2 Mizimbu 28:15 - Livulu lya Shukulu Kalunga

¹⁵ co vaje vanalume vawana vavaangwile ngeci vaane vuzalo vuje vuvapukwile. Vavaanene vuzalo na vin̄aku ngeci vazale, co vavaanene lalo vyakulya na vyakunwa, vavasatele mazi a olive a vimbandu vyavo. Vaje kuvakele na nzili yakwenda vavaakele a vimulu ngeci vendeleo, co vinzinda voshe vavelwisile ku lifuti lya vaYunda ku Yeliko, nganda ya mashakaVaLe Asinoni vaIsalele velukile kwimbo lyavo ku Samaliya.

2 Mizimbu 28:15 Iomraidhean Croise

2 Vimyene 6:22

Co wamukumbulwile ngwendi, “Embwe, kuma yove wasa kutsiya vanu vaje unafungulula mu nzita ndi? Vaane lika vyakulya na vyakunwa, co veluke kuli mwene yavo.”

2 Vimyene 6:23

Ngecivene, mwene wa mu Isalele wavalingilile ciwano cakama manene, co omo vanali nakunwa, wavelwisilile kuli mwene wa Silya. Co kutunda aje vaSilya valikelele kulwisa lifuti lya Isalele.

2 Mizimbu 28:12

Vantwama vawana va vanalume va ku Vumwene vwa ku Kunto, mazina avo, Azaliya muna Njehohanane, na Mbelekiya muna Meshilemote, na Njehizekiya muna Shalume, na Amasa muna Handalai navo lalo vapopolwele vilinga vya mashwalale.

2 Mizimbu 28:14

Ngecivene, mashwalale velwisile vinzinda na vufuko vuvapukwile kuli vanu na vantwama vavo,

Ezela 2:34

Vaje vakele mu Yeliko vapwile 345.

Nehemiya 5:12

Co vantwama vakumbulwile ngwavo, “Tukalinga ngwe muunendeka. Tukavelwisila vufuko vwavo, co kutukatambula makongo.” Co njasanene vaka-kukombelela na vantwama ngeci valisinge ku mesho avo, mukunyunga cikulaeso cije civanalingi.

Isaya 58:7

Lipangeleni vyakulya vyeni na vaje vali na njala, co shokolweleni tuutu na vaka-kuyanda ku vinjuvo vyeni. Aneni vuzalo kuli vaje vanajeneka vyakuzala, co kesi muvyane kukwasa vavushoko vweni.

Luka 6:27

“Oloni njimileka yeni vaka-kunjitolilila ngwange, zemeni vitozi veni, lingeni mwamuvwa kuli vaje vamizinda,

Luka 8:27

Omo Yesu walamatele a nunda, waliwanene na munalume umo watundile ku nganda wakele na minzinzime yakujwala. Simbu yakama kazalele vuzalo, co lalo katumbamene hembo embwe, oloni wakele lika ku viilo.

Luka 8:35

Co vanu vaileko nakukamona vije vyalingiwile, omo vezile kuli Yesu, co vawanene munalume uje wakele na minzinzime yakujwala natumbama ku mendi a Yesu, nazala mwamuvwa, nalikongomeka, co voshe vakele na lyova.

Vilinga vya Miluwa 9:39

Ngecivene, Petulu wakatukile waile navo. Omo wetele vamutwalele ku mulili wa akamwa kuje vifwile voshe vamuzengelekele nakulila nakumumwesa vimbinja na vikoveyo vije vyalingile Ndokasi a simbu wakele nakuyoya.

Loma 15:1

Yetu tunakolo mukukulaela tunapande kukwasa vaje kanda vakole mukukulaela kwavo ngeci vambate vitele vyavo. Kutwapandele kulivwaelelesa yetu vavenya embwe.

Kwituluka mu Mashiko 34:3

Asinoni wamumwesele mutambela wa Yunda wa ku mbwela, na cana cakutunda ku Zowale nakweta ku Yeliko, ikeyo nganda ya miti ya mashakaVaLe

1 Timateo 5:10

co ali na lutsimo lwa vilinga vyavivwa, munakazi uje nalele vana vendi mwamuvwa, muka-kutambula vangenzi ku njuvo yendi, muka-kulinga vilinga vya kulikeesa kuli vakwavo vaka-Yesu, nakukwasa vaje vali mu tuyando nakulikundika ku vipangi vyavivwa.

Maako 1:16

Vatekulwila va ishemweno ya Mosesa, wa kaKeni, valamatele na vanu va Yunda kutunda ku Yeliko, nganda ya mashakavale, nakweta mu lifuti lya mambo mu mbwela ku Alande mu Yunda. Co kuje vakatungile mukati ka vaAmaleke.