2 Mizimbu 28:19 - Livulu lya Shukulu Kalunga

¹⁹ Shukulu Kalunga wakeesele lifuti lya Yunda omwo Mwene Ahaze walingile mwamuvi, co wavulumwine manene kuli Shukulu Kalunga.

2 Mizimbu 28:19 Iomraidhean Croise

Kushangumuka 3:11

Njambi wamwihwile ngwendi, “Iyajo nakulekele ngwendi uli mutotototo? Kuma unali ku vushuka vuje njakulekele ngwange kesi ulyeko ndi?”

Kushangumuka 3:7

Omo vanali laja, co vakele na mana, valimwene vali mutotototo, ngecivene, vatongele maputa a muti wa mukuyu nakuwazala.

1 Vimyene 14:16

Shukulu Kalunga akaseza Isalele omwo Yelovowame nalingi vuvi nakutwamenena vanu va Isalele mu vuvi.”

1 Vimyene 18:18

Elinja wamukumbulwile ngwendi, “Kesi yange muka-kuyandesa. Muka-kuyandesa napu yove na isho. Kuwesi kwononoka mashiko a Shukulu Kalunga, co ukalemesa tumponya va Mbale.

2 Mizimbu 21:2

Njeholame muna Mwene Njosefati wa mu Yunda wakele na vandolome vendi vatanu na umo, mazina avo, Azaliya, na Njehiyele, na Zekaliya, na Azalyahu, na Mikaele, na Shefatiya.

2 Mizimbu 28:1

Ahaze wapwile mwene omo wakele na myaka makumi avali, co washwanene mu Yelusalema myaka likumi na itanu na umo. Ikeye kakavangeyeye vilinga vyavivwa vya kukulwila yendi Mwene Ndaviti, oloni walingile vije kuvyavwaelelesele Shukulu Kalunga,

2 Mizimbu 28:4

Oloni mitambela ije vakele nakulemesela vaje vaka-kujeneka kukulaela, a malundu na mu minzinze yoshe ya miti yakutonola, Ahaze lalo nendi wakele nakukombelelako vin̄ombelo vya kwenyeka na kwenyekelako insense.

2 Mizimbu 33:9

Manase watwamenenene vanu va mu Yunda mu kulinga vuvi vwakama manene kutuvakana vuvi vuje vuvalingile miyati ije yaashekele Shukulu Kalunga mu lifuti omo vanu vendi vakele nakuya kulutwe.

Yombi 40:12

Kenga ali voshe vaje vaka-kulyalesa ngeci valikeese, tsena vaka-vuvi aje avanemana.

Kutuuka 32:25

Co Mosesa wamwene ngeci Alone nongumuna vanu nakuvatundisa mu ngila yaivwa nakulinga vyangoco ku mesho a vitozi vavo.

Visimo 14:34

Vushunga vukatsimanesa lifuti, oloni vuvi vunena shwamwa ku lifuti lyoshe.

Visimo 29:23

Kulyalesa kutwala kukunyonga, oloni nga ulikeesa, co vakakusingimiko.

Hoziya 5:11

Isalele valinakumuyandesa. Nazimbalesa lifuti lije lyapwile vufuko vwendi vavenya, omwo washakele manene kuya mukuwana vukwasi kuli vaje kuvasa kumwanavwo.

VaLevi 5:19

Ou unapu mulambu wa kuliilwisila wa a vuvi vuje vwalingile kuli Shukulu Kalunga.”

Mika 6:16

Eci cikalingiwa omwo munakavangeya vilinga vyavivi vya Mwene Omeli, na munendi Mwene Ahave. Munakavangeya mashiko avo, ngecivene, njikaminyongesa. Co vanu voshe vakamishaula. Vanu vange vakamishaula kwoshe-ikwoshe.”

Kwituluka mu Mashiko 28:43

“Vaka-kwija vaje valinakukala mu lifuti lyeni vakakala na nzili manene, oloni nzili yeni ikatepuluka.

Kujombolola 16:15

“Tolilileni! Njilinakwija ngwe mwizi! Navezika uje atumbama nakukengelela nakunyunga vuzalo vwendi, ngeci kesi ende mushelengwa nakuziva shwamwa ku mesho a vanu!”

1 Samwele 2:7

“Ikeye autwisa vanu vamo, co vamo avafukisa, Ikeye akeesa vamo, co vamo avapwisa vakama.