2 Mizimbu 29:6 - Livulu lya Shukulu Kalunga

⁶ Vakukulwila vetu kuvakulaelele kuli Shukulu Kalunga Njambi yetu, oloni valingile vyavivi ku mesho endi. Vamusezele nakukengesa nima ku mwela kuje kwakala.

2 Mizimbu 29:6 Iomraidhean Croise

2 Mizimbu 34:21

“Yeni mukanjihwileko kuli Shukulu Kalunga nakwihwilako vanu ava vanasala mu Isalele na mu Yunda a vilongesa evi vili mu livulu eli livanawana. Shukulu Kalunga naluvala netu omwo vakukulwila vetu kuvasele kulinga vije vivasonekele mu livulu eli.”

Ezela 5:12

Oloni omwo vakukulwila vetu valuvalesele Njambi wa mwilu, co ikeye wavanene mu mavoko a Mwene Nevukaneza wa Mbambilone, mwene wa vumwene vwa vaKalendeya. Ikeye wanyongesele Njuvo ya Shukulu Kalunga eyi, co vanu vavatwalele ku vunzinda ku Mbambilone.

Ezela 9:7

Kutunda ku matangwa a vakukulwila vetu nakweta ku litangwa lya lelo, yetu vene, vanu vove, tunalingi vuvi vwakama manene. Omwo a vuvi vwetu, yetu na vimyene vetu, na vaka-kukombelela vetu tunawila mu mavoko a vimyene veka, co vanakala nakututsiya, nakutwivila, nakututwala mu vunzinda. Vanatuzivisa shwamwa manene, ngwe mutunafu lelo.

Nehemiya 1:6

Shukulu Kalunga, njikenge, co ziva lilombelo lyange, omo njilinakulombela vutsiki na mutanya ali vangamba vove, vanu va Isalele. Njalitavela ngeci yetu, vanu va Isalele, tunalingi vuvi. Vakukulwila vange, nange tunalingi vuvi.

Nehemiya 9:16

Oloni vakukulwila vetu valyalesele, nakukaluwisa vimbunge vyavo, co vavyanene kwononoka mashiko ove.

Nehemiya 9:32

“Yove Njambi, Njambi yetu, yove wakama, muka-nzili! Muka-kukomokesa, muka-kunyunga cikumiiyo na cizemo cove cije kucesi kutenguluka. Kutunda a simbu ije omo vimyene va vaAsilya vatuyandesele, nakweta ku simbu ino, tuyando twoshe tuje tuli ali yetu, na vimyene vetu, na vantwama vetu, na vaka-kukombelela vetu, na vaka-kwimanena vetu, na vakukulwila vetu, na vanu vetu voshe, kesi twatundondo ku mesho ove.

Nehemiya 9:34

Vakukulwila vetu, na vimyene vetu, na vantwama vetu, na vaka-kukombelela vetu kuvanyungile Mashiko ove. Kuvatolililile kukushika kwove na kukunangula kwove.

Njelemiya 16:19

Yove Shukulu Kalunga, u muka-kunjinyunga nakunjana nzili, u muka-kunjikwasa a visimbu vya tuyando. Miyati vakaija kuli yove kutunda ku shongo ya kaye nakwendeka ngwavo, “Vakukulwila vetu vakele lika na vinjambi va makuli, tumponya twakujeneka seo.

Njelemiya 2:13

omwo vanu vange vanalingi vuvi vuvali, vanatundu kuli yange, lisima lya kavwelu-vwelu lya mema akutonola, vanalicokwela masima a myanzi muje kumwasa kukendama mema.

Njelemiya 2:17

Isalele, yove vavenya walikokela vuvi! Wasezele yange Kalunga Njambi yove, omo njakutwamenenene mu ngila.

Njelemiya 2:27

voshe vaje vendeka ngwavo muti wapwa ishweni, co limanya lyapwa vanyoko. Eci cikalingiwa omwo munatundu kuli yange, kumwelukile kuli yange embwe. Oloni omo muli mu tuyando, co munjilomba ngeci njimikwase.

Njelemiya 26:19

“Mwene Hezekiya na vanu va mu Yunda kuvatsiile Mika. Oloni Hezekiya wasingimikile Shukulu Kalunga, nakulambelela ngozi ya Shukulu Kalunga. Co Shukulu Kalunga watengulwile viyongola vyendi ku vukalu vuje vwashakele kunena ali vakevo. Yetuco lelo tushaka kulikokela tuyando manene yetu vavenya.”

Njelemiya 44:21

“Ngwe a vin̄ombelo vyeni na vakukulwila veni, na vimyene veni, na vantwama veni, na vanu va mu lifuti na mu vinganda vya mu Yunda na mu vitapalo vya mu Yelusalema, kuma mwayongola ngweni Shukulu Kalunga kavizivukile nambe kuvyanuka ndi?

Mbimbi 5:7

Vakukulwila vetu valingile vuvi, oloni ololo voshe vanatsi, co ololo tulinakuyanda omwo vuvi vwavo.

Ezekiyele 18:14

“Nga co munalume ou wamucivali ali na munendi. Munendi amona vuvi vwoshe vwalingile ishe, oloni kasa kumutembunwina.

Ezekiyele 8:16

Ngecivene, wanjitwalele mukati ka cipango ca ku Njuvo ya Shukulu Kalunga. Co kuje kuyehi na cikolo ca mwela wakujela, mukati ka mutula na cikolo, mwakele vanalume makumi avali na vatanu. Vakengesele nima ku mwela wakujela, co vatsikamene a mavuli oku vanakenge mu ngangela, vakele nakulemesa litangwa omo lituuka.

Ndanyele 9:16

Yove watwamenene a simbu ya kunima, ngecivene, kesi uluvale na Yelusalema. Ikeyo yapwa nganda yove, lilundu lyove lyakujela. Vanu voshe vaje twalyata navo valinakukenga a Yelusalema na ali vanu vove omwo vuvi vwetu na vuvi vuje vuvalingile vakukulwila vetu.

Mateo 10:37

“Woshe uje azema ishe nambe vaina kutuvakana yange kapandele kupwa ndongisi yange, co woshe uje azema munendi wa munalume nambe wa munakazi kutuvakana yange kapandele kupwa ndongisi yange.