2 Mizimbu 32:27 - Livulu lya Shukulu Kalunga

²⁷ Mwene Hezekiya wafukile manene, co voshe vamusingimikile. Watungile vinjuvo mwakutulikila ngolinde yendi, na siliva, na mamanya a seo yakama, na n̄undu, na vintelo, na vyuma vikwavo lalo vya seo yakama.

2 Mizimbu 32:27 Iomraidhean Croise

2 Vimyene 20:13

Hezekiya watambwile mwamuvwa vaje miluwa, co wavamwesele vufuko vwendi, siliva na ngolinde na n̄undu na mazi akunika lwengo lwaluvwa na vitwa vyoshe vya mashwalale vendi. Wavamwesele vyuma vyoshe vyakele mu milili yendi yakutulikila na mu vumwene vwendi.

1 Mizimbu 29:28

Ikeye wakuluvalele manene omo watsile, co wakele na vufuko na kasingimiko, munendi Solomoni wamushwanene kupwa mwene.

2 Mizimbu 1:12

Co njikakwana mana nakuzivisisa, amo na vufuko vwavungi, na lutsimo kutuvakana vimyene voshe vaje vakeleko laja nambe vaje vakakalako kulutwe.”

2 Mizimbu 17:5

Ngecivene, Shukulu Kalunga wakolesele vumwene vwendi, co lalo vanu voshe va mu Yunda vamunenelele vwana, ngecivene, wakele na vufuko vwavungi, na kasingimiko kakama.

2 Mizimbu 32:26

Oloni akukotoka, Hezekiya na vanu vaje vakele mu Yelusalema valikeesele, co vukalu vwa Shukulu Kalunga kuvwezile ali vakevo noo Hezekiya watsile.

2 Mizimbu 32:28

Co lalo watungile vishete mwakwaka vimbuto vyendi, na vinyu, na mazi a olive, co wasitile matanga a vingombe vendi, na malimba a vimanga vendi.

2 Mizimbu 9:27

A simbu yakushwana kwendi, siliva yapwile yaingi mu Yelusalema ngwe mamanya angoco, na miti ya kendale yatumine manene ngwe miti ya mikuyu mu lifuti lya ku vushelumukilo vwa malundu lya mu Yunda.

Visimo 10:22

Civezikiso ca Shukulu Kalunga cikeco cikufukisa. Kupanga na nzili kucasa kukufukisa.

Ezekiyele 26:12

Co vitozi vove vakapukula vufuko vwove vwa seo. Vakasiwula vivumbe vyove nakupukula vinjuvo vyove vyavivwa. Vakanona mamanya na viti na vyoshe vya mazilo, co vakavyumbila mu mema a kalunga.

1 Samwele 2:7

“Ikeye autwisa vanu vamo, co vamo avafukisa, Ikeye akeesa vamo, co vamo avapwisa vakama.