2 Mizimbu 29:30 - Livulu lya Shukulu Kalunga

³⁰ Co mwene na vantwama valekele vaLevi kwimbila Shukulu Kalunga myaso yakumushangazala ije yasonekele Ndaviti na Asafe muka-kwimanena. Ngecivene, munu na munu wembile nakujolela manene omo vatsikamene a mavuli nakulemesa Njambi.

2 Mizimbu 29:30 Iomraidhean Croise

2 Mizimbu 23:18

Yehoyanda waangwile vaka-kukombelela na vaLevi kupwa vakulunu va vipangi vya ku Njuvo ya Shukulu Kalunga. Vakevo vapangele vipangi vije vyavanene Mwene Ndaviti, nakukombelela vin̄ombelo vya kwenyeka kuli Shukulu Kalunga ngwe ku mashiko a Mosesa. Co lalo vapwile vakulunu vakukenga a myaso na a viwano.

2 Mizimbu 30:21

A matangwa atanu na avali, vanu vaje vakungulukilile mu Yelusalema valisambele Ciwano ca Makende Akujeneka Musima nakujolela manene, co a litangwa na litangwa vaLevi na vaka-kukombelela vashangazalele Shukulu Kalunga na visanzi vyakwoya manene.

2 Mizimbu 30:23

co voshe vaje vakungulukilile kuje vayongwele ngeci vaakeleko lalo matangwa atanu na avali. Ngecivene, valisambele nakujolela.

2 Mizimbu 30:26

Co mu nganda ya Yelusalema mwakele kujolela, omwo kukwakele cuma cimo calingiwilemo cakulifwa neci tunde a simbu ya Mwene Solomoni muna Ndaviti.

2 Mizimbu 7:3

Omo vanu va Isalele vamwene tuhya tutunda mwilu, na vumpau vuje vwashulisile Njuvo ya Shukulu Kalunga, co vatsikamene asi, valemesele Njambi nakumushangala omwo vuvwa vwendi na cizemo cendi cije kucesi kutenguluka cakala ku myaka yoshe.

Ezela 6:16

Asinoni vanu va Isalele, na vaka-kukombelela, na vaLevi, na vanu voshe veka vaje velukile kutunda ku vunzinda, vajolelele akukundika Njuvo ya Shukulu Kalunga.

Ezela 6:22

A matangwa atanu na avali vajolelele nakulisamba a Ciwano ca Makende Akujeneka Musima. Vajolelele manene omwo Shukulu Kalunga walingisile mwene wa Asilya kukala na mema ku mbunge ali vakevo, ngeci wavakwasele ku vipangi vyavo vyakutungulula Njuvo ya Shukulu Kalunga Njambi ya Isalele.

Nehemiya 12:46

Laja a matangwa a Mwene Ndaviti na Asafe muka-kwimba, vaka-kwimba vakele nakutwamenena myaso ya kushangazala, na myaso ya kukandelela kuli Njambi.

Myaso 106:12

Asinoni vakulaelele majwi endi, co vembile nakumushangazala.

Myaso 149:2

Vwaelela Isalele omwo Ishamatanga wove, joleleni, yeni vanu va ku Siyone, omwo ali mwene yeni!

Myaso 32:11

Vwaeleleni nakujolela yeni vaka-vushunga, omwo vije vyanalingi Shukulu Kalunga! Tambekeni nakujolela yeni vaka-kumwononoka!

Myaso 50:1

Shukulu Kalunga Njambi Muka-nzili yoshe alinakwendeka, ikeye nasana kaye koshe, kutunda mu ngangela na mu kangombe ka yambi.

Myaso 95:6

Ijeni tutsikame nakumulemesa, tutsikameni ku mesho a Shukulu Kalunga uje watutangele!

Myaso 96:9

Yeni vaka-kaye voshe tsikameni nakulemesa Shukulu Kalunga, na vuzalo vwakumulemesa navwo, vaka-kaye voshe vajaje ku mesho endi!

Filipu 4:4

Joleleni muli Mwene simbu yoshe, njicendekamo lalo ngwange, joleleni!