2 Mizimbu 30:21 - Livulu lya Shukulu Kalunga

²¹ A matangwa atanu na avali, vanu vaje vakungulukilile mu Yelusalema valisambele Ciwano ca Makende Akujeneka Musima nakujolela manene, co a litangwa na litangwa vaLevi na vaka-kukombelela vashangazalele Shukulu Kalunga na visanzi vyakwoya manene.

2 Mizimbu 30:21 Iomraidhean Croise

2 Mizimbu 20:21

Omo mwene wakele nakwendeka na vanu, washikile vaka-kwimba vazale vikoveyo vyakujela, co vatwame kulutwe lwa nzita, nakwimba ngwavo, “Shangazaleni Shukulu Kalunga! Omwo cizemo cendi cakala ku myaka yoshe!”

2 Mizimbu 29:30

Co mwene na vantwama valekele vaLevi kwimbila Shukulu Kalunga myaso yakumushangazala ije yasonekele Ndaviti na Asafe muka-kwimanena. Ngecivene, munu na munu wembile nakujolela manene omo vatsikamene a mavuli nakulemesa Njambi.

2 Mizimbu 30:11

Nameme ngoco kwakele vamo va ku miyati ya Ashele na Manase na Zembuloni vakevo vakele na cizango cakwija ku Yelusalema.

2 Mizimbu 30:26

Co mu nganda ya Yelusalema mwakele kujolela, omwo kukwakele cuma cimo calingiwilemo cakulifwa neci tunde a simbu ya Mwene Solomoni muna Ndaviti.

2 Mizimbu 35:17

Co a matangwa atanu na avali vanu voshe va Isalele vaje vakeleko valisambele Ciwano ca Pasovala na Ciwano ca Makende Akujeneka Musima.

2 Mizimbu 7:10

co a litangwa lyamumakumi avali na atatu ku ngonde yamucitanu na vivali, Solomoni washikile vanu veluke ku membo avo. Co voshe vamushangazalele a vivezikiso vyoshe vije vyaanene Shukulu Kalunga kuli vanu vendi va Isalele, na kuli Ndaviti, na kuli Solomoni.

Nehemiya 8:10

Yeni ku vinjuvo vyeni mukalinge ciwano. Lipangeleni vyakulya vyeni na vinyu na vaje vanajeneka. Litangwa lya lelo linapu lyakujela kuli Shukulu Kalunga ketu, ngecivene, kesi mukale na vusiwa. Kujolela kwa Shukulu Kalunga kukamitakamesa.”

Nehemiya 8:17

Vanu voshe vaje velukile kutunda ku vunzinda vatungile mapapela nakukalamo. Eci capwile cakulivanga kulingiwa tunde a matangwa a Yoshwa muna Nune, co vanu voshe vajolelele manene.

Kutuuka 12:15

Shukulu Kalunga wendekele ngwendi, “A matangwa atanu na avali kumwapandele kulya makende akwaka musima. Lyeni lika makende akujeneka musima. A litangwa lyakulivanga munapande kutundisa musima woshe mu vinjuvo vyeni, nga umo a simbu ya matangwa aje atanu na avali alya makende akwaka musima, co ikeye kakapu lalo umo wa vanu vange.

Kutuuka 13:6

Ngecivene, munapande kulya makende akujeneka musima a matangwa atanu na avali, co a litangwa lyamucitanu na avali lingileni Shukulu Kalunga ciwano cakumulemesa.

VaLevi 23:6

Co a litangwa lyamulikumi na atanu, ku ngonde ije vene mukashangumuka Ciwano ca Makende Akujeneka Musima mukusingimika Shukulu Kalunga, co a matangwa atanu na avali kumwapandele kulya makende akwaka musima.

Luka 2:43

Omo matangwa aje a ciwano ahwile, co vashangumukile kuya kwimbo, oloni mwanike Yesu wasalele munima mu Yelusalema. Visemi vendi kuvazivukile,

Luka 22:1

Ciwano cakulya Makende Akujeneka Musima cakele muyehi, cije vatumbula ngwavo Ciwano ca Pasovala.

Luka 22:7

Litangwa lyetele a simbu ya Ciwano ca Makende Akujeneka Musima, litangwa lije vatsiile vana va vimanga vakulya a Ciwano ca Pasovala.

Vilinga vya Miluwa 2:46

Co a litangwa na litangwa valikungulwile mu Njuvo ya Shukulu Kalunga, co valile vyakulya amolika mu vinjuvo vyavo, vakele nakulya na vimbunge vyakujolela na kulikeesa,

Kwituluka mu Mashiko 12:12

Co mukajolela ku mesho a Shukulu Kalunga Njambi yeni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi vaje vali mu vinganda vyeni omwo vakevo kuvesi na mutambela nambe vushwana akati keni.

Kwituluka mu Mashiko 12:7

Yeni na naanga yeni mukalya nakujolela mu vyoshe vimukalinga ku mesho a Shukulu Kalunga Njambi yeni uje namivezikisa.

Kwituluka mu Mashiko 16:14

Mukajolela a ciwano ceni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi, na vaka-kwija, na visiwa, na vifwile vaje valinakukala akati keni.

Filipu 4:4

Joleleni muli Mwene simbu yoshe, njicendekamo lalo ngwange, joleleni!