2 Mizimbu 29:25 - Livulu lya Shukulu Kalunga

²⁵ Co mwene wakavangeyeye vilongesa vije vyaanene Shukulu Kalunga kuli Mwene Ndaviti ali Ngande, muka-kwimanena wa mwene, na ali Natane muka-kwimanena, co ikeye waakele vaLevi mu Njuvo ya Shukulu Kalunga, na tulyalya, na vingenjo,

2 Mizimbu 29:25 Iomraidhean Croise

2 Samwele 24:11

Omo Ndaviti wendukile mutondo, co lijwi lya Shukulu Kalunga lyezile kuli Ngande muka-kwimanena wa Ndaviti ngwalyo, “Ya ukaleke Ndaviti ngwove,

1 Mizimbu 16:42

Hemane, na Njendutune lalo vakele na moko ya malupembo, na vingenjo, na vyakwimbisa vikwavo vije vakele nakwimba omo vembile myaso yakulemesa. Co vanu vaka-cikota ca Njendutune vakele na moko yakunyunga ku vikolo.

1 Mizimbu 21:9

Asinoni Shukulu Kalunga wendekele kuli Ngande, muka-kwimanena wa Ndaviti ngwendi,

1 Mizimbu 23:5

co ava 4,000 vapwile vaka-kunyunga ku vikolo, co vanu vakupwa 4,000 vapwile vaka-kushangazala Shukulu Kalunga na visanzi vije vyaanene Ndaviti ngeci vavipangese.

1 Mizimbu 28:12

Co lalo wamwanene matumbe oshe aje ayongwele a vipango na milili ije yavizengelekele, na milili yakutulikila vivala vya mu Njuvo ya Shukulu Kalunga, na vwana vwakukundika kuli Shukulu Kalunga.

1 Mizimbu 28:19

Mwene Ndaviti wendekele ngwendi, “Vyoshe evi vili mu vutumbe vuvasonekele ngwe ku mashiko aje anjanene vavenya Shukulu Kalunga ngeci njivilinge.”

1 Mizimbu 29:29

Vin̄anda vya Mwene Ndaviti kutunda kukushangumukila kutwala ku shongo vavisoneka mu mizimbu ya vaka-kwimanena vatatu, Samwele na Natane na Ngande.

1 Mizimbu 9:33

Co naanga ya vaLevi vamo vakele na moko yakwendesa myaso ya mu Njuvo ya Shukulu Kalunga. Vakulunu va naanga ije vakele mu vinjuvo vimo vya ku Njuvo ya Shukulu Kalunga, co vakele ngoco kuvapangele vipangi vikwavo embwe, omwo vakevo vakele nakupanga mutanya na vutsiki.

2 Mizimbu 30:12

Cizango ca Njambi lalo cakele mu Yunda, co Njambi wavanene mbunge imo ngeci vononoke kukava mashiko a mwene na vamyata vendi.

2 Mizimbu 30:21

A matangwa atanu na avali, vanu vaje vakungulukilile mu Yelusalema valisambele Ciwano ca Makende Akujeneka Musima nakujolela manene, co a litangwa na litangwa vaLevi na vaka-kukombelela vashangazalele Shukulu Kalunga na visanzi vyakwoya manene.

2 Mizimbu 35:15

Co vaLevi vaka-kwimba va ku cikota ca Asafe vakele mu myela yavo ngwe muvavaaneneyo ngwe ku mashiko a Mwene Ndaviti mazina avo, Asafe na Hemane na Njendutune, muka-kwimanena wa mwene. Co vaka-kunyunga ku vikolo vya Njuvo ya Shukulu Kalunga kuvatundile mu myela yavo, omwo vaLevi veka vavavwaeselele Ciwano ca Pasovala.

2 Mizimbu 8:14

Akukavangeya mashiko aje aakele ishe Ndaviti, wavwaesele vipangi vya vaka-kukombelela vya a litangwa na litangwa, na vya vaLevi vaje vakele nakulikwasa na vaka-kukombelela kwimba myaso amolika nakupanga vipangi vyavo. Co wemikile lalo vaka-kunyunga ku Njuvo ya Shukulu Kalunga ngeci vase kupanga vipangi vyavo vyakunyunga ku cikolo cimo na cimo a litangwa na litangwa ngwe ku mashiko a Ndaviti, munu wa Njambi.

Nehemiya 12:27

Omo vakundikile civumbe ca nganda ya Yelusalema, co vakashakele vaLevi kwoshe kuje kuvakele, ngeci navo vakulipandakane mukulisamba, akukundika nakwimba myaso ya cikandelela, na vingenjo, na tulyalya, na visanzi.

1 Samwele 22:5

Co Ngande muka-kwimanena wezile kuli Ndaviti wendekele ngwendi, “Kesi utumbame kuno embwe, ya ano vene ku lifuti lya Yunda.” Co Ndaviti wakatukile waile mu shwata ya Helete.