2 Mizimbu 29:34 - Livulu lya Shukulu Kalunga

³⁴ Vaka-kukombelela vapwile vavandondo ngeci vatsiye vimuna voshe ava, co vaLevi vavakwasele noo vamanesele vipangi. Co a simbu ije vaka-kukombelela vavangi valijelesele. (VaLevi vapwile va kulongwa mu vimbunge mukulijelesa kutuvakana vaka-kukombelela.)

2 Mizimbu 29:34 Iomraidhean Croise

2 Vimyene 12:6

Oloni mu mwaka wamumakumi avali na itatu wakushwana kwa Yowashe, vaje vaka-kukombelela kuvavwaesele Njuvo ya Shukulu Kalunga embwe.

1 Mizimbu 29:17

Njazivuka ngeci yove Njambi yange ukeseka mbunge ya munu na munu, co ukazivi kuvwaa na vanu vaje vaka-vushunga. Yange njinaana vyoshe evi kuli yove na cizango, co yange njinamono vanu vove ava vanakunguluka kuno vanaana nakuvwaelela kuli yove.

2 Mizimbu 29:33

Co lalo vanenele vingombe va nkomba vakupwa 600, na majamba a vimanga akupwa 3,000 kupwa vin̄ombelo ngeci vanu valye.

2 Mizimbu 29:5

wendekele kuli vakevo ngwendi, “Yeni vaLevi munapande kulijelesa ngeci mujelese Njuvo ya Shukulu Kalunga, Njambi ya vakukulwila veni. Tundiseni vyuma vyoshe vije vijwalesa ku Njuvo ya Shukulu Kalunga.

2 Mizimbu 30:15

A litangwa lyamulikumi na awana ku ngonde ije vene, vatsiile vana va vimanga vakukombelela a Ciwano ca Pasovala, vaka-kukombelela na vaLevi vaje kuvajelele vazivile shwamwa, co valikundikile kuli Shukulu Kalunga, co navo lalo vakombelelele vin̄ombelo vya kwenyeka mu Njuvo ya Shukulu Kalunga.

2 Mizimbu 30:24

Co Mwene Hezekiya waanene vanu vingombe va nkomba vakupwa 1,000 na vimanga vakupwa 7,000 ngeci vanu vatsiye valye, co vamyata vaanene vingombe va nkomba vakupwa 1,000 na vimanga vakupwa 10,000. Co mbunga yakama ya vaka-kukombelela valijelesele.

2 Mizimbu 30:3

Kuvasele kulisamba Ciwano eci a simbu ije omwo vaka-kukombelela te kanda valijelese, na vanu lalo te kanda valikungulwile ku Yelusalema.

2 Mizimbu 35:11

Omo vamanesele kutsiya vana va vimanga na vimembe, co vaLevi vavajuvile, co vaka-kukombelela vashamwinine maninga a mutula.

Ezela 6:20

Vaka-kukombelela voshe na vaLevi valijelesele, co voshe vajelele. VaLevi vatsiile vimanga ngeci vanu voshe vaje velukile kutunda ku vunzinda, na vaka-kukombelela, na vaLevi vakevo vavenya vakombelelele a Ciwano ca Pasovala.

Myaso 26:6

Shukulu Kalunga, njijwela ku mavoko ange kumwesa ngeci kunjesi na mulonga, co njiya nakulemesa ku mutula wove.

Myaso 7:10

Njambi ikeye ntelo yange, ikeye muka-kwamena vaje voshe valinga vya vushunga.

Myaso 94:15

Vushunga vukeluka lalo ku vaka-kulongwa, co voshe vaje vaka-kupanga mwamuvwa vakavukavangeya.

Ezekiyele 44:11

Vasa kunjipangela mu Njuvo yange, mukunyunga vikolo nakupanga vipangi vya mu Njuvo yange. Vasa kutsiya vimuna vaje vavalinakukombelela vanu kupwa n̄ombelo ya kwenyeka, co lalo vakakala a vipangi ngeci vapangele vanu.

Kulava 18:3

Vakevo vanapande kumipangela yeni nakupanga vipangi vyavo vya mu Mbalaka, oloni kuvapandele kushwenya kuyehi na vyuma vyakujela vije vili mu Mwela Wakujela nambe ku mutula. Nga valingamo, co na vakevo neni muvavoshe mukatsa.

Kulava 8:15

Omo unajelesa nakukundika vaLevi, co vaLevi vakasa kupanga vipangi mu Mbalaka Mwakuliwanena.

Kulava 8:19

Ngecivene, njinaana vaLevi kuli Alone na vana vendi kupwa vwana, akati ka vanu va Isalele nakupanga vipangi mu Mbalaka Mwakuliwanena na mukwambesa vanu va Isalele ngeci kesi kukale mushongo wakulitambwisa akati kavo, omo vanu vashwenya kuyehi na Mwela Wakujela.”