2 Mizimbu 33:12 - Livulu lya Shukulu Kalunga

¹² Co omo wakele nakuyanda, walambelelele Shukulu Kalunga Njambi yendi, co walikeesele ku mesho a Shukulu Kalunga Njambi ya vakukulwila vendi ngeci amukwase.

2 Mizimbu 33:12 Iomraidhean Croise

2 Mizimbu 12:7

Omwo Shukulu Kalunga wamwene ngeci vanalitavela vuvi vwavo, co wendekele lalo kuli Shemaya ngwendi, “Omwo vanalitavela vuvi vwavo, kunjikavanyongesa embwe. Oloni omo Shishake akavalwisa, vakovoka kamandondo lika. Vukalu vwange kuvukakala a Yelusalema,

2 Mizimbu 15:2

co waile nakuliwana na Mwene Asa. Co watambekele ngwendi, “Njitolilile, yove Mwene Asa, neni vanu voshe va Yunda na Mbenjemani njitolilileni! Shukulu Kalunga ali amo neni, omo yeni muli amo nendi, nga mumushakezeka, mukamuwana, oloni nga mutunda kuli ikeye, co akamiseza.

2 Mizimbu 15:4

Oloni omo vukalu vwezile, co vatengulukilile kuli Shukulu Kalunga, Njambi ya Isalele. Vamushakezekele, co vamuwanene.

2 Mizimbu 28:22

Omo tuyando twendi twaamene manene, uje munalume Ahaze wavulumwine manene ku mesho a Shukulu Kalunga.

2 Mizimbu 28:5

Omwo Mwene Ahaze walingile vuvi, co Shukulu Kalunga Njambi yendi wamukundikile ku mavoko a mwene wa ku Silya ngeci amufungulule nakwambata vaYunda vavangi nakuvatwala ku Ndamasiku kupwa vinzinda. Co lalo Shukulu Kalunga wamukundikile mu mavoko a mwene wa vaIsalele.

2 Mizimbu 32:26

Oloni akukotoka, Hezekiya na vanu vaje vakele mu Yelusalema valikeesele, co vukalu vwa Shukulu Kalunga kuvwezile ali vakevo noo Hezekiya watsile.

2 Mizimbu 33:23

Oloni ikeye kalikeesele ku mesho a Shukulu Kalunga, ngwe mwalikeesele ishe Manase, oloni ikeye wahyanene kulinga vuvi kutuvakana vuje vwalingile ishe.

2 Mizimbu 34:27

co watengulukile na kulikeesa ku mesho ange, watavwile vuzalo vwove nakulila, omo wazivile muje njalishungwiiye kunyanyamesa Yelusalema na vanu vamwo. Njinazivile lilombelo lyove,

Myaso 118:5

Omo njakele mu tuyando, njatambekele kuli Shukulu Kalunga, co wanjikumbulwile nakunjipatula.

Myaso 120:1

Omo njakele mu tuyando, njatambekele kuli Shukulu Kalunga, co ikeye wanjikumbulwile.

Myaso 130:1

Mu tuyando twange njatambekele kuli yove Shukulu Kalunga.

Myaso 130:2

Shukulu Kalunga ziva kutambeka kwange, tolilila ku mutambi wange ngeci unjikwase!

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Kutuuka 10:3

Ngecivene, Mosesa na Alone vaile kuli mwene vendekele kuli ikeye ngwavo, “Shukulu Kalunga Njambi ya vaHevelu nendeka ngwendi, ‘Visimbu vingaijo ukavyana kulikeesa ku mesho ange? Ecela vanu vange vaye ngeci vakanjilemese.

Njelemiya 13:18

Shukulu Kalunga wendekele kuli yange ngwendi, “Leka mwene na vaina vatunde a matanda avo, omwo vilongo vyavo vyavivwa vinau ku mitwe yavo.

Njelemiya 36:7

Amo vakalomba kuli Shukulu Kalunga, nakutenguluka kutunda ku vingila vyavo vya vuvi, omwo Shukulu Kalunga nashungwiya vanu vaje na vukalu vwakama.”

Ndanyele 4:36

“Omo mana ange elukile kuli yange vavenya, co kasingimiko kange na vukama vwange na vumpau vwange vyelukile kuli yange vavenya lalo. Co vamyata vange na vaka-vulemu vange vanjitambwile mwamuvwa, co njelukilile lalo a vumwene vwange, na kasingimiko kakama manene kutuvakana akulivanga.

Hoziya 5:15

“Co njikakengesa nima vanu vange noo vanapwisamo kuyanda omwo vivi vyavo, co vakeluka lalo nakunjishakezeka. Amo omo a tuyando twavo vakeseka kunjishakezeka.”

Yona 2:2

“Mu tuyando twange, njatambekele kuli yove Shukulu Kalunga, co wanjikumbulwile. Mwisi mu lifuti lya vatsi, njatambekele ngeci unjikwase, co wazivile lijwi lyange.

Mika 6:9

Cinapu cuma ca mangana kukomoka Shukulu Kalunga. Alinakutambeka ku nganda ngwendi, “Tolilileni yeni vanu vaje vanalikungulwila mu nganda!

Vilinga vya Miluwa 9:11

Co Mwene wamulekele ngwendi, “Katuka uye ku Ngila Yakushungama ku njuvo ya Yundasa ukehuleko munalume umo natundu ku Talisi lizina lyendi Saulu. Omwo ikeye alinakulombela,

Yakomba 4:10

Likeeseni yeni vavenya ku mesho a Njambi, co ikeye akamijundula.