2 Mizimbu 28:23 - Livulu lya Shukulu Kalunga

²³ Wakombelelele vin̄ombelo ku vinjambi va vaSilya, vaje vamufungulwile. Wendekele ngwendi, “Vinjambi va vaSilya vakwasele vimyene vaSilya, ngecivene, nga njikombelela kuli vakevo, amo vakanjikwasa.” Oloni eci canenele vukalu vwakama ali ikeye na a lifuti lyendi.

2 Mizimbu 28:23 Iomraidhean Croise

2 Mizimbu 25:14

Omo Amaziya welukile nakufungulula vaEndome, wezile amo na tumponya twavo, co watushimbikile nakutulemesa, nakwenyekelako insense.

Isaya 1:28

Oloni vaka-kutengulukila na vaka-vuvi vakavanyongesa voshe, na vaje vavyana Shukulu Kalunga vakavanyongesa.

Isaya 45:20

Shukulu Kalunga alinakwendeka ngwendi, “Likungululeni amo, yeni vanu va mu mafuti, voshe vaje vanasalao ku miyati ijeni ngeci vamisompe! Vanu vaje valemesa tumponya twavo twa viti, co valombela kuli vinjambi vaje kuvasa kuvovola, vanu ava kuvesi na mana!

Njelemiya 10:5

Tumponya twa cifwa cangacije twafwa ngwe tumponya twa makwisiso twa mu lihya lya matanda, kutwasa kwendeka nambe kwenda kuvanga kutwambata. Kesi mutuzivile lyova embwe, kutwasa kumivulumuna, co lalo kutwesi na seo kuli yeni.”

Njelemiya 2:25

Isalele, kesi ujukise mendi ove, nambe mulivu wove kesi uminine na lihwila, kushatozoka noku-noku mukulemesa vinjambi veka. Oloni yove wendeka ngwove, ‘Embwe kunjasa kwiluka kunima. Njinashaka laja vinjambi veka, co njikavakavangeya.’ ”

Hoziya 13:9

“Njikaminyongesa, yeni vanu va mu Isalele! Co iyajo akamikwasa?

Hoziya 2:7

Akakava vaka-cizemo cendi, oloni kakavawana. Akavakengezeka, oloni kakavawana. Asinoni akendeka ngwendi, “Njiiluka kuli munalume wange wakulivanga, kuje njakele mwamuvwa kutuvakana muno munjili kuno ololo.”

Hambakuke 1:11

Asinoni vaita ngwe lihunzi, co vanai, vanu ava vakalemesa nzili yavo kuyipwisa ngwe njambi yavo.”