2 Mizimbu 30:27 - Livulu lya Shukulu Kalunga

²⁷ Vaka-kukombelela na vaLevi vemanene, co valombele vivezikiso vya Shukulu Kalunga ngeci viije ali vanu. Njambi wavazivile, omwo malombelo avo etele mwilu, mwimbo lyendi mwakujela.

2 Mizimbu 30:27 Iomraidhean Croise

1 Vimyene 8:30

Tolilila kulomba kwange ngamba yove na ku malombelo a vanu vove va Isalele omo vakenga ku mwela ou nakulombela. Omo mwilu muwakala tuzive nakutusambesa.

1 Vimyene 8:39

ziva malombelo avo. Vatolilile omo mwilu muwakala, co vasambese, nakuvakwasa. Yove lika wazivuka viyongola vya vimbunge vya vanu. Linga ku munu na munu ngwe mucinamupande.

2 Mizimbu 23:18

Yehoyanda waangwile vaka-kukombelela na vaLevi kupwa vakulunu va vipangi vya ku Njuvo ya Shukulu Kalunga. Vakevo vapangele vipangi vije vyavanene Mwene Ndaviti, nakukombelela vin̄ombelo vya kwenyeka kuli Shukulu Kalunga ngwe ku mashiko a Mosesa. Co lalo vapwile vakulunu vakukenga a myaso na a viwano.

2 Mizimbu 6:21

Tolilila kukulomba kwange ngamba yove na ku malombelo a vanu vove va Isalele omo vakenga ku mwela ou nakulombela. Omo mwilu muwakala tuzive nakutusambesa.

Myaso 68:5

Njambi uje wakala mu Njuvo yendi yakujela, ikeye muka-kulela visiwa nakunyunga vifwile.

Kutuuka 39:43

Co Mosesa welwile vyuma vyoshe, wamwene ngeci vanavilingi vyoshe ngwe muje mwashikile Shukulu Kalunga vene. Co Mosesa wavavezikisile.

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 63:15

Shukulu Kalunga, kenga ali yetu oku uli mwilu, mwimbo lyove lya vumpau. Kuma lajoko unatwivala ndi? Nzili yove ilikulijo? Cizemo cove nakutetela vilikulijo? Kesi utuyengule.

Isaya 66:1

Shukulu Kalunga alinakwendeka ngwendi, “Lilu lyapwa litanda lyange, co ano asi apwa vulyatelo vwange. Njuvo ya cifwa mukajo mwasa kunjitungila? Mutambela wa cifwa mukajo munjikala yange?

Yona 2:7

Omo njalezumukile, asinoni njalombelele kuli yove Shukulu Kalunga, na lilombelo lyange lyetele kuli yove, co mu Njuvo yove yakujela wanjizivile.

Vilinga vya Miluwa 10:4

Co ikeye wakengele kuli uje kangelo shwii na lyova wendekele kuli ikeye ngwendi, “Vika, Mwene?” Co kangelo wendekele ngwendi, “Malombelo ove na vwana vwove vinete kuli Njambi, vinapu vyakukwanukilao.

Kwituluka mu Mashiko 10:8

A simbu ije Shukulu Kalunga waangunwine muyati wa Levi kupwa vaka-kwambata Cikasa ca Cikumiiyo ca Shukulu Kalunga, nakwimana ku mesho a Shukulu Kalunga nakumupangela nakuvezikisa vanu mu lizina lya Shukulu Kalunga, ngwe muvali nakulinga na lelo lino.

Kwituluka mu Mashiko 26:15

Co kenga ano asi oku uli mu mwela wove wakujela mwilu, vezikisa vanu vove vaIsalele na livu liwunatwana, ngwe muje muwakulaesele vakukulwila vetu, lifuti lyalivwa nevi vyakujenekamo vyai.’