2 Mizimbu 30:15 - Livulu lya Shukulu Kalunga

¹⁵ A litangwa lyamulikumi na awana ku ngonde ije vene, vatsiile vana va vimanga vakukombelela a Ciwano ca Pasovala, vaka-kukombelela na vaLevi vaje kuvajelele vazivile shwamwa, co valikundikile kuli Shukulu Kalunga, co navo lalo vakombelelele vin̄ombelo vya kwenyeka mu Njuvo ya Shukulu Kalunga.

2 Mizimbu 30:15 Iomraidhean Croise

2 Mizimbu 29:15

Vanalume ava vakungulwile vavushoko vwavo vaLevi, co voshe valijelesele. Asinoni, ngwe mwavashikile mwene, vashangumukile kujelesa Njuvo ya Shukulu Kalunga ngwe ku lishiko lya Shukulu Kalunga.

2 Mizimbu 29:32

Co vanenele vingombe va nkomba makumi atanu na avali, na majamba a vimanga akupwa 100, na vana va vimanga vakupwa 200 nakuvakombelela kupwa vin̄ombelo vya kwenyeka kuli Shukulu Kalunga.

2 Mizimbu 29:34

Vaka-kukombelela vapwile vavandondo ngeci vatsiye vimuna voshe ava, co vaLevi vavakwasele noo vamanesele vipangi. Co a simbu ije vaka-kukombelela vavangi valijelesele. (VaLevi vapwile va kulongwa mu vimbunge mukulijelesa kutuvakana vaka-kukombelela.)

2 Mizimbu 30:13

Ku ngonde yamucivali mbunga yakama ya vanu vakungulukilile mu Yelusalema nakulisamba Ciwano ca Makende Akujeneka Musima.

2 Mizimbu 30:2

Co Mwene Hezekiya na vamyata vendi, na vanu voshe va mu Yelusalema valizivasanene kulisamba Ciwano ca Pasovala ku ngonde yamucivali.

2 Mizimbu 30:24

Co Mwene Hezekiya waanene vanu vingombe va nkomba vakupwa 1,000 na vimanga vakupwa 7,000 ngeci vanu vatsiye valye, co vamyata vaanene vingombe va nkomba vakupwa 1,000 na vimanga vakupwa 10,000. Co mbunga yakama ya vaka-kukombelela valijelesele.

2 Mizimbu 30:3

Kuvasele kulisamba Ciwano eci a simbu ije omwo vaka-kukombelela te kanda valijelese, na vanu lalo te kanda valikungulwile ku Yelusalema.

2 Mizimbu 31:18

Co voshe vavasonekele amo na vanakazi vavo, na vana vavo va vanalume, na ava va vanakazi, na vavushoko vwavo, omwo vavashakele ngeci valivwaesele kupanga vipangi vyavo vyakujela a simbu yoshe-iyoshe.

2 Mizimbu 35:6

Munapande kutsiya vana va vimanga na vimembe va a Ciwano ca Pasovala. Lijeleseni nakuvwaesa vyakukombelela ngeci vavushoko vweni vaIsalele vakakave vilongesa vije vyaanene Shukulu Kalunga kuli Mosesa.”

2 Mizimbu 5:11

Vaka-kukombelela voshe vaje vakeleko valijelesele, nambe vakundamene ku munga ika nambe ika.

Ezela 6:20

Vaka-kukombelela voshe na vaLevi valijelesele, co voshe vajelele. VaLevi vatsiile vimanga ngeci vanu voshe vaje velukile kutunda ku vunzinda, na vaka-kukombelela, na vaLevi vakevo vavenya vakombelelele a Ciwano ca Pasovala.

Kutuuka 19:10

co Shukulu Kalunga wendekele kuli ikeye ngwendi, “Ya kuli vanu ukavaleke ngeci valivwaese lelo na imene. Vanapande kulijelesa nakulemesa. Co vanapande kukusha vuzalo vwavo

Kutuuka 19:22

Nameme vaka-kukombelela ava vaija kuyehi nange, vanapande kulijelesa vakevo vavenya kutewa njikavahisa.”

Kulava 9:11

Vanamitavesa kucinyunga ku ngonde yamucivali, ku cingwezi ca litangwa lyamulikumi na awana. Co mukalya ciwano na makende akujeneka musima na visapa-sapa vyakulula.