2 Mizimbu 25:27 - Livulu lya Shukulu Kalunga

²⁷ Tunde a simbu ije Amaziya watengulukile nakuseza Shukulu Kalunga, kwakele munga yakumulwisa mu Yelusalema. Co akukotoka watewelele ku nganda ya Lakishe, oloni vitozi vendi vamukavele, co vakamutsiilile kuje.

2 Mizimbu 25:27 Iomraidhean Croise

2 Vimyene 14:19

Co mu Yelusalema mwakele vutumbe vwakutsiya Amaziya, ngecivene, watewelele ku nganda ya Lakishe, oloni vitozi vendi vamukavele, co vamutsiilile kuje vene.

2 Mizimbu 11:9

na Andolaime, na Lakishe, na Azeka,

2 Mizimbu 15:2

co waile nakuliwana na Mwene Asa. Co watambekele ngwendi, “Njitolilile, yove Mwene Asa, neni vanu voshe va Yunda na Mbenjemani njitolilileni! Shukulu Kalunga ali amo neni, omo yeni muli amo nendi, nga mumushakezeka, mukamuwana, oloni nga mutunda kuli ikeye, co akamiseza.

2 Mizimbu 22:9

Co vashakezekele Ahaziya, vamuwanene navanda mu Samaliya. Ngecivene, vamutwalele kuli Yehu, co wamutsiile. Vatsindile muvila wendi mukusingimika kuku yendi Mwene Njosefati, uje walingile vyavingi omo wapangelele Shukulu Kalunga. Naumo wai wa ku naanga ya Ahaziya wasaleleo ngeci ashwane vumwene.

2 Mizimbu 24:25

Yowashe wavetwele manene, omo vitozi vaile, vamyata vendi vavali vamukele munga yakumulwisa, co vamutsiilile mu mulili wendi, omwo ikeye Yowashe watsiile vana va Yehoyanda muka-kukombelela. Vamutsindile mu Nganda ya Ndaviti, oloni kesi mu vimbumbo vya vumwene.

2 Mizimbu 25:26

Co vilinga vikwavo vyeka vije vyalingile Amaziya kutunda kukushangumuka kutwala ku shongo yakushwana kwendi vavisoneka muLivulu lya Mizimbu ya Vimyene va mu Yunda na mu Isalele.

2 Mizimbu 25:28

Muvila wendi vautwalele ku Yelusalema a cimulu, co vamutsindile mu vimbumbo vya vumwene mu nganda ya Ndaviti.

2 Mizimbu 33:24

Vamyata va Amoni vamukele munga yakumulwisa, co vamutsiilile mu lipela.

Yoshwa 10:31

Asinoni Yoshwa na mashwalale vendi vatundile ku Limbena, vaile ku Lakishe, vaizengelekele nakuyilwisa.

Yoshwa 22:15

Vezile ku lifuti lya Ngilyande, kuli vanu va Luvena, na Ngande, na litambelo lya Manase wa mu Ngangela, vendekeleleko mbunga yoshe ya Shukulu Kalunga ngwavo,