2 Mizimbu 26:18 - Livulu lya Shukulu Kalunga

¹⁸ Vamuvindikile, co vamulekele ngwavo, “Ove Uziya! Yove kuwesi na moko yakwenyekela insense Shukulu Kalunga. Kuvanga vaka-kukombelela lika vaje vakutunda kuli Alone vaje vavajelesa laja vakevo vanapande kulinga evi. Tunda mu mwela ou wakujela. Unavulumuna kuli Shukulu Kalunga Njambi, co kuukawana lalo vivezikiso vyendi.”

2 Mizimbu 26:18 Iomraidhean Croise

2 Mizimbu 19:2

Co Yehu muka-kwimanena, muna Hanani, waile kuli mwene Njosefati, wendekele kuli ikeye ngwendi, “Kuma yove unapande kukwasa vaka-vuvi nakuzema vaje vazinda Shukulu Kalunga ndi? Omwo unalingi eci vukalu vwa Shukulu Kalunga vuli ali yove.

2 Mizimbu 30:7

Kesi mupwe ngwe vakukulwila veni na vavushoko vweni vaIsalele vaje kuvakulaelele kuli Shukulu Kalunga, Njambi yavo. Ikeye wavanyanyamesele visimbu vyavingi ngwe mumunamono.

Kutuuka 28:1

“Sana ndolome yove Alone na vana vendi, Nandave, na Avihu, na Elyazale, na Itamale. Vaangunune kuli vanu va Isalele ngeci vanjipangele vipangi vya vuka-kukombelela.

Njelemiya 13:18

Shukulu Kalunga wendekele kuli yange ngwendi, “Leka mwene na vaina vatunde a matanda avo, omwo vilongo vyavo vyavivwa vinau ku mitwe yavo.

Ndanyele 4:37

“Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

Kulava 18:7

Oloni yove lika na vana vove mukapanga vipangi vyoshe vya vuka-kukombelela na vyoshe vije vyakundama ku mutula, na vije vili mu Mwela Wakujela Manene. Yange njinamyana vipangi vya vuka-kukombelela kupwa vwana. Co munu woshe akashwenya kuyehi na vyuma vyakujela vakamutsiye.”

Kulava 3:10

Ukemika Alone na vana vendi kupanga vipangi vya vuka-kukombelela, oloni munu woshe-iwoshe akashwenya kuyehi, vakamutsiye.”

Mateo 10:18

Co vakamitwala ku mesho a vaka-kushwana, na ku mesho a vimyene, omwo lizina lyange, ngeci mukambulule Vin̄anda Vyavivwa kuli vakevo na kuli vanu vaje kesi vaYunda.

Mateo 10:28

Kesi muzivile lyova vaje vatsiya muvila oloni kuvasa kutsiya mwonyo, oloni zivileni lyova Njambi, uje asa kunyongesa vyoshe mwonyo na muvila muje mu mbulu ya tuhya.

Mateo 14:4

Omwo Yowano Muka-kumbwitika walekele Helonde ngwendi, “Kesi mwamuvwa kwambata Helondiya!”

Yowano 5:44

Mwashaka ngeci vamishangazale, oloni kumushaka Njambi ngeci amishangazale, cooni mwasa kunjikulaela vatijo?

1 Kolinte 5:5

kundikeni ou munalume kuli Satana ngeci muvila wendi ukanyonge, oloni munzinzime wendi ukovoke a Litangwa lya Mwene Yesu.

2 Kolinte 5:16

Ngecivene, kukwesi simbu yeka lalo itukasompa munu woshe-iwoshe mu cisemwa ca ano asi, nambe nga ku simbu imo twasompele Kilistu ngwe ku cisemwa ca ano asi, kutukelukilamo lalo kulinga ngacije.

Ngalatiya 2:11

Oloni omo Petulu wezile ku Antyoke, njamupopolwele ku mesho a mbunga, omwo waviisile.

VaHevelu 5:4

Naumo wai walyangwile ikeye vavenya kupwa Muka-kukombelela Wakama na kasingimiko kuvanga vamusane kuli Njambi ngeci munu apwe Muka-kukombelela Wakama ngwe muvasanene Alone.

Yakomba 2:1

Vasamba vange, akupwa mu vaka-kukulaela kuli Mwene yetu Yesu Kilistu, Mwene wa vumpau, kumwapandele kumwesa kaangu ku vanu ngwe ku cifwa cavo ca anja embwe.

Yoshwa 22:15

Vezile ku lifuti lya Ngilyande, kuli vanu va Luvena, na Ngande, na litambelo lya Manase wa mu Ngangela, vendekeleleko mbunga yoshe ya Shukulu Kalunga ngwavo,

1 Samwele 2:30

Yange Kalunga Njambi ya Isalele, njakulaesele laja naanga yove na cikota cove ngeci vakanjipangela kupwa vaka-kukombelela. Oloni ololo njendeka ngwange kunjishaka lalo ngacije embwe! Oloni njikasingimika vaje vanjisingimika, co vaje vanjiyengula nange njikavashaula.