2 Mizimbu 32:8 - Livulu lya Shukulu Kalunga

⁸ Ikeye ali na nzili ya vunu, oloni yetu tuli na Shukulu Kalunga Njambi yetu ikeye atukwasa kulwa nzita yetu.” Co vanu vakanyamene omwo majwi endekele mwene yavo.

2 Mizimbu 32:8 Iomraidhean Croise

2 Vimyene 18:5

Hezekiya wakulaelele kuli Shukulu Kalunga, Njambi ya Isalele, co mu Yunda kumwakele lalo mwene wakufwa ngwe ikeye, nambe kunima nambe kulutwe.

2 Vimyene 6:16

Elisha wamukumbulwile ngwendi, “Kesi uzive lyova embwe. Yetu ku mutambela wetu tuli navo vavangi kutuvakana ava vali ku mutambela wavo.”

1 Mizimbu 5:22

Co vatsiile vitozi vavangi, omwo nzita yapwile ya cizango ca Njambi. Co vatwaleleleo kukala mwamuvwa mu mutambela uje noo ku simbu ya vundungo.

2 Mizimbu 13:12

Co kengeni, Njambi vavenya ikeye wapwa ntwama yetu, na vaka-kukombelela vendi tuli navo vakevo vali na malupembo avo akwimba kashashutwiya nakutuleka ngeci tulwe neni. Yeni vanu va Isalele kesi mulwise Shukulu Kalunga Njambi ya vakukulwila veni! Kumukahyana embwe!”

2 Mizimbu 14:10

Co Asa wamulwisile, vinzita vyoshe vivali vyalikwalalekele mu myela yavyo ku Cana ca Zefata kuyehi na Malesha.

2 Mizimbu 14:11

Ngecivene, Asa walombelele kuli Shukulu Kalunga Njambi yendi ngwendi, “Yove Shukulu Kalunga, kukwesi weka asa kukwasa vaka-kuzeya omo valwa na vaka-nzili kuvanga yove lika. Tukwase ololo, Shukulu Kalunga Njambi yetu, omwo yetu twajendamena ali yove, co mu lizina lyove tunaija nakulwa na mashwalale ava vavangi manene. Shukulu Kalunga, yove unapu u Njambi yetu, naumo wai asa kukuhyana.”

2 Mizimbu 16:7

A simbu ije vene Hanani muka-kwimanena waile kuli Mwene Asa wamulekele ngwendi, “Omwo wakulaelele kuli mwene wa Silya, kutuvakana kukulaela kuli Shukulu Kalunga Njambi yove, mukemwo nzita ya mwene wa ku Silya vanatewa.

2 Mizimbu 20:15

Co Njazele wendekele ngwendi, “Yove shukulu Mwene Njosefati na vanu voshe va mu Yunda neni vanu va mu Yelusalema tolilileni, Shukulu Kalunga nendeka kuli yeni ngwendi kesi muzeye nambe kesi muzive lyova omo mbunga ya mashwalale eyi yakama embwe. Nzita eyi kesi yeni embwe, oloni inapu ya Njambi.

2 Mizimbu 20:17

Yeni kumukalu nzita eyi embwe. Oloni mukakale lika mu myela yeni nakuvandamena, mukamona Shukulu Kalunga mwakamihyanesa ku vitozi veni. Yeni vanu va mu Yunda na vanu va mu Yelusalema, kesi muzeye nambe kesi muzive lyova. Yeni ku nzita, Shukulu Kalunga akakala amo neni!”

2 Mizimbu 20:20

Alikaki mutondo-tondo vanu vakatukile vaile mu mambo ku Tekowa. Omo vakele nakuya, Njosefati wemanene wavalekele ngwendi, “Vanalume va mu Yunda neni vanalume va mu Yelusalema! Kulaeleni kuli Shukulu Kalunga Njambi yeni, co mukemana mbe. Kulaeleni vivamileka vaka-kwimanena vendi, co mukavezika.”

2 Mizimbu 32:15

Ngecivene, kesi mutave Hezekiya amikwise embwe nambe amitwamenene mu ngila yeka. Kesi mumukulaele embwe! Omwo kukwesi njambi wa ku muyati umo wasele kwamena vanu vendi ku livoko lyange nambe ku livoko lya vakukulwila vange. Ngecivene, mwa vushunga njambi yeni kasa kumyamena ku livoko lyange!”

Yombi 40:9

Kuma yove uli na nzili ngwe yange ndi? Kuma lijwi lyove lyasa kukala na cililimo cakama ngwe lyange ndi?

Myaso 118:8

Cinapu cuma cacivwa kutewela kuli Shukulu Kalunga, kutuvakana kukulaela munu.

Myaso 20:7

Vamo vanakulaela mu matemba avo a nzita, co vakwavo lalo vanakulaela ku tuvalu twavo, oloni yetu tunakulaela nzili ya Shukulu Kalunga Njambi yetu!

Myaso 46:11

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Myaso 46:7

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Kutuuka 4:31

Co vanu vakulaelele, omo vazivile ngeci Shukulu Kalunga nezile kuli vakevo nakumona tuyando twavo muvalina kuvapangesela na muuka, co vatsikamene a mavuli nakulemesa.

Visimo 12:25

Cishota-mbunge capwa citele cakulema, oloni majwi a ngozi anena kuvwaelela.

Isaya 30:32

Omo Shukulu Kalunga akavapupa lalo lalo, co vanu vendi vakatwalao kwimba vingoma na tulyalya. Njambi vavenya akalwisa vaAsilya.

Isaya 31:3

Vaka-Ingito kesi vinjambi embwe, vanapu lika vanu. Co tuvalu twavo vapwa situ lika kesi minzinzime. Omo Shukulu Kalunga amwesa vukalu vwendi, co anyongesa vaka-Ingito na voshe vaje vajendamenene ali vakevo. Co voshe vakanyonga.

Isaya 36:18

Kesi mutave Hezekiya amikwise akuyongola ngeci Shukulu Kalunga akamipatula. Kuma kuli vinjambi va ku miyati ya vanu veka vaamenene mafuti avo ku mavoko a mwene wa Asilya ndi?

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 8:10

Tumbeni matumbe eni! Oloni akapwa angoco. Endekeni vyoshe vimushaka! Oloni vyoshe vikapwa vyangoco, omwo Njambi ali amo netu.

Njelemiya 17:5

Shukulu Kalunga alinakwendeka ngwendi, “Njikasinga munu uje atunda kuli yange nakukulaela kuli munu wangoco, nakutundisa mbunge yendi kuli Shukulu Kalunga.

Njelemiya 42:11

Kesi muzivile lyova mwene wa Mbambilone. Yange njili amo neni, co njikamyamena ku nzili yendi.

Zakaliya 4:6

Co kangelo wanjilekele kwambulula majwi awa kuli Zelumbambele akutunda kuli Shukulu Kalunga ngwange Shukulu Kalunga nendeka ngwendi, “Yove ukahyana, kesi na nzili ya vushwalale nambe na nzili yove vavenya embwe, oloni na Munzinzime wange.

Vilinga vya Miluwa 18:10

omwo njili amo nove. Co naumo wai asa kukuvulumuna, omwo vanu njili na vavangi mu nganda eyi.”

Kwituluka mu Mashiko 20:1

“Omo mukaya ku nzita nakulwa na vitozi veni, mukamona, matemba avo, na tuvalu twavo, na nzita yakama kutuvakana yeni, oloni kesi mukavazivile lyova embwe, omwo Shukulu Kalunga Njambi yeni uje wamitundisile mu Ingito, ali amo neni.

Kwituluka mu Mashiko 20:3

‘Tolilileni yeni vaIsalele! Ku litangwa lya lelo mulinakuya ku nzita. Kesi muzive lyova lya vitozi veni, nambe mulijujukile mu vimbunge vyeni, nambe kuvupuka,

Kwituluka mu Mashiko 20:4

omwo Shukulu Kalunga Njambi yeni alinakuya neni, nakumilwila ku vitozi veni.’

2 Timateo 4:17

Oloni Mwene wakele amo nange nakunjitakamesa ngeci njasele kwambulula lijwi lyamutunu kuli vaje kesi vaYunda voshe ngeci vazive, co nange lalo vanjiputumwisile ku kutsa.

2 Timateo 4:22

Mwene akale amo na munzinzime wove. Kutetela kwa Njambi kukale amo neni voshe.

Yoshwa 10:42

Yoshwa wafungulwile vimyene voshe ava na mitambela yavo mu simbu imolika omwo Shukulu Kalunga Njambi ya Isalele, waamenene vaIsalele nakuvalwilako.

1 Yowano 4:4

Oloni yeni vana vange vavandondo, munakundama kuli Njambi, co munahyana vaka-kwimanena va makuli, omwo Munzinzime uje ali muli yeni ali manene na nzili kutuvakana munzinzime uje uli muli vaje vanakundama ku kaye.

1 Samwele 17:45

Ndaviti wamukumbulwile ngwendi, “Ulinakwija kuli yange na mukwale, na likunga, na cimbuya, oloni yange njilinakwija kuli yove mu lizina lya Shukulu Kalunga Muka-nzili yoshe, Njambi ya mashwalale va Isalele uje unashaula.