2 Mizimbu 31:15 - Livulu lya Shukulu Kalunga

¹⁵ Co mwisi yendi mwakele Endeni na Miniyamine, na Njeshuwa, na Shemaya na Amaliya na Shekaniya. Vavaangwile ngeci vapangezele vyakulya vavushoko vwavo vaLevi mu ngila yaivwa ngwe ku vipangi vyavo,

2 Mizimbu 31:15 Iomraidhean Croise

1 Mizimbu 24:31

Navo lalo vakulunu va mu naanga, vatele n̄ela ngwe muvalingile vandolome vavo vaka-kukombelela vakutunda kuli Alone. Mwene Ndaviti, na Zandoke, na Ahimeleke, na vakulunu va mu naanga ya vaka-kukombelela, na vaLevi vapwile vakaleo.

1 Mizimbu 25:8

Co vatele n̄ela omo a vipangi vyavo, voshe vakele nakuta n̄ela, vanike nambe vakulunu, mulongisi nambe ndongisi.

1 Mizimbu 9:22

Vanu voshe vaje vavaangwile kunyunga ku vikolo vapwile 212. Co vavasonekele ngwe mu membo muje muvatungile. Mwene Ndaviti na Samwele muka-kwimanena vakevo vaakele vakukulwila vavo mu myela ije.

2 Mizimbu 29:12

VaLevi vakeleko ava. Va ku cikota ca Kohate vapwile, Mahate muna Amasai, na Njwele muna Azaliya. Va ku cikota ca Melali vapwile, Kishe muna Avendi, na Azaliya muna Njehalelele. Va ku cikota ca Ngeleshone vapwile, Yowahe muna Zimena, na Endeni muna Yowahe.

2 Mizimbu 31:13

Co vaangwile vaLevi likumi ngeci vavakwase, mazina avo, Njehiyele, na Azaziya, na Nahate, na Ashahele, na Njelimote, na Yozavande, na Elyele, na Isemakiya, na Mahate, na Mbenaya. Co vyoshe evi vyalingiwile mu nzili ya Mwene Hezekiya na Azaliya Muka-kukombelela Wakama.

2 Mizimbu 31:14

Co Kole muna Imena, kaLevi ikeye wapwile muka-kunyunga ku Cikolo ca mu Ngangela ku Njuvo ya Shukulu Kalunga, ikeye wapwile mukulunu wakumona milambu ije ivaanene kuli Shukulu Kalunga nakuyipangazela.