2 Mizimbu 33:14 - Livulu lya Shukulu Kalunga

¹⁴ Munima ya vyuma evi, Manase watungulwile civumbe ca anja ku mutambela wa mu ngangela mu Nganda ya Ndaviti, kushangumukila ku shongo ya cana kuyehi na muna ndonga Ngihone ku kunto ya Cikolo ca Visi na mu mutambela wa nganda ya Ofele. Co waakele lalo muka-kushika vimunga vya mashwalale mu vinganda vyoshe vya vimpaka vya mu Yunda.

2 Mizimbu 33:14 Iomraidhean Croise

1 Vimyene 1:33

co wendekele kuli vakevo ngwendi, “Yeni na vamyata vange va mu mbanja, co endeseni munange Solomoni a cimulu cange, mushelumwiseni ku lisima lya kavwelu-vwelu ku Ngihone,

1 Vimyene 1:45

Zandoke, na Natane vamuvwavesele mazi kupwa mwene kuje ku lisima lya kavwelu-vwelu ku Ngihone. Asinoni vakovelele mu nganda, co vatambekele nakujolela, co vanu oni valinakuliwuya. Owo ukewo muyoyo mwazivi.

2 Mizimbu 17:19

Ava vanalume vakevo vapangelele mwene mu Yelusalema, co waakele mashwalale veka lalo mu vinganda vikwavo vya vimpaka vya mu Yunda.

2 Mizimbu 27:3

Yotame ikeye watungile Cikolo ca ku Kunto ca ku Njuvo ya Shukulu Kalunga, co watungilileko lalo cipango ca Ofele.

2 Mizimbu 32:30

Ikeye Mwene Hezekiya uje wazikile mwakwitila mema a kavwelu-vwelu kakuya ku Muna Ndonga Ngihone, co wetisile mema mukati ka vivumbe vya Yelusalema. Hezekiya walingile mwamuvwa mu vipangi vyendi vyoshe vyapangele.

2 Mizimbu 32:5

Mwene wapangele manene, co wavwaesele mitambela yoshe ya civumbe, ije yatavukile myanzi, co vatungilileo tuposhi, watungile lalo civumbe ca anja. Co lalo watungulwile civumbe cije vatungilile mu ngangela ku mutambela walaja wa mu Yelusalema. Co lalo wafulile makunga amangi na vintelo.

Nehemiya 12:39

co kutunda kuje twatuvakanene ku Cikolo ca Efalime, na ku Cikolo ca Njeshana, na ku Cikolo ca Visi, na ku Kaposhi ka Hananele, na ku Kaposhi ka Ciita, na ku Cikolo ca Vimanga. Co twasikisilile kuyehi na cikolo ca ku Njuvo ya Shukulu Kalunga.

Nehemiya 3:3

Vaka-cikota ca Hasena vatungile Cikolo ca Visi. Vaakele mikambo na vikolo mu myela yavyo, co vaakeleko tupateso na mikambo yakupatesa ku cikolo.

Isaya 32:14

Nameme mu lipela vakatewamo, na nganda ikapwa ngundu. Membo na tuposhi vikapwa vingundu ku myaka yoshe. Vimulu vakalilamo mwila, co vimanga vakawana kwakulila mwila wauvwa.

Zefaniya 1:10

“A litangwa lije mukaziva muyoyo wakulila ku Cikolo ca Visi ca Yelusalema. Mukaziva kutendeka kwakama mu mutambela wamucivali wa mu nganda na muyoyo wa vinjuvo vilundumuka akamwa ya malundu a Yelusalema.