2 Mizimbu 26:15 - Livulu lya Shukulu Kalunga

¹⁵ Co mu Yelusalema vanu vendi vaka-vutongwe vafulile vikuvo vyakwashesa nakumbila mamanya akama kutunda ku tuposhi na ku vimbango vya civumbe ca nganda. Co lutsimo lwendi lwaile kulyala, wapwile muka-nzili manene omwo Njambi wamukwasele.

2 Mizimbu 26:15 Iomraidhean Croise

2 Mizimbu 2:14

Vaina vapwile va ku muyati wa Ndani, co ishe wapwile wa ku lifuti lya Tile. Ikeye azivuka mwamuvwa kupanga vyuma vyakutunga a ngolinde na a siliva na a vunengu na a vutale na a mamanya na a mavaya. Ikeye azivuka kutunga na vwanda vwakuzivuluka na vwakuvenguluka na vwakuvenga na vwa linyu. Ikeye azivuka kulinga vyuma vyoshe vyakuliseza-seza vyakushonga, co asa kukava cimweso coshe civamuleka ngeci acilinge. Mutave apange amo na vatongwe vove vaje vapangele kuli isho Mwene Ndaviti.

2 Mizimbu 2:7

Ngecivene, ololo njitumine munalume uje ali na vutongwe vwakushonga mamanya, nakupangesa ngolinde na siliva na vunengu na vutale nakutonga vinanga vyakuzivuluka, nevi vya linyu, nevi vyakuvenguluka. Ikeye akapanga na vatongwe va mu Yunda na va mu Yelusalema vaje vaangwile laja tate Ndaviti.

2 Mizimbu 26:14

Uziya waanene mashwalale vintelo, na makunga, na vitepa vya vikuvo vya nzita na tuzaku twa vikuvo twa nzita na mata a lusipa na mikili, na mamanya akwashesa mu cipapa ca kenya.

2 Mizimbu 26:16

Oloni omo Mwene Uziya wakele na nzili, co washangumukile kulyalesa, eci cikeco camunenesele kuwa kwendi. Washawile Shukulu Kalunga Njambi yendi akukovela mu Njuvo ya Shukulu Kalunga nakwenyekela insense a mutula wa insense.

Kutuuka 31:4

na mukuyongola vutumbe vwa vutongwe vwakushova nakushovasana nakuvipangesa na ngolinde, na siliva, na vunengu,

Isaya 29:14

Ngecivene, kengeni, njikalinga lalo vyuma vyakukomokesa a vanu ava, co njikanyongesa mana a vaje valiyongola ngwavo vali na mana nakuzivuka.”

Hambakuke 1:5

Asinoni Shukulu Kalunga wendekele kuli vanu vendi ngwendi, “Kengeni akati ka miyati ya vanu ava vanamizengeleka, co mukalikomokela a vyuma vimukamona. Njikalinga cuma cimo cije kumukakulaela nameme mukaciziva.

Mateo 4:24

Lutsimo lwendi lwetele na ku lifuti lyoshe lya Silya, co vamunenelele vaje voshe vakele nakuvinja, vakele na mishongo yakuliseza-seza yoshe na mishongo yeka, na vaje vayandele manene na minzinzime yakujwala, na vaka-kushinya, na vaka-kayekele, co Yesu wavakangwisile voshe.

Kwituluka mu Mashiko 20:20

Co mwasa kushinja miti yeka nakuyipangesa ndendelo yakulondela civumbe ca nganda ije mulinakulwa nayo noo munayifungulula.