2 Mizimbu 28:13 - Livulu lya Shukulu Kalunga

¹³ Vendekele ngwavo, “Kesi muvanene kuno ovo vinzinda! Yetu tunalingi laja vuvi ku mesho a Shukulu Kalunga, co tunamuluvalesa ngeci atuhise. Co ololo mushaka lalo kuwezelela ku mulonga wetu.”

2 Mizimbu 28:13 Iomraidhean Croise

2 Mizimbu 24:18

Ngecivene, vanu valikelele kulemesela mu Njuvo ya Shukulu Kalunga, Njambi ya vakukulwila vavo, vashangumukile kulemesa tumponya, na vifwa vya Ashela njambi wa munakazi. Co vukalu vwa Shukulu Kalunga vwezile a Yunda na a Yelusalema omwo a vuvi ovu.

2 Mizimbu 28:12

Vantwama vawana va vanalume va ku Vumwene vwa ku Kunto, mazina avo, Azaliya muna Njehohanane, na Mbelekiya muna Meshilemote, na Njehizekiya muna Shalume, na Amasa muna Handalai navo lalo vapopolwele vilinga vya mashwalale.

2 Mizimbu 28:14

Ngecivene, mashwalale velwisile vinzinda na vufuko vuvapukwile kuli vanu na vantwama vavo,

Kulava 32:14

Co yeni munengi mu mwela wa vaishweni, cisemwa caciha ca vanu vavavi vaje vashaka kunena vukalu vwa Shukulu Kalunga ali vanu va Isalele.

Mateo 23:32

Twaleniho, mumanese vije vashangumukile vakukulwila veni!

Mateo 23:35

Ngwe a fweto yakutsiya vanu voshe vaje vakujeneka mulonga, cihiso cikaija ali yeni, kutunda akutsiya Avele wakujeneka mulonga kweta akutsiya Zakaliya muna Mbelekiya, uje imwatsiilile mukati ka Njuvo ya Shukulu Kalunga na mutula.

Loma 2:5

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.

Yoshwa 22:15

Vezile ku lifuti lya Ngilyande, kuli vanu va Luvena, na Ngande, na litambelo lya Manase wa mu Ngangela, vendekeleleko mbunga yoshe ya Shukulu Kalunga ngwavo,