2 Mizimbu 25:8 - Livulu lya Shukulu Kalunga

⁸ Yove wayongola ngeci amo vakakukwasa mu nzita, oloni Njambi ikeye ali na nzili yakukuhyanesa nambe yakukufungulula, co ikeye akatava ngeci vitozi veni vamifungulule.”

2 Mizimbu 25:8 Iomraidhean Croise

2 Mizimbu 1:12

Co njikakwana mana nakuzivisisa, amo na vufuko vwavungi, na lutsimo kutuvakana vimyene voshe vaje vakeleko laja nambe vaje vakakalako kulutwe.”

2 Mizimbu 14:11

Ngecivene, Asa walombelele kuli Shukulu Kalunga Njambi yendi ngwendi, “Yove Shukulu Kalunga, kukwesi weka asa kukwasa vaka-kuzeya omo valwa na vaka-nzili kuvanga yove lika. Tukwase ololo, Shukulu Kalunga Njambi yetu, omwo yetu twajendamena ali yove, co mu lizina lyove tunaija nakulwa na mashwalale ava vavangi manene. Shukulu Kalunga, yove unapu u Njambi yetu, naumo wai asa kukuhyana.”

2 Mizimbu 18:14

Omo wetele ku mesho a Mwene Ahave, co mwene wamwihwile ngwendi, “Mikaya, citava ngeci Mwene Njosefati nange tuye tukalwise Lamote indi embwe?” Co Mikaya wamukumbulwile ngwendi, “Eyo, yeni mukalwe! Mwa vushunga mukahyana. Shukulu Kalunga akamyana nzili yakuvafungulula.”

2 Mizimbu 20:6

walombelele na lijwi lyakama ngwendi, “Yove Shukulu Kalunga Njambi ya vakukulwila vetu, yove washwana mwilu na mafuti oshe a mu kaye. Yove wakala na nzili, naumo wai asa kukuyeluwisa.

2 Mizimbu 26:7

Co Njambi wamukwasele kufungulula vaFilisitiya, na vaAlavya vaje vakele ku Ngulembale na vaMeuni.

Yombi 5:18

Omo Njambi akutwa mbandu, co azengao, nambe akupupa na mavoko endi, anga vene mavoko endi akukangwisa.

Yombi 9:13

Co vukalu vwa Njambi kuvwesi kuhwila muyehi. Watsenene vitozi vendi vaje vakwasele Lahave, uje cikashama wa mu mema a kalunga, muka-kumuyeluwisa.

Myaso 20:7

Vamo vanakulaela mu matemba avo a nzita, co vakwavo lalo vanakulaela ku tuvalu twavo, oloni yetu tunakulaela nzili ya Shukulu Kalunga Njambi yetu!

Myaso 24:1

Kaye na vyoshe vije vilimo vyapwa vya Shukulu Kalunga, asi na vanu voshe valiho vapwa vendi.

Myaso 33:10

Shukulu Kalunga anyongesa mana a vanu, ikeye atanganesa matumbe a vanu kuwapwisa angoco.

Myaso 33:16

Mwene kesi kuhyana omwo nzili ya mashwalale vendi, co lishwalale kesi kuhyana omo nzili yendi embwe.

Myaso 62:11

Visimbu vyavingi njinazivi Njambi endeka ngwendi, “Nzili yakundama kuli yange,

Myaso 89:43

Kuwamulwililileko mu nzita, co unamwecelela ngeci vamufungulule.

Visimo 10:22

Civezikiso ca Shukulu Kalunga cikeco cikufukisa. Kupanga na nzili kucasa kukufukisa.

Muka-kwambulula 11:9

Vakwenje vwaeleleni a vukwenje vweni, pweni vaka-kuvwaelela simbu mucili mu vakwenje. Lingeni vyoshe vimushaka kulinga, co kaveni mashungu a vimbunge vyeni. Oloni anukeni ngweni, Njambi akamisompa a vije vyoshe vimulinakulinga.

Muka-kwambulula 9:11

Njanangukile cuma cikwavo lalo ngeci muno mu kaye, vaka-kushatuka manene kuvesi kuhyana kushatuka simbu yoshe, co vaka-kusimpa kuvesi kuhyana nzita simbu yoshe, co vaka-mana kuvesi kuwana vufuko simbu yoshe, na vaka-vutongwe kuvesi kuwana vitumbamo vyakama simbu yoshe. Luvinda lukaija ku munu woshe-iwoshe.

Hangai 2:8

Siliva yoshe na ngolinde yoshe ya mu lifuti vyapwa vyange.

Mateo 26:45

Asinoni welukile kuli vandongisi vendi, wavehwile ngwendi, “Kuma anga munacilala nakuhwima ndi? Kengeni! Simbu inete laja, omwo Muna Munu valinakumwana ku nzili ya vaka-vuvi.

Kwituluka mu Mashiko 8:18

Oloni mukanuka ngeci ngweni Shukulu Kalunga Njambi yeni ikeye namyana nzili yakufuka vufuko. Ikeye alinakulinga eci ngeci akolese cikumiiyo cije walikumiiye na vakukulwila veni, omwo ikeye wapwa wa kulongwa na ku litangwa lya lelo.

Filipu 4:19

Co Njambi yange akamyana vyuma vyoshe vije mushaka ngwe kukujeneka kweni muli Kilistu Yesu.

Maako 7:7

Co Shukulu Kalunga wendekele kuli Ngilyone ngwendi, “Njikamyamena kuli vaMindyani ali vanalume 300, vaje vanakacwile mema. Co leka voshe vanasalao veluke ku membo avo.”

1 Samwele 14:6

Yonatana wendekele kuli uje mukwenje wambatele vitwa vyendi vya nzita ngwendi, “Tujavuke tuye musambwa mu cilombo ca vaFilisitiya vaje vaka- kuli kukulaela Shukulu Kalunga. Amo Shukulu Kalunga akatukwasa, omwo kukwesi vimuvindika kutuhyanesa, nambe tunapu tuvavandondo lika.”