2 Mizimbu 31:13 - Livulu lya Shukulu Kalunga

¹³ Co vaangwile vaLevi likumi ngeci vavakwase, mazina avo, Njehiyele, na Azaziya, na Nahate, na Ashahele, na Njelimote, na Yozavande, na Elyele, na Isemakiya, na Mahate, na Mbenaya. Co vyoshe evi vyalingiwile mu nzili ya Mwene Hezekiya na Azaliya Muka-kukombelela Wakama.

2 Mizimbu 31:13 Iomraidhean Croise

1 Mizimbu 24:5

Omo mu Njuvo ya Shukulu Kalunga mwakele vamyata na vantwama vaje vendesele vipangi vya Shukulu Kalunga akati ka vatekulwila va Elyazale na Itamale, vavanene vipangi akuta n̄ela.

1 Mizimbu 9:11

na Azaliya muna Hilikiya (ikeye wapwile mukulunu wakama wa mu Njuvo ya Shukulu Kalunga), uje vakukulwila vendi vapwile Meshulame, na Zandoke, na Melayote, na Ahituve,

2 Mizimbu 29:12

VaLevi vakeleko ava. Va ku cikota ca Kohate vapwile, Mahate muna Amasai, na Njwele muna Azaliya. Va ku cikota ca Melali vapwile, Kishe muna Avendi, na Azaliya muna Njehalelele. Va ku cikota ca Ngeleshone vapwile, Yowahe muna Zimena, na Endeni muna Yowahe.

2 Mizimbu 30:12

Cizango ca Njambi lalo cakele mu Yunda, co Njambi wavanene mbunge imo ngeci vononoke kukava mashiko a mwene na vamyata vendi.

2 Mizimbu 31:14

Co Kole muna Imena, kaLevi ikeye wapwile muka-kunyunga ku Cikolo ca mu Ngangela ku Njuvo ya Shukulu Kalunga, ikeye wapwile mukulunu wakumona milambu ije ivaanene kuli Shukulu Kalunga nakuyipangazela.

2 Mizimbu 31:4

Co mwene walekele vanu vaje vakele mu Yelusalema vanene vin̄ombelo vije vyakundamene kuli vaka-kukombelela na vaLevi, ngeci vaane ku vije vishakiwa ngwe ku Lishiko lya Shukulu Kalunga.

2 Mizimbu 35:8

Co vamyata vendi lalo vaanene milambu kuli vanu, na kuli vaka-kukombelela, na kuli vaLevi ngeci valikwase nayo. Co lalo vamyata vaje vapwile vakulunu va ku Njuvo ya Shukulu Kalunga mazina avo, Hilikiya Muka-kukombelela Wakama na Zekaliya na Njehiyele, vaanene kuli vaka-kukombelela vana va vimanga na vana va vimembe vakupwa 2,600, na vingombe va nkomba vakupwa 300 vakukombelela a simbu ya ciwano.

Nehemiya 11:11

Selaya, muna Hilikiya mutekulu wa Meshulame. Vakukulwila vendi vapwile, Zandoke, na Melayote, na Hituve, uje wapwile Muka-kukombelela Wakama.