2 Mizimbu 32:7 - Livulu lya Shukulu Kalunga

⁷ “Pweni vaka-kusimpa na vaka-lukakateya, kesi muzive lyova lya mwene wa vaAsilya nambe mbunga ya mashwalale ava vaalinakutwamenena. Omwo ou tuli nendi ali na nzili kutuvakana uje ali kuli ikeye.

2 Mizimbu 32:7 Iomraidhean Croise

2 Vimyene 18:30

Kesi mumutave amisindiye kujendamena ali Shukulu Kalunga. Kesi muyongole ngweni Shukulu Kalunga akamyamena, ngeci avindike mashwalale vetu vaAsilya kufungulula nganda yeni embwe.

2 Vimyene 18:5

Hezekiya wakulaelele kuli Shukulu Kalunga, Njambi ya Isalele, co mu Yunda kumwakele lalo mwene wakufwa ngwe ikeye, nambe kunima nambe kulutwe.

2 Vimyene 6:16

Elisha wamukumbulwile ngwendi, “Kesi uzive lyova embwe. Yetu ku mutambela wetu tuli navo vavangi kutuvakana ava vali ku mutambela wavo.”

1 Mizimbu 22:13

Nga wononoka mashiko oshe aje aanene Shukulu Kalunga kuli Mosesa ali Isalele, co ukavezika. Pwa muka-kukolesa nakusimpa, co kesi utave cuma cimo cikuzivise lyova.

1 Mizimbu 28:10

Zivuka ngeci Shukulu Kalunga nakwangula umutungile Njuvo yendi yakujela. Kolesa ngeci uyitunge.”

1 Mizimbu 28:20

Mwene Ndaviti wendekele kuli munendi Solomoni ngwendi, “Pwa muka-kukolesa nakulisingimika. Shangumuka vipangi, co kesi utave cuma cimo cikuvindike embwe. Shukulu Kalunga Njambi, uje injipangela, akakala amo nove. Ikeye kakakuseze embwe, oloni akakala amo nove noo ukamanesa kupanga vipangi vya a Njuvo yendi.

2 Mizimbu 15:7

Oloni yeni munapande kukolesa kesi muzeye embwe. Omwo vakamyana cikandelela a vipangi vije mulinakupanga.”

2 Mizimbu 16:7

A simbu ije vene Hanani muka-kwimanena waile kuli Mwene Asa wamulekele ngwendi, “Omwo wakulaelele kuli mwene wa Silya, kutuvakana kukulaela kuli Shukulu Kalunga Njambi yove, mukemwo nzita ya mwene wa ku Silya vanatewa.

2 Mizimbu 20:15

Co Njazele wendekele ngwendi, “Yove shukulu Mwene Njosefati na vanu voshe va mu Yunda neni vanu va mu Yelusalema tolilileni, Shukulu Kalunga nendeka kuli yeni ngwendi kesi muzeye nambe kesi muzive lyova omo mbunga ya mashwalale eyi yakama embwe. Nzita eyi kesi yeni embwe, oloni inapu ya Njambi.

2 Mizimbu 20:17

Yeni kumukalu nzita eyi embwe. Oloni mukakale lika mu myela yeni nakuvandamena, mukamona Shukulu Kalunga mwakamihyanesa ku vitozi veni. Yeni vanu va mu Yunda na vanu va mu Yelusalema, kesi muzeye nambe kesi muzive lyova. Yeni ku nzita, Shukulu Kalunga akakala amo neni!”

Nehemiya 4:8

Ngecivene, voshe amolika valingile vutumbe vwakwija nakulwisa Yelusalema nakunena citanga cakama,

Myaso 118:8

Cinapu cuma cacivwa kutewela kuli Shukulu Kalunga, kutuvakana kukulaela munu.

Isaya 35:4

Endekeni kuli vaje vanalijujukila ngweni, “Koleseni kesi muzive lyova! Njambi yeni alinakwija. Aija nakulinga shambandinga vitozi veni.”

Njelemiya 42:11

Kesi muzivile lyova mwene wa Mbambilone. Yange njili amo neni, co njikamyamena ku nzili yendi.

Ndanyele 10:19

Co wendekele lalo ngwendi, “Njambi wakuzema, ngecivene, cuma cimo kesi cikupese nambe kukuzivisa lyova embwe.” Omo wendekele evi, njazivile nzili yakama manene, co njendekele ngwange, “Shukulu, njileke viwushaka kwendeka. Ololo njili na nzili oni.”

Zakaliya 4:6

Co kangelo wanjilekele kwambulula majwi awa kuli Zelumbambele akutunda kuli Shukulu Kalunga ngwange Shukulu Kalunga nendeka ngwendi, “Yove ukahyana, kesi na nzili ya vushwalale nambe na nzili yove vavenya embwe, oloni na Munzinzime wange.

Zakaliya 8:23

A matangwa aje vaka-kwija likumi vakaija kuli kaYunda umo nakwendeka ngwavo, ‘Tuya amolika nove, omwo tunazivi ngeci Njambi ali amo nove.’ ”

Zakaliya 8:9

“Simpeni! Ololo mulinakuziva majwi a cifwa cimo ngwe aje vendekele vaka-kwimanena a simbu ije vajalele luvula lwakutungulula Njuvo yange.

Loma 8:31

Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?

Efeso 6:10

Akukotoka, koleseniko muli Mwene na mu nzili ya vukama vwendi.

Kwituluka mu Mashiko 20:1

“Omo mukaya ku nzita nakulwa na vitozi veni, mukamona, matemba avo, na tuvalu twavo, na nzita yakama kutuvakana yeni, oloni kesi mukavazivile lyova embwe, omwo Shukulu Kalunga Njambi yeni uje wamitundisile mu Ingito, ali amo neni.

Kwituluka mu Mashiko 31:23

Asinoni Shukulu Kalunga wendekele kuli Yoshwa muna Nune ngwendi, “Kolesa nakusimpa. Yove ukatwamenena vanu va Isalele mu lifuti lije njalisingile kuvanalyo, njikakala amo neni.”

2 Timateo 2:1

Ngeci mwove munange, kolesa mu kutetela kuje kuli muli Kilistu Yesu.

1 Yowano 4:4

Oloni yeni vana vange vavandondo, munakundama kuli Njambi, co munahyana vaka-kwimanena va makuli, omwo Munzinzime uje ali muli yeni ali manene na nzili kutuvakana munzinzime uje uli muli vaje vanakundama ku kaye.