2 Mizimbu 32:30 - Livulu lya Shukulu Kalunga

³⁰ Ikeye Mwene Hezekiya uje wazikile mwakwitila mema a kavwelu-vwelu kakuya ku Muna Ndonga Ngihone, co wetisile mema mukati ka vivumbe vya Yelusalema. Hezekiya walingile mwamuvwa mu vipangi vyendi vyoshe vyapangele.

2 Mizimbu 32:30 Iomraidhean Croise

1 Vimyene 1:33

co wendekele kuli vakevo ngwendi, “Yeni na vamyata vange va mu mbanja, co endeseni munange Solomoni a cimulu cange, mushelumwiseni ku lisima lya kavwelu-vwelu ku Ngihone,

1 Vimyene 1:38

Ngecivene, Zandoke, na Natane, na Mbenaya, na vaka-kunyunga mwene valondesele Solomoni a cimulu ca Mwene Ndaviti, co vamushelumwisile ku lisima lya kavwelu-vwelu ku Ngihone.

1 Vimyene 1:45

Zandoke, na Natane vamuvwavesele mazi kupwa mwene kuje ku lisima lya kavwelu-vwelu ku Ngihone. Asinoni vakovelele mu nganda, co vatambekele nakujolela, co vanu oni valinakuliwuya. Owo ukewo muyoyo mwazivi.

2 Vimyene 20:20

Vyuma vyoshe vije vyalingile Mwene Hezekiya na vilinga vyendi vyakunyanyama, na muje mwendile lishali lya mema na muna ndonga ngeci vinene mema mu nganda, vyoshe vavisoneka mu Livulu lya Mizimbu ya Vimyene va mu Yunda.

2 Mizimbu 26:5

Uziya wapangelele Shukulu Kalunga na kulongwa a matangwa ayoyele Zekaliya uje wamulongesele vya vuNjambi, co Njambi wamuvezikisile.

2 Mizimbu 32:3

co ikeye na vamyata vendi vayongwele kuzika tuvwelu-vwelu twa mema twakele anja ya nganda ngeci vaAsilya kesi vawane mema omo veta kuyehi na Yelusalema.

2 Mizimbu 32:4

Ngecivene, vanu vavangi vakungulukile, co vazikile tuvwelu-vwelu twoshe twakele anja ya nganda.

2 Mizimbu 33:14

Munima ya vyuma evi, Manase watungulwile civumbe ca anja ku mutambela wa mu ngangela mu Nganda ya Ndaviti, kushangumukila ku shongo ya cana kuyehi na muna ndonga Ngihone ku kunto ya Cikolo ca Visi na mu mutambela wa nganda ya Ofele. Co waakele lalo muka-kushika vimunga vya mashwalale mu vinganda vyoshe vya vimpaka vya mu Yunda.