2 Mizimbu 31:10 - Livulu lya Shukulu Kalunga

¹⁰ co Azaliya Muka-kukombelela Wakama, mutekulwila wa Zandoke, wendekele kuli ikeye ngwendi, “Tunde aje vanu vashangumukile kunena vwana vwavo ku Njuvo ya Shukulu Kalunga, tulinakulya mwamuvwa nakukuta, co vyavingi lalo vinasalao. Shukulu Kalunga navezikisa vanu vendi.”

2 Mizimbu 31:10 Iomraidhean Croise

Kushangumuka 26:12

Co Isake walimine mu lifuti lije, a mwaka uje vene watejele vimbuto visimbu vyakupwa 100 ku vimbuto vije wakuvile, omwo Shukulu Kalunga wamuvezikisile.

Kushangumuka 39:23

Muka-kunyunga kamenga kakengele ku cuma nacimo cai, cije cakele ku mavoko a Yosefa, omwo Shukulu Kalunga wakele amo nendi, co mu vyuma vyoshe vije vyalingile Yosefa, Shukulu Kalunga wavivezikisile.

Kushangumuka 39:5

Ngeci kutunda a simbu ije omo wapwisile Yosefa ngamba yendi wakumwata, Shukulu Kalunga wavezikisile njuvo ya uje kaIngito na vyuma vyoshe vije wakele navyo mu njuvo yendi na mu mahya endi.

1 Vimyene 2:35

Co mwene wengisile Mbenaya kupwa muka-kushika nzita mu mwela wa Yowave, co wengisile lalo Zandoke kupwa muka-kukombelela mu mwela wa Aviyatale.

1 Mizimbu 29:16

Shukulu Kalunga, Njambi yetu, tunanena amolika vufuko ovu vwoshe, mukutunga Njuvo yove, mukusingimika lizina lyove lyakujela, oloni vufuko vwoshe vwatunda kuli yove, co lalo vufuko vwoshe vwakundama kuli yove.

1 Mizimbu 6:14

na Selaya, na Yehozandake.

1 Mizimbu 6:8

na Zandoke, na Ahimaza,

1 Mizimbu 6:9

na Azaliya, na Yohanane,

2 Mizimbu 26:17

Co Azaliya muka-kukombelela, amo na vaka-kwimanena va nzili vakusimpa vakupwa makumi atanu na atatu vakavele mwene munima.

2 Mizimbu 31:13

Co vaangwile vaLevi likumi ngeci vavakwase, mazina avo, Njehiyele, na Azaziya, na Nahate, na Ashahele, na Njelimote, na Yozavande, na Elyele, na Isemakiya, na Mahate, na Mbenaya. Co vyoshe evi vyalingiwile mu nzili ya Mwene Hezekiya na Azaliya Muka-kukombelela Wakama.

2 Mizimbu 31:9

Co mwene wendekele kuli vaka-kukombelela na vaLevi a vwana vuje,

Kutuuka 36:7

Co vije vivaneneleko vyapwile vyavingi kutuvakana vije vyashakiwile akumanesa vipangi vyoshe.

Visimo 10:22

Civezikiso ca Shukulu Kalunga cikeco cikufukisa. Kupanga na nzili kucasa kukufukisa.

Visimo 11:24

Vanu vamo vakapangesa vimbongo vyavo mwoshe muvashakela, oloni anga vacili na vufuko. Co veka vali na vun̄ondi, oloni anga vanapu lika vaka-kuutwa.

Visimo 3:10

Co vishete vyove vikashula na vimbuto, ukakala na vinyu vyavingi vije kuukawana naa akuvyaka.

Visimo 3:9

Singimika Shukulu Kalunga akumulambwila vyuma vyoshe vyavivwa vije viwukateja mu lihya lyove.

Ezekiyele 44:15

Shukulu Kalunga wa Akamwa ya Vyoshe wendekele ngwendi, “Vaka-kukombelela vaje vanakundama ku muyati wa Levi va ku naanga ya Zandoke, nameme ngoco, vakele nakunjipangela na kulongwa mu Njuvo yange, omo vanu va Isalele vatengulukile kutunda kuli yange. Ngecivene, ololo vakevo lika vakanjipangela nakwija ku mesho ange nakunjikombelela vin̄ombelo vya mazi na maninga.

Ezekiyele 44:30

Vaka-kukombelela vakatambula vije vyavivwa vyoshe, vya kuteja akulivanga, na vyuma vyoshe vyeka vije vivakanena kuli yange. A simbu na simbu ije vanu voca makende, vanapande kwana vaka-kukombelela likende lyakulivanga kwoca kupwa mulambu, co vivezikiso vyange vikakala a vinjuvo vyavo.

VaLevi 25:21

Shukulu Kalunga akavezikisa livu mu mwaka wamucitanu na umo, likaima vyakulya vyakupwisa mu myaka itatu.

Hangai 2:18

Lelo linapu litangwa lyamumakumi avali na awana ku ngonde yamucitanu na viwana, likelyo litangwa munamanesa luvula lwa Njuvo yange. Kengeni vije vikalingiwa lelo nakuya kulutwe.

Malakiya 3:10

Neneni vyoshe vyavulikumi ku cishete, ngeci mu Njuvo yange mukale vyakulya vyavingi. Kacinjesekeni tayi nga kunjikamishokolwela vinjanena vya mwilu nakumyana vyuma vyavingi vije mukajeneka kwakuvitulikila.

Kulava 22:12

Njambi wendekele kuli Mbalame ngwendi, “Kesi uye amo na ava vanu, co kesi ukasinge vanu va Isalele, omwo njavavezikisa laja.”

Mateo 15:37

Co voshe valile vakutile. Asinoni vandongisi vakungulwile vimbazuvwila vije vyasaleleo vashulisile mitonga itanu na ivali.

Kwituluka mu Mashiko 28:8

“Shukulu Kalunga Njambi yeni akavezikisa vipangi vyeni nakushulisa vishete vyeni na vimbuto. Akamivezikisa mu lifuti lije lyakamyana.

Filipu 4:18

Ngecivene, njilinakutuma vukaleo vwa vyuma vyoshe vije mwatumine kuli yange, vikevyo vyajawisa kujeneka kwange kwoshe! Ololo njili nevi vyoshe njishaka omwo Epafolonditu nanjinenela vwana vweni vwoshe. Vukevwo vunapu ngwe mulambu wakunika lwengo lwaluvwa kuli Njambi, n̄ombelo ije yatambula nakumuvwaelelesa ikeye.

1 Timateo 4:8

Omwo akupangesa muvila cili na seo kamandondo, oloni kupangesa vya munzinzime vili na seo yakama manene mu vyuma vyoshe, omwo muvuvali vwavyo vikulaesa kuyoya kwa lelo nakuyoya kwa kulutwe.