2 Mizimbu 30:17 - Livulu lya Shukulu Kalunga

¹⁷ Omwo vungi vwa vanu kuvajelele, co kuvatsiile vana va vimanga va Ciwano ca Pasovala, ngecivene, vaLevi vavalingilileko, co vakundikile vana va vimanga kuli Shukulu Kalunga.

2 Mizimbu 30:17 Iomraidhean Croise

2 Mizimbu 29:34

Vaka-kukombelela vapwile vavandondo ngeci vatsiye vimuna voshe ava, co vaLevi vavakwasele noo vamanesele vipangi. Co a simbu ije vaka-kukombelela vavangi valijelesele. (VaLevi vapwile va kulongwa mu vimbunge mukulijelesa kutuvakana vaka-kukombelela.)

Kutuuka 12:6

Ngecivene, mukavanyunga noo a litangwa lyamulikumi na awana ku ngonde, co ku cingwezi mbunga yoshe ya Isalele vakatsiye vaje vimuna.

Ezekiyele 44:11

Vasa kunjipangela mu Njuvo yange, mukunyunga vikolo nakupanga vipangi vya mu Njuvo yange. Vasa kutsiya vimuna vaje vavalinakukombelela vanu kupwa n̄ombelo ya kwenyeka, co lalo vakakala a vipangi ngeci vapangele vanu.

Kulava 9:7

vendekele ngwavo, “Yetu kutwajelele omwo twakwatele a civimbi, omwo vikajo vanatuvindikila ngwavo kutwasa kukombelela n̄ombelo kuli Shukulu Kalunga amolika na vanu va Isalele a simbu yaco?”

Yowano 11:55

Simbu ya Ciwano ca Pasovala yakele muyehi, co vanu vavangi vatundile ku mitambela yavo valamatele kuya ku Yelusalema mukulijelesa omo simbu ya ciwano kanda yete.