2 Mizimbu 33:2 - Livulu lya Shukulu Kalunga

² Manase walingile vuvi ku mesho a Shukulu Kalunga akukavangeya vilinga vyavivi vya miyati ije yaashekele Shukulu Kalunga mu lifuti omo vanu vendi vakele nakuya kulutwe.

2 Mizimbu 33:2 Iomraidhean Croise

2 Vimyene 17:11

co venyekelele insense a mitula yoshe ya vaka-kujeneka kukulaela, kukavangeya vilinga vya vanu vaje vaashekele Shukulu Kalunga mu lifuti. Co vashangumwine vukale vwa Shukulu Kalunga a vilinga vyavo vyavivi,

2 Vimyene 17:15

Kuvononokele mashiko endi, kuvanyungile cikumiiyo cije calikumiiye na vakukulwila vavo, nakwononoka kunangula kwendi. Vapwile vanu vakujeneka seo omwo valemesele tumponya twakujeneka seo, nakukavangeya futisi ya miyati ije yavazengelekele, ije yatumbwile Shukulu Kalunga ngwendi kesi vakavatembunwine.

2 Vimyene 21:2

Manase walingile vuvi ku mesho a Shukulu Kalunga akukavangeya vilinga vyavivi vya miyati ije yaashekele Shukulu Kalunga ku mesho a vanu vendi omo vakele nakukovela mu lifuti.

2 Vimyene 21:9

Oloni vanu va mu Yunda kuvononokele Shukulu Kalunga, co Manase wavatwamenenene mukulinga vuvi vwakama manene kutuvakana vuvi vuje vuvalingile miyati ije yaashekele Shukulu Kalunga ku mesho a vanu vendi omo vakele nakukovela mu lifuti.

2 Mizimbu 28:3

co wenyekelele insense mu Cana ca Hinome, wakombelelele vana vendi va vanalume kupwa vin̄ombelo vyakwenyekela ku tumponya, mukutembunwina vilinga vya vunyengwe vivalingile vanu vaje vaashekele Shukulu Kalunga mu lifuti omo vaIsalele vakele nakuya kulutwe.

2 Mizimbu 33:22

Walingile vuvi ku mesho a Shukulu Kalunga ngwe mwalingile ishe Manase, co walemesele tumponya tuje twalemesele ishe.

2 Mizimbu 36:14

Co lalo vantwama va mu Yunda, na vaka-kukombelela, amolika na vanu, vakavangeyeye vilinga vyavivi vya miyati ije yavazengelekele nakulemesa tumponya, mu ngila eyi vajwalesele Njuvo ya Shukulu Kalunga, ije yajelesele vavenya Shukulu Kalunga.

Ezela 9:14

Cooni vatijo twombwanesa mashiko ove lalo nakulyambatela na vanu ava vaka-vivi? Nga tulingamo, co yove ukaluvala manene nakutunyongesa njwa, co naumo wai lalo akasalao.

Njelemiya 15:4

Mukapwa vunyengwe ku vanu voshe va a kaye, omwo a vyuma vyavivi manene vije vyalingile Manase muna Hezekiya mu Yelusalema, omwo wapwile mwene wa mu Yunda.

Ezekiyele 11:12

Co mukazivuka ngweni yange njapwa Kalunga, omwo kumwanyungile mashiko ange, nambe kulinga vije vinjamishikile, oloni munononoka mashiko a miyati ya vaje vanamizengeleka.”

Kwituluka mu Mashiko 12:29

“Omo Shukulu Kalunga Njambi yeni akanyongesa miyati ije ili kulutwe lweni kuje kumulinakuya nakukovela mu lifuti lyavo ngeci mukatungemo.

Kwituluka mu Mashiko 12:31

Kesi mukalemese Shukulu Kalunga Njambi yeni mu cifwa cije vakalemesa naco vinjambi vavo embwe. Omwo valemesa vinjambi vavo, vakalingi vyuma vya vunyengwe vije vyazinda Shukulu Kalunga. Vakevo vakakombelela mu tuhya kuli vinjambi vavo nameme vana vavo va vanalume nambe vana vavo va vanakazi.

Kwituluka mu Mashiko 18:14

Asinoni Mosesa wendekele ngwendi, “Mu lifuti lije muli kuyehi nakulishwana, vanu vamwo vakakavangeya vaka-kutaa vingombo vya litokwela na vaka-kukulaela viyovo. Oloni Shukulu Kalunga Njambi yeni kakashaka yeni mukalinge evi.

Kwituluka mu Mashiko 18:9

“Omo mukakovela mu lifuti lije lyakamyana Shukulu Kalunga Njambi yeni, kesi mukatembunwine vilinga vya vunyengwe vya miyati ya muje mumukakala.