2 Mizimbu 33:13 - Livulu lya Shukulu Kalunga

¹³ Co Njambi watavele lilombelo lya Manase, wamutavele eluke lalo ku Yelusalema nakushwana. Co aje vene Manase wazivukile ngeci kuma Shukulu Kalunga ikeye Njambi.

2 Mizimbu 33:13 Iomraidhean Croise

Kushangumuka 25:21

Isake walombelele kuli Shukulu Kalunga ali munakazi wendi Lembeka, omwo Lembeka wapwile mumba. Co Shukulu Kalunga wazivile lilombelo lyendi ngeci Lembeka wakele na kafumba.

1 Vimyene 18:39

Omo vanu vamwene vije vyalingiwile, co voshe vatsikamene asi vatambekele ngwavo, “Shukulu Kalunga ikeye Njambi, Shukulu Kalunga lika ikeye Njambi!”

1 Vimyene 8:50

Vasambese ku vivi vyavo vyoshe nakutengulukila kwavo kuje vakutengulukilile, co lingisa vitozi vavo ngeci vavazivile ngozi.

2 Vimyene 13:4

Asinoni Njehoahaze walombelele kuli Shukulu Kalunga, co Shukulu Kalunga, omwo wamwene vukalu vwa mwene wa ku Silya omo wakele nakuyandesa vaIsalele, co wakumbulwile lilombelo lyendi.

1 Mizimbu 5:20

Vakevo vakulaelele Njambi, nakulombela kuli ikeye ngeci avakwase, co Njambi wakumbulwile malombelo avo, wavahyanesele kuli vaHangeli na vaje vakwasele vaHangeli.

2 Mizimbu 12:7

Omwo Shukulu Kalunga wamwene ngeci vanalitavela vuvi vwavo, co wendekele lalo kuli Shemaya ngwendi, “Omwo vanalitavela vuvi vwavo, kunjikavanyongesa embwe. Oloni omo Shishake akavalwisa, vakovoka kamandondo lika. Vukalu vwange kuvukakala a Yelusalema,

2 Mizimbu 33:18

Vyuma vyoshe vije vyalingile Manase, na lilombelo lyalombelele kuli Njambi yendi, na majwi a vaka-kwimanena vaje vendekele kuli ikeye mu lizina lya Shukulu Kalunga, Njambi ya Isalele, vyoshe vavisoneka mu Livulu lya Mizimbu ya Vimyene va mu Isalele.

2 Mizimbu 33:19

Lilombelo lya mwene nakukumbulula kwa Njambi, vuvi vuje vwalingile omo kanda atenguluke, na vyuma vyavivi vije vyalingile, na mitambela ije vakele nakulemesela vaka-kujeneka kukulaela, na vifwa vya Ashela njambi wa munakazi vije vyalingile, na tumponya tuje twalemesele, vyoshe vavisoneka mu Livulu lya Mizimbu ya Vaka-kwimanena.

2 Mizimbu 34:27

co watengulukile na kulikeesa ku mesho ange, watavwile vuzalo vwove nakulila, omo wazivile muje njalishungwiiye kunyanyamesa Yelusalema na vanu vamwo. Njinazivile lilombelo lyove,

Ezela 7:27

Ezela wendekele ngwendi, “Vamushangazale Shukulu Kalunga, Njambi ya vakukulwila vetu! Ikeye nalingisa mwene kukala na cizango cangacije, ngeci avwaese Njuvo ya Shukulu Kalunga eyi ili mu Yelusalema.

Ezela 8:23

Ngecivene, twalikelele kulya, twalombelele kuli Njambi ngeci atunyunge, co ikeye wakumbulwile malombelo etu.

Yombi 22:22

Tambula vilongesa vitunda mu kanwa kendi, co nyunga majwi endi mu mbunge yove.

Yombi 22:23

Eyo, unapande kulilumbilisa nakwiluka kuli Njambi, nakuseza vuvi vwoshe vuje vuli mu njuvo yove.

Yombi 22:27

Omo ulombela, co ikeye akakukumbulula, co ukanyunga cisingo ciwalisingile.

Yombi 36:11

Nga vononoka kuli Njambi nakumupangela, co vakayoya mwamuvwa mu kwoloka.

Yombi 36:9

co Njambi avamwesa vuvi vwavo, na kulyalesa kwavo.

Myaso 107:13

Asinoni mu tuyando twavo vatambekele kuli Shukulu Kalunga, co Shukulu Kalunga wavamenene ku tuyando twavo.

Myaso 46:10

Njambi nendeka ngwendi, “Olokeni kuluu, zivukeni ngeci yange nji Njambi, nji wakama akati ka miyati yoshe, co nji wakama lalo ano asi oshe!”

Myaso 46:11

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Myaso 86:5

Omwo yove Shukulu Kalunga wapwa uwamuvwa kuli yetu u muka-kusambesa, washula na cizemo cije kucesi kutenguluka kuli voshe vaje valombela kuli yove.

Myaso 9:16

Shukulu Kalunga nalisholola ikeye vavenya akusompa kwendi kwa vushunga, oloni vaka-vuvi vanatsi mu vilinga vyavo vyavivi.

Visimo 16:7

Omo uvwaelelesa Shukulu Kalunga, nameme vitozi vove vapwa vasamba.

Visimo 21:1

Mbunge ya mwene yakala mu livoko lya Shukulu Kalunga, akayendesa ngwe muje mwakendesa mema a mu muta.

Njelemiya 24:7

Co njikavana mbunge yakuzivuka ngeci yange njapwa Kalunga. Asinoni vakapwa vanu vange, co yange njikapwa Njambi yavo, omwo vakelukila kuli yange na mbunge yavo yoshe.

Njelemiya 36:7

Amo vakalomba kuli Shukulu Kalunga, nakutenguluka kutunda ku vingila vyavo vya vuvi, omwo Shukulu Kalunga nashungwiya vanu vaje na vukalu vwakama.”

Mbimbi 3:56

Omo njakulambelelele ngeci utolilile ku mutambi wange, co yove wanjizivile.

Ndanyele 4:25

Vakakusheka kukutundisa kuli vanu, co ukakala amo na tusitu. Ukalya mwila ngwe ngombe, nakulala anja, co ukajula na lime myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.

Ndanyele 4:32

Vakakusheka kuli vanu, co ukakala amo na tusitu, ukalya mwila ngwe ngombe myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.”

Ndanyele 4:36

“Omo mana ange elukile kuli yange vavenya, co kasingimiko kange na vukama vwange na vumpau vwange vyelukile kuli yange vavenya lalo. Co vamyata vange na vaka-vulemu vange vanjitambwile mwamuvwa, co njelukilile lalo a vumwene vwange, na kasingimiko kakama manene kutuvakana akulivanga.

Mateo 6:33

Oloni akulivanga shakezekeni Vumwene vwendi, na vushunga vwendi, co vyoshe evi akamiwezelelavyo.

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

Yowano 4:10

Yesu wamukumbulwile ngwendi, “Nga wazivukile vwana vwa Njambi, co nou akulomba mema akunwa, nga unamulombo, co nga nakwana mema a mwonyo.”

Kwituluka mu Mashiko 29:6

Kumwalile makende nambe kunwa vinyu, nambe vinyu vyakulula, oloni Shukulu Kalunga wamyanene vyoshe vimwajenekele mukumilongesa ngeci ikeye wapwa Shukulu Kalunga Njambi yeni.

VaHevelu 8:11

Co naumo wai lalo wavo akalongesa mukwavo wa mu lifuti lyendi, naumo wai lalo akaleka mukwavo ngwendi, ‘Muzivuke Shukulu Kalunga.’ Omwo voshe vakanjizivuka, kutunda kuli uje wamundondo nakweta kuli mukulunu.