2 Mizimbu 31:14 - Livulu lya Shukulu Kalunga

¹⁴ Co Kole muna Imena, kaLevi ikeye wapwile muka-kunyunga ku Cikolo ca mu Ngangela ku Njuvo ya Shukulu Kalunga, ikeye wapwile mukulunu wakumona milambu ije ivaanene kuli Shukulu Kalunga nakuyipangazela.

2 Mizimbu 31:14 Iomraidhean Croise

Kushangumuka 46:17

Vana va Ashele va vanalume mazina avo, Imena, na Isheva, na Ishevi, na Mbeliya, na ndokazi yavo Sela. Vana va Mbeliya va vanalume mazina avo, Hevele na Malekyele.

1 Mizimbu 26:12

Vaka-kunyunga Njuvo ya Shukulu Kalunga vavaangunwine mu vimbunga, ngwe mu naanga yavo, co vavaanene vipangi vya mu Njuvo ya Shukulu Kalunga, ngwe muvalingile vakwavo vaLevi.

1 Mizimbu 26:14

Co n̄ela ya ku cikolo ca mu ngangela yawililile Shelemiya, vatele n̄ela lalo ali munendi Zekaliya muka-kunangula na mana, co n̄ela yawililile ku cikolo ca ku kunto.

1 Mizimbu 26:17

Co mu ngangela vaka-kunyunga vatanu na umo vakele a vipangi a litangwa na litangwa, co ku kunto kwakele vaka-kunyunga vawana, co ku mbwela kwakele vaka-kunyunga vawana. Co vaka-kunyunga vawana vakele nakunyunga milili ya vinjuvo vyakutulikila a litangwa na litangwa, vavali ku mulili na mulili.

2 Mizimbu 31:13

Co vaangwile vaLevi likumi ngeci vavakwase, mazina avo, Njehiyele, na Azaziya, na Nahate, na Ashahele, na Njelimote, na Yozavande, na Elyele, na Isemakiya, na Mahate, na Mbenaya. Co vyoshe evi vyalingiwile mu nzili ya Mwene Hezekiya na Azaliya Muka-kukombelela Wakama.

2 Mizimbu 31:15

Co mwisi yendi mwakele Endeni na Miniyamine, na Njeshuwa, na Shemaya na Amaliya na Shekaniya. Vavaangwile ngeci vapangezele vyakulya vavushoko vwavo vaLevi mu ngila yaivwa ngwe ku vipangi vyavo,

Ezela 1:4

Nga vanu vendi vamo vaje vali mu vunzinda vashaka vukwasi ngeci veluke, co vandambo vavo vanapande kuvakwasa siliva, na ngolinde, na vivala, na vimuna vakwambata vivala, na vin̄ombelo vya kulitombola vya mu Njuvo ya Shukulu Kalunga Njambi ili mu Yelusalema.”

Ezela 3:5

co lalo vakombelelele vin̄ombelo vya kwenyeka vyamutunu a litangwa na litangwa, na vije vyakukombelela a Ciwano Cakutenema kwa Ngonde, na ku vikungulukilo vyeka lalo vije vyakulemesa Shukulu Kalunga, na vin̄ombelo vya cizango vyakwana kuli Shukulu Kalunga.

Ezela 7:16

Co lalo unapande kwambata siliva na ngolinde yoshe ije imunalambula mu lifuti lya Mbambilone na milambu ije ivakana vanu va Isalele na vaka-kukombelela vavo ku Njuvo ya Shukulu Kalunga Njambi yavo mu Yelusalema.

Nehemiya 13:13

Co njemikile vaka-kunyunga ku milili yakutulikila vapwile, Shelemiya, muka-kukombelela, na Zandoke, muka-kusoneka, na Pendaya kaLevi. Hanane, muna Zakule, mutekulu wa Mataniya, wapwile muka-kuvaata. Ava voshe njavaangwile omwo vavatumbwile ngeci vapwa va kulongwa. Co cipangi cavo capwile cakupangezela vyuma vavushoko vwavo.

Myaso 119:108

Tambula lilombelo lyange lyakukandelela yove Shukulu Kalunga, nakunjilongesa mashiko ove.

VaLevi 2:10

Co vije vikasalao ku mulambu ou vikapwa vya vaka-kukombelela, vikapwa vyakujela, omwo vanavitundisa ku vyakulya vije vanakombelela kuli Shukulu Kalunga.

VaLevi 22:18

“Leka Alone na vana vendi va vanalume na vanu voshe va Isalele ngwove, omo kaIsalele nambe muka-kwija woshe uje ali mu Isalele nga akombelela n̄ombelo ya kwenyeka, nambe kushulisa cisingo, nambe mulambu wa cizango, co uje cimuna kapandele kukala na kapenga.

VaLevi 23:38

Viwano evi vyakukumbasana ku Matangwa Akuhwima, co milambu eyi inakumbasana ku vwana vweni vwa matangwa oshe, na milambu yeni mukushulisa visingo vyeni, na milambu ya vizango vyeni mulinakulambula kuli Shukulu Kalunga.)

VaLevi 27:28

“Naumo wai akalandesa nambe kupatula vije vanakundikilila kuli Shukulu Kalunga, nambe munu, nambe kasitu, nambe livu. Evi vyapwa vya Shukulu Kalunga ku myaka yoshe.

Kulava 29:39

“Awa akewo mashiko anemanena milambu ya kwenyeka, na milambu ya vimbuto, na milambu ya vinyu, na milambu ya kulitombola, vije mukakombelela kuli Shukulu Kalunga a viwano vyeni vije vivemika. Evi vikevyo vyakuwezelela ku milambu imulinakwana mukushulisa visingo vyeni nambe milambu yeni ya cizango.”

Kwituluka mu Mashiko 12:17

Co nacimo cai cije cimukaana kuli Shukulu Kalunga cimukalila mu mitambela mumuli nakukala embwe, nambe cavulikumi ku vimbuto vyeni, nambe ku vinyu vyeni vyaviha, nambe ku mazi eni a olive, nambe ku va ntwatwa va vimuna veni, nambe vin̄ombelo vyeni vya cikulaeso vije mulinakulikulaesa kuli Shukulu Kalunga, nambe vin̄ombelo vyeni vya cizango, nambe milambu ikwavo lalo.

Kwituluka mu Mashiko 12:6

Yeni mukatwala vin̄ombelo vyeni kuje vya kwenyeka, na vin̄ombelo vikwavo, co mukaana cavulikumi, na mulambu uje mulinakwana, na vin̄ombelo vyeni vya cikulaeso kuli Shukulu Kalunga, na vin̄ombelo vyeni vya cizango, na va ntwatwa va ku vutanga vwa vi muna veni.

Kwituluka mu Mashiko 16:10

Asinoni mukanyunga Ciwano ca Kuteja mukusingimika Shukulu Kalunga Njambi yeni. Mukamwane mulambu weni wa n̄ombelo ya cizango ngwe ku vivezikiso vije vyakamivezikisa Shukulu Kalunga Njambi yeni.