2 Mizimbu 30:8 - Livulu lya Shukulu Kalunga

⁸ Kesi mukaluwise vimbunge vyeni ngwe muvalingile vakukulwila veni, oloni ononokeni Shukulu Kalunga, ijeni ku Njuvo yendi mu Yelusalema, ije yanajelesa Shukulu Kalunga Njambi yeni ku myaka yoshe, co mulemeseni ngeci vukalu vwendi vumitunde.

2 Mizimbu 30:8 Iomraidhean Croise

2 Vimyene 23:26

Oloni vukalu vwa Shukulu Kalunga vwakukomokesa vwezile ali Yunda a vije vyalingile Mwene Manase, co nakweta ku simbu eyi vene te kanda acivututumwise.

1 Mizimbu 29:24

Co vamyata voshe, na mashwalale, nameme vana va Ndaviti vakwavo vakulaesele ngeci vakononoka Solomoni akupwa mwene.

2 Mizimbu 28:11

Ngecivene, njitolilileni! Ava vinzinda vanapu vandolome veni na vandokazi veni. Veceleni vaye, kutewa Shukulu Kalunga akamihisa na vukalu vwendi.”

2 Mizimbu 28:13

Vendekele ngwavo, “Kesi muvanene kuno ovo vinzinda! Yetu tunalingi laja vuvi ku mesho a Shukulu Kalunga, co tunamuluvalesa ngeci atuhise. Co ololo mushaka lalo kuwezelela ku mulonga wetu.”

2 Mizimbu 29:10

“Co ololo njinayongola kulinga cikumiiyo na Shukulu Kalunga, Njambi ya Isalele, ngeci kesi atuluvalele lalo.

2 Mizimbu 36:13

Zendekiya watengulukilile Mwene Nevukaneza nakumulwisa, uje wamusindiiye alisinge mu lizina lya Njambi ngeci akapwe wa kulongwa. Oloni katavele, co welukile kuli Shukulu Kalunga, Njambi ya Isalele.

2 Mizimbu 6:5

‘Tunde a litangwa lije njatundisile vanu vange mu Ingito, kunjangwile nganda imo mu lifuti lyoshe lya Isalele ngeci vase kutungilamo Njuvo mwakunjilemesela, co kunjangwile munu umo ngeci atwamenene vanu vange va Isalele embwe.

2 Mizimbu 6:6

Oloni ololo njinaangula Yelusalema kupwa mwela uje vakanjilemesela, co lalo njinaangula yove Ndaviti kushwana vanu vange.’ ”

2 Mizimbu 7:16

omwo njinaangula Njuvo eyi nakuyijelesa kupwa mwela uvakanjilemesela ku myaka yoshe. Njikainyunga nakuyivwaesa simbu yoshe.

Ezela 10:14

Anguleni lika vamyata vetu vakale mu Yelusalema ngeci vakenge a n̄anda eyi. Ngecivene, taveni munu na munu ou ali na munakazi kesi kaYunda aije a simbu ije ivanemika, amolika na vantwama na maako va mu nganda yendi. Co mu ngila eyi, vukalu vwa Njambi vukahwa a cuma eci.”

Ezela 10:19

Vakevo vakulaesele kukondola vanakazi vavo, co vakombelelele lijamba kupwa n̄ombelo ya a vuvi.

Myaso 63:2

Njamwene nzili yove na vumpau vwove, mu Njuvo yove yakujela.

Myaso 68:24

Yove Njambi yetu na mwene yetu, tunamono laja vimbunga vya vanu, vaya ku mwela wove wakujela.

Myaso 68:31

Vaka-kwimanena mafuti vakatunda ku Ingito, co vaka-Sundane vakajundula mavoko avo nakulombela kuli yove Njambi.

Myaso 73:17

noo njakovelele mu Njuvo yove, asinoni njazivisisile vije vikalingiwa ku vaka-vuvi.

Myaso 78:49

Wavamwesele tuyando twakama akuvamwesa vukalu vwendi na matoto endi, vije vyezile ngwe mbunga ya tungelo yakunyongesa.

Kutuuka 32:9

Njizivuka kukaluwa kwa vimbunge vya vanu ava.

Njelemiya 50:15

Tambekeni mutambi wa nzita nakuzengeleka nganda! Ololo Mbambilone inaliiti. Vivumbe vyayo vinau. Co vinasanyozokela asi, njilinakulinga shambandinga ali vaMbambilone. Ngecivene, neni lalo velwisileni shambandinga, valingeni ngwe muje vakevo valingile ku vakwavo.

Mateo 4:10

Yesu wamukumbulwile ngwendi, “Tunda kuli yange, Satana! Omwo visoneka vinendeka ngwavyo, ‘Ukalemesa Shukulu Kalunga Njambi yove nakumupangela ikeye lika.’ ”

Yowano 12:26

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Loma 10:21

Oloni alinakwendeka ali Isalele ngwendi, “Simbu yoshe njashakele kutambula vanu vaka-kujeneka kwononoka vakevo lalo vaka-kutengulukila.”

Loma 6:22

Oloni ololo vanamipatula ku vuvi, co munapu vindungo va Njambi. Fweto yeni inapu mwonyo uje wakulikundika kuli ikeye, cikeco cinena mwonyo wa myaka yoshe.

Kwituluka mu Mashiko 10:16

Ngecivene, kutunda ku litangwa lya lelo, pweni vaka-kwononoka kuli Shukulu Kalunga kesi mupwe vaka-kukaluwa vimbunge.

Kwituluka mu Mashiko 6:13

Mukasingimika Shukulu Kalunga Njambi yeni, nakupangela ikeye lika, nakulisinga a lizina lyendi lika.

Kwituluka mu Mashiko 6:17

Mukakolesa kunyunga mashiko a Shukulu Kalunga Njambi yeni, na vukaleo vwendi, na vizilika vyendi vije namishiki.

Yoshwa 24:15

Nga kumwesi na cizango cakupangela Shukulu Kalunga, co anguleni ku litangwa lya lelo iyajo imukapangela, vinjambi vaje vavalemesele vakukulwila veni ku Mesopotamya, nambe vinjambi va vaAmoli, mu lifuti eli mumuli nakukala ololo. Oloni yange na naanga yange, tukapangela Shukulu Kalunga.”

Kujombolola 7:15

Mukemwo vanemana kulutwe lwa litanda lya Njambi nakumupangela mutanya na vutsiki mu Njuvo yendi. Co uje natumbama a litanda akavanyunga.