2 Mizimbu 25:26 - Livulu lya Shukulu Kalunga

²⁶ Co vilinga vikwavo vyeka vije vyalingile Amaziya kutunda kukushangumuka kutwala ku shongo yakushwana kwendi vavisoneka muLivulu lya Mizimbu ya Vimyene va mu Yunda na mu Isalele.

2 Mizimbu 25:26 Iomraidhean Croise

1 Vimyene 14:19

Vyuma vyeka vije vyalingile Mwene Yelovowame, vinzita vyalwile na muje mwashwanene, vyoshe vavisoneka mu Livulu lya Mizimbu ya Vimyene va mu Isalele.

1 Vimyene 14:29

Vyuma vyeka vije vyalingile Mwene Lehovowame vavisoneka mu Livulu lya Mizimbu ya Vimyene va mu Yunda.

2 Vimyene 14:15

Vyuma vyoshe vije vyalingile Yehowashe, amo na vilinga vyendi vyakusimpa mu nzita yakulwisa Mwene Amaziya wa mu Yunda, vavisoneka mu Livulu lya Mizimbu ya Vimyene va mu Isalele.

1 Mizimbu 29:29

Vin̄anda vya Mwene Ndaviti kutunda kukushangumukila kutwala ku shongo vavisoneka mu mizimbu ya vaka-kwimanena vatatu, Samwele na Natane na Ngande.

2 Mizimbu 20:34

Vyuma vyoshe vije vyalingile Njosefati, kutunda kukushangumukila kutwala ku shongo yakushwana kwendi, vavisoneka mu Livulu lya Mizimbu lya Yehu muna Hanani, lije lyapwa litambelo lya Livulu lya Mizimbu ya Vimyene va mu Isalele.

2 Mizimbu 25:25

Mwene Amaziya wa mu Yunda wayoyele myaka likumi na itanu omo Mwene Yehowashe wa mu Isalele natsi laja.

2 Mizimbu 25:27

Tunde a simbu ije Amaziya watengulukile nakuseza Shukulu Kalunga, kwakele munga yakumulwisa mu Yelusalema. Co akukotoka watewelele ku nganda ya Lakishe, oloni vitozi vendi vamukavele, co vakamutsiilile kuje.

2 Mizimbu 26:22

Co Isaya muka-kwimanena muna Amoze wasonekele vyuma vyoshe vikwavo vije vyalingile Mwene Uziya a simbu yakushwana kwendi.

2 Mizimbu 27:7

Vilinga vikwavo vyakushwana kwa Yotame, na vinzita vyendi, na mashiko endi, vyoshe vavisoneka mu Livulu lya Mizimbu ya Vimyene va mu Isalele na mu Yunda.

2 Mizimbu 32:32

Vyuma vyoshe vije vyalingile Mwene Hezekiya na kulongwa kwendi kuli Shukulu Kalunga vavisoneka muLivulu lya Vimona vya Isaya Muka-kwimanena Muna Amoze na mu Livulu lya Mizimbu ya Vimyene va mu Yunda na mu Isalele.

2 Mizimbu 35:27

na vin̄anda vyendi kutunda kukushangumukila nakweta ku shongo, vyoshe vavisoneka mu Livulu lya Mizimbu ya Vimyene va mu Isalele na mu Yunda.

2 Mizimbu 36:8

Vyuma vyoshe vije vyalingile Yehoyakime, vilinga vyendi vya vunyengwe na vuvi vuje vwalingile, vavisoneka muLivulu lya Mizimbu ya Vimyene va mu Isalele na mu Yunda. Co munendi Yehoyakine wamushwanene kupwa mwene.