2 Mizimbu 32:19 - Livulu lya Shukulu Kalunga

¹⁹ Vendekele ali Njambi wa Yelusalema ngwe muje muvakendeka na vinjambi va miyati ya vanu va ano asi, vaje vakushonga na mavoko a vanu.

2 Mizimbu 32:19 Iomraidhean Croise

1 Vimyene 20:28

Muka-kwimanena waile kuli Mwene Ahave wamulekele ngwendi, “Eci cikeco canendeka Shukulu Kalunga ngwendi, ‘Omwo vaSilya vanendeka ngwavo yange nji njambi wa malundu kesi wa mu vyana, co yange njikakuhyanesa a vungi vwa mashwalale vavo, co yove na vanu vove mukazivuka ngeci yange njapwa Kalunga.’ ”

2 Vimyene 19:18

vanenyeka vinjambi vavo, vaje kuvapwile vinjambi va vushunga, oloni vifwa lika vya viti na mamanya vije valingile na mavoko a vanu.

2 Mizimbu 32:20

Asinoni Mwene Hezekiya na Isaya muka-kwimanena muna Amoze valombelele kuli Njambi nakutambeka manene ngeci avakwase.

2 Mizimbu 6:6

Oloni ololo njinaangula Yelusalema kupwa mwela uje vakanjilemesela, co lalo njinaangula yove Ndaviti kushwana vanu vange.’ ”

Myaso 74:18

Shukulu Kalunga, anuka muvali nakukujola vitozi, anuka muvali nakushaula, nakuyeluwisa lizina lyove.

Myaso 78:68

oloni waangwile muyati wa Yunda, na Munkinda wa Siyone uje wazemene.

Isaya 14:32

Vatijo twasa kukumbulula miluwa vaje vatunda ku Filisitiya? Tukavaleka ngwetu Shukulu Kalunga ikeye watungile Siyone, nameme vanu vendi vaka-kuyanda vakawana kwoloka.

Isaya 2:8

Mu lifuti mwoshe munashulu na tumponya, co valinakulemesa vyuma vije vivanapanga na mavoko avo.

Isaya 37:19

omwo vinjambi vavo kuvapwile vinjambi vavavwa, oloni vifwa lika vya viti, na mamanya, vije valingile na mavoko a vanu, ngecivene, vavenyekele.

Njelemiya 1:16

Co njikahisa vanu vange omwo vanalingi vuvi akunjiseza, vanakombelela vin̄ombelo ku vinjambi veka, co vanashongo tumponya nakutulemesa.

Njelemiya 10:3

Omwo vilika vya vanu ava vinapu vyangoco, omwo munu ashinja muti mu shwata, aushonga kamponya,

Njelemiya 10:9

Tumponya twavo twakucakeya siliva ya ku Sipeini na ngolinde ya ku Ufaze, nakutuzika vinanga vyakuzivuluka nevi vya linyu vyakuvenguluka, vyakushela kuli vatongwe, twapwa vipangi vya vaka-kushonga.

Njelemiya 32:30

Kutunda kukushangumuka kwa vin̄anda vyavo, vanu va mu Isalele na vanu va mu Yunda vanalingi vuvi, co vananjiluvalesa.

Ezekiyele 25:8

Co Shukulu Kalunga wa Akamwa ya Vyoshe wendekele ngwendi, “Omwo Mowavi vendeka ngwavo Yunda nalifu na miyati yoshe yeka,

Ezekiyele 35:13

Njinazivi kulishasha na kulyalesa kuunendeka ali yange.”

Kwituluka mu Mashiko 27:15

“ ‘Cisingo ca Njambi cikale ali munu woshe uje ashonga kamponya ka limanya, nambe ka citi, nambe ka cikuvo, nakukalemesela mu vushweke, cuma eci cinapu ca vunyengwe kuli Shukulu Kalunga.’ “Co vanu voshe vakakumbulula ngwavo, ‘Ewa!’

Kwituluka mu Mashiko 4:28

Kuje mukapangela vinjambi vakushonga na mavoko a vanu, vinjambi va viti, na va mamanya, vinjambi vaje kuvesi kuziva nambe kumona, nambe kulya, nambe kuziva kunika.

VaHevelu 12:22

Oloni, yeni munaija ku Munkinda wa Siyone na nganda ya Njambi wakuyoya, Yelusalema ya mwilu, na tungelo vamwo vavangi-vangi.

1 Samwele 17:36

Njatsiya laja vindumba, na vaingwe, co njikalinga mumolika lalo na uje kaFilisitiya muka-kujeneka kukulaela, uje ayeluwisa mashwalale va Njambi wakuyoya.