2 Mizimbu 29:5 - Livulu lya Shukulu Kalunga

⁵ wendekele kuli vakevo ngwendi, “Yeni vaLevi munapande kulijelesa ngeci mujelese Njuvo ya Shukulu Kalunga, Njambi ya vakukulwila veni. Tundiseni vyuma vyoshe vije vijwalesa ku Njuvo ya Shukulu Kalunga.

2 Mizimbu 29:5 Iomraidhean Croise

1 Mizimbu 15:12

Co wendekele kuli vaLevi ngwendi, “Yeni munapu mu vantwama va cikota ca vaLevi. Lijeleseni yeni vavenya nakujelesa lalo vakweni vaLevi, ngeci mukashake Cikasa ca Cikumiiyo ca Shukulu Kalunga Njambi ya Isalele nakucinena ku mwela kuje kunjacivwaesela.

2 Mizimbu 29:34

Vaka-kukombelela vapwile vavandondo ngeci vatsiye vimuna voshe ava, co vaLevi vavakwasele noo vamanesele vipangi. Co a simbu ije vaka-kukombelela vavangi valijelesele. (VaLevi vapwile va kulongwa mu vimbunge mukulijelesa kutuvakana vaka-kukombelela.)

2 Mizimbu 29:4

Wakungulwile vaka-kukombelela na vaLevi mu cipango ca mu ngangela ya Njuvo ya Shukulu Kalunga,

2 Mizimbu 35:6

Munapande kutsiya vana va vimanga na vimembe va a Ciwano ca Pasovala. Lijeleseni nakuvwaesa vyakukombelela ngeci vavushoko vweni vaIsalele vakakave vilongesa vije vyaanene Shukulu Kalunga kuli Mosesa.”

Nehemiya 12:30

Co vaka-kukombelela na vaLevi valijelesele vakevo vavenya, na vanu, na vikolo, na civumbe ca nganda.

Nehemiya 13:9

Njashikile lishiko ngeci vajelese milili, co njelwisililemo vivala vya mu Njuvo ya Shukulu Kalunga, na milambu ya vimbuto, na insense.

Myaso 93:5

Shukulu Kalunga, mashiko ove akala ku myaka yoshe, mwa vushunga Njuvo yove yapwa yakujela ku myaka yoshe.

Kutuuka 19:10

co Shukulu Kalunga wendekele kuli ikeye ngwendi, “Ya kuli vanu ukavaleke ngeci valivwaese lelo na imene. Vanapande kulijelesa nakulemesa. Co vanapande kukusha vuzalo vwavo

Kutuuka 19:15

co Mosesa wendekele kuli vakevo ngwendi, “Livwaeseleni cimweja ku litangwa lya indele, umo kesi akalimone na munakazi a simbu eyi.”

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

Ezekiyele 8:3

Wolwele cuma cafwile ngwe livoko, wanjikokele ku vin̄ambu. Co mu cimona eci vene, Munzinzime wa Njambi wanjijundwile mu mukambwila, wanjitwalele ku Yelusalema. Wanjitwalele mukati ka cikolo ca ku kunto ca Njuvo ya Shukulu Kalunga, kuje kwakele kamponya ka vunyengwe kaje kaluvalesele Njambi.

Ezekiyele 8:6

Njambi wendekele kuli yange ngwendi, “Muna munu, wamono vije vilinakulingiwa ndi? Kenga ku vyuma vya vunyengwe vije vivalinakulinga vanu va Isalele kuje, valinakunjishekela kulyala manene kutunda ku mwela wange wakujela. Ukamona vyuma vya shwamwa manene kutuvakana evi.”

Njwele 2:16

Kungulwileni vanu amolika, vakungulwileni ku cikungulukilo cakujela, neneni tukulukazi, kungululeni vanike na vimbututu lalo. Nameme vaje vanashomboka ololo vaseze vinjuvo vyavo vaije.

2 Kolinte 6:16

Vatijo Njuvo ya Shukulu Kalunga ilikumbasana na tumponya? Omwo yetu tunapu Njuvo ya Shukulu Kalunga wakuyoya! Ngwe mwanendeka vavenya Njambi ngwendi, “Njikatunga njuvo yange akati ka vanu vange, co njikayoya akati kavo. Njikapwa nji Njambi yavo, co vakevo vakapwa vanu vange.”

2 Kolinte 7:1

Vikulaeso vyoshe evi vavilingilile yetu, vasamba vange. Ngecivene, tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.