesele mukulemesa Mbale na Ashela njambi wa munakazi na vingongonosi. Co mwene wenyekelele vivala vyoshe evi anja ya nganda kuyehi na Cana ca Kindelone, asinoni vatwalele lito lyavyo ku Mbetele.

2 Mizimbu 28:24

Co lalo Ahave wambatele vivala vyoshe vya mu Njuvo ya Shukulu Kalunga, co wavitetangele-tetangele. Washokele Njuvo ya Shukulu Kalunga nakutunga mitula mu mitambela yoshe ya Yelusalema.

2 Mizimbu 30:14

Vatundisile mitula yoshe mu Yelusalema ije vapangesele kukombelela vin̄ombelo nakwenyekelao insense, co vayumbilile mu Cana ca Kindelone.

2 Mizimbu 31:1

Omo vamanesele ciwano, vanu voshe va Isalele vaile ku nganda na nganda ya mu Yunda nakushimbula vimanda vya mamanya, vavatozwele vifwa vya Ashela njambi wa munakazi, co vasiwile mitula na mitambela ije vakele nakulemesela vaka-kujeneka kukulaela. Co valingile cuma eci mu mitambela yoshe ya mu Yunda, na mu mafuti a Mbenjemani na Efalime na Manase, asinoni voshe velukile ku membo avo.

2 Mizimbu 32:12

Ikeye vene Hezekiya uje wasiwile tuzangu twa Shukulu Kalunga na mitula, co walekele vanu va mu Yunda na vanu va mu Yelusalema kulemesa nakwenyekela insense a mutula umolika.

2 Mizimbu 33:15

Co watundisile mu Njuvo ya Shukulu Kalunga vinjambi veka na cifwa cije caakelemo, na mitula ya vaka-kujeneka kukulaela ije yakele a malundu aje emanene Njuvo ya Shukulu Kalunga na mu mitambela ikwavo ya mu Yelusalema, watwalele vyuma vyoshe evi anja ya nganda, wavyumbilile kuti.

2 Mizimbu 33:19

Lilombelo lya mwene nakukumbulula kwa Njambi, vuvi vuje vwalingile omo kanda atenguluke, na vyuma vyavivi vije vyalingile, na mitambela ije vakele nakulemesela vaka-kujeneka kukulaela, na vifwa vya Ashela njambi wa munakazi vije vyalingile, na tumponya tuje twalemesele, vyoshe vavisoneka mu Livulu lya Mizimbu ya Vaka-kwimanena.

2 Mizimbu 34:25

Vakevo vananjivyana, co vanakombelela vin̄ombelo ku vinjambi veka, vanashangumuna vukalu vwange a vyuma vivanalingi. Vukalu vwange vunakatuka kulwisa Yelusalema, co kunjikavututumwisa embwe.

Kutuuka 34:13

Oloni yeni mukasiwule mitula yavo, nakunyongesa vimanda vyavo vyakulemesela, co mukavujula vimweso vya Ashela njambi yavo wa munakazi.

Muka-kwambulula 2:19

Iyajo azivuka ngeci uje akanjishwana akapwa muka-mana nambe cilema? Oloni ikeye akakala na vyuma vyoshe vije vinjapangelele, vyuma vyoshe vije vinjawanene mu mana ange ano asi. Vyuma vyoshe vinapu vyangoco.

Muka-kwambulula 9:18

Mana apwa amavwa manene kutuvakana vitwa vya nzita, oloni muka-vuvi umo asa kunyongesa vyuma vyavivwa vyavingi.

Njelemiya 17:2

Vana veni vakalemesa ku mitula, na ku vifwa vije vivashimbikilile Ashela njambi wa munakazi mwisi ya minzinze ya miti yoshe yakutonola na akamwa ya malundu,

Njelemiya 19:13

Vinjuvo vya mu Yelusalema na vinjuvo vya vimyene va mu Yunda, na a viluli vya vinjuvo vyoshe aje vakele nakwenyekela insense ku vingongonosi, na kuje vakele nakwitilila vinyu kupwa mulambu ku vinjambi veka, vyoshe vikapwa vya mazilo ngwe ku Tofete.”

Njelemiya 7:30

“Vanu va mu Yunda vanalingi cuma cacivi. Vanaaka tumponya twavo tuje tunjazinda mu Njuvo yange, co vanaijwalesa.

Njelemiya 8:2

Kuvakavikungulula nakuvitsinda, oloni vitsiya vyavo vikafwa ngwe vwilo. Vakavishanda a litanya, na ngonde, na vingongonosi, vije vivazemene nakuvipangela, nakuvilemesa.

Zefaniya 1:5

Njikanyongesa vanu voshe vaje vakalondo akamwa ya njuvo nakulemesa litangwa, na ngonde, na vingongonosi. Co lalo njikanyongesa vaje vakulaesa ngwavo vakanjipangela mu kulongwa, oloni valisinga lalo mu lizina lya njambi Moleki.

Vilinga vya Miluwa 7:42

Oloni Njambi wavakengesele nima, co wavecelele ngeci valemese vingongonosi vya mwilu, ngwe muvanasoneka mu livulu lya vaka-kwimanena ngwavo, ‘Vanu va Isalele! Kesi kuli yange mwatsiilile nakukombelela tusitu a myaka makumi awana mu mambo, embwe.

Kwituluka mu Mashiko 16:21

“Kesi mukashimbikile manda ya citi ca Ashela njambi wa munakazi kumukulo wa mutula wa Shukulu Kalunga Njambi yeni.

Kwituluka mu Mashiko 17:3

akulemesa nakupangela vinjambi veka, nambe kulemesa litangwa, nambe ngonde, nambe vingongonosi, vije vyanavindika Shukulu Kalunga,

Kwituluka mu Mashiko 4:19

Linyungeni kutewa mukawila mu ceseko cakulemesa nakupangesa vije mumona mwilu, litangwa, na ngonde, na vingongonosi. Shukulu Kalunga Njambi yeni navyaana vanu voshe veka vali ano asi ngeci vavilemese.