2 Mizimbu 32:23 - Livulu lya Shukulu Kalunga

²³ Vanu vavangi vezile ku Yelusalema, vanenele vin̄ombelo kuli Shukulu Kalunga na vwana kuli Hezekiya, co kutunda a simbu ije miyati yoshe vasingimikile Hezekiya.

2 Mizimbu 32:23 Iomraidhean Croise

1 Vimyene 10:10

Co vamwene wa ku Shemba waanene vwana vwezile navwo kuli Solomoni. Makilo akutuvakana 4,000 a ngolinde, na n̄undu yaingi manene, na mamanya a seo yakama. Co n̄undu yamwanene vamwene wa ku Shemba yatumine manene ije kanda ayitambule nambe simbu ya kunima.

1 Vimyene 10:25

Munu na munu wakele nakwija kuli ikeye wanenele vwana. Vivala vya siliva na ngolinde, vuzalo vwa vulaja, na vitwa, na n̄undu, na tuvalu, na vimulu. Eci calingiwile a mwaka na mwaka.

1 Vimyene 4:21

Vushwana vwa Solomoni vwawezeleleko na mafuti oshe kutunda ku Ndonga ya Yufuleti kutwala ku Filisitiya na nginga ya Ingito. Vakele nakufweta lisimu kuli ikeye, co vakele mwisi yendi simbu yoshe yakuyoya kwendi.

2 Vimyene 19:30

Co vaje vakasala mu Yunda vakayoya mwamuvwa, ngwe vimena vije vitwala mizi yavyo manene mu livu, co viima vushuka.

1 Mizimbu 29:25

Co Shukulu Kalunga waamesele manene Solomoni ku mesho a vaIsalele voshe, wamwanene vumpau vwa vumwene kuhyana vimyene vakwavo vaje vashwanene mu Isalele.

2 Mizimbu 1:1

Solomoni muna Mwene Ndaviti, wakolesele vumwene vwa Isalele, co Shukulu Kalunga Njambi yendi wamuvezikisile nakumwamesa manene.

2 Mizimbu 17:11

VaFilisitiya vamo vanenelele Njosefati siliva yaingi na vwana vukwavo, co vaAlavya vamo vamunenelele vimanga vakupwa 7,700 na vimembe vakupwa 7,700.

2 Mizimbu 17:5

Ngecivene, Shukulu Kalunga wakolesele vumwene vwendi, co lalo vanu voshe va mu Yunda vamunenelele vwana, ngecivene, wakele na vufuko vwavungi, na kasingimiko kakama.

2 Mizimbu 9:24

Munu na munu wanenele vwana, vivala vya siliva na ngolinde, na vuzalo vwa vulaja, na vitwa, na n̄undu, na tuvalu, na vimulu. Eci calingiwile a mwaka na mwaka.

Ezela 7:27

Ezela wendekele ngwendi, “Vamushangazale Shukulu Kalunga, Njambi ya vakukulwila vetu! Ikeye nalingisa mwene kukala na cizango cangacije, ngeci avwaese Njuvo ya Shukulu Kalunga eyi ili mu Yelusalema.

Myaso 68:29

Omwo ya Njuvo yove ya mu Yelusalema, vimyene vakakunenela vwana.

Myaso 72:10

Vimyene va ku Sipeini na ava va ku man̄anda vakamulambwila milambu, na vimyene va ku Shemba na ku Semba vakamunenela vwana.

Myaso 76:11

Aneni Shukulu Kalunga Njambi yeni vije mwamukulaesele, yeni voshe miyati ya muyehi muneneleni vwana. Njambi ikeye imunapande kukomoka.

Mateo 2:11

Co vakovelele mu njuvo, vamwene mwanike na vaina Maliya, co vatsikamene nakumulemesa. Asinoni vafukwile mu vinjeke vyavo, co vamwanene vwana vwa ngolinde na fulankininsense na miila.