2 Mizimbu 26:16 - Livulu lya Shukulu Kalunga

¹⁶ Oloni omo Mwene Uziya wakele na nzili, co washangumukile kulyalesa, eci cikeco camunenesele kuwa kwendi. Washawile Shukulu Kalunga Njambi yendi akukovela mu Njuvo ya Shukulu Kalunga nakwenyekela insense a mutula wa insense.

2 Mizimbu 26:16 Iomraidhean Croise

1 Vimyene 12:33

Co a litangwa lyamulikumi na atanu ku ngonde yamucitanu na vitatu, a litangwa lije lyemikile, Yelovowame waile ku Mbetele nakukombelela n̄ombelo a mutula mukulisamba a ciwano cije cemikilile vanu va Isalele.

1 Vimyene 13:1

Akushika kwa Shukulu Kalunga, muka-kwimanena wa ku Yunda waile ku Mbetele, omo wetele kuje wawanene Yelovowame nemana ku mutula mukukombelela n̄ombelo.

2 Vimyene 14:10

Ololo yove Amaziya, unafungulula vaEndome, co uli na kulyalesa. Wapwisamo lutsimo lwove, co tumbama kwimbo lyove. Omwo vikajo ulishakela n̄ole ije ikanena tuyando kuli yove na kuli vanu vove?”

2 Vimyene 15:5

Co Shukulu Kalunga watumine mushongo wa mbumba ali Uziya, wakele nawo mukuyoya kwendi kwoshe. Wakele mu njuvo yendi endi lika, co wecelele vipangi vyoshe, oloni munendi Yotame washwanene lifuti.

2 Mizimbu 12:1

Omo vumwene vwa Lehovowame vwakolele, nendi lalo omo wakele na nzili, co ikeye na vanu va Isalele voshe vasezele Lishiko lya Shukulu Kalunga.

2 Mizimbu 25:19

Nove lalo Amaziya, ulinakulishasha ngeci unafungulula vaEndome, oloni njikunangula ukale kwimbo lyove. Omwo vikajo ulishakela n̄ole ije ikanena tuyando ali yove na ali vanu vove?”

2 Mizimbu 26:15

Co mu Yelusalema vanu vendi vaka-vutongwe vafulile vikuvo vyakwashesa nakumbila mamanya akama kutunda ku tuposhi na ku vimbango vya civumbe ca nganda. Co lutsimo lwendi lwaile kulyala, wapwile muka-nzili manene omwo Njambi wamukwasele.

2 Mizimbu 27:2

Ikeye walingile vije vyavwaelelesele Shukulu Kalunga, ngwe mwalingile ishe Uziya, oloni kalingile vuvi vwakwenyekela insense mu Njuvo ya Shukulu Kalunga. Oloni nameme ngoco, vanu anga vakele nakulinga vuvi.

2 Mizimbu 32:25

Oloni Hezekiya walyalesele manene, kamwesele kasingimiko a vije vyamulingilile Shukulu Kalunga, ngecivene, vukalu vwa Shukulu Kalunga vwezile ali ikeye na a Yunda na a Yelusalema.

Visimo 16:18

Kulyalesa manene kutwala munu kukunyonga.

Ndanyele 11:12

Ikeye akalyalesa akuhyana kwendi na a mashwalale vavangi vaje vanatsii, oloni kakahyana lalo.

Ndanyele 8:8

Co uje lijamba lya membe walyalesele manene, oloni omo wakolele, co ije mbinga yendi yakama yapokokele. Co mu mwela wayo mwamenene lalo vimbinga vikwavo viwana, co imo na imo yakengesele mu mutambela weka.

Hambakuke 2:4

Co awa akewo majwi, ‘Vaka-vuvi vakatsa, oloni vaka-vushunga vakayoya omwo vakonononoka kuli Njambi!’ ”

Kulava 16:1

Kola muna Izehale wa ku naanga ya Kohate ku cikota ca Levi. Ikeye walipandakanene na vanalume vatatu va ku muyati wa Luvena, Ndatane, na Avilame vana va Elyave, na Oni muna Pelete.

Kulava 16:18

Ngecivene, munu na munu wambatele cikango cendi, co waakeleo manungu a tuhya na insense, co vemanene ku cikolo ca Mbalaka Mwakuliwanena amo na Mosesa na Alone.

Kulava 16:35

Asinoni Shukulu Kalunga watumine tuhya, co twenyekele vaje vanalume 250 vaje vakombelelele insense.

Kulava 16:7

co mukakeo tuhya, na insense, co mukavitwale ku mutula, co uje munu yakaangula Shukulu Kalunga ikeye akapwa wakujela. Yeni vana va Levi, yeni vene, mwapwa vaka-kulyalesa manene.”

Kulava 17:5

Co mulamu wa munalume uje injikaangula ukajovelela. Mu ngila eyi njikamanesa kulinyenyeta kwa vanu va Isalele kuje vakalinyenyetela kuli yeni.”

Kwituluka mu Mashiko 8:14

cooni vimbunge vyeni vikalyalesa nakwivala Shukulu Kalunga Njambi yeni uje wamitundisile mu Ingito, mu lifuti lya vundungo.

Kwituluka mu Mashiko 8:17

Ngecivene, nyanyameni kutewa mukendeka mu vimbunge vyeni ngweni, ‘Yetu vavenya twalifukisa na nzili yetu na vukama vwetu.’

Kolose 2:18

Kesi mutave vamihise kuli umo uje alisholola ikeye vavenya kupwa wakama omwo a vimona vimo vije endeka akulilumbilisa kwa makuli nakulemesa tungelo. Omwo vanu va cifwa cangacije vakalyalesa na viyongola vyavo vya vunu,